लुका 8:10 - लिम्बु10 ये़सुरे़ खे़ङ्हाॽ मे़त्तुसि, “निङ्वाॽफुहाङ्जुम्मिल्ले़न् सिगाङ्बा पाःन्हाॽ खिनिॽरक् कुसिङ् निःप्मा के़घोसुम्माङ् के़वयिॽरो, कर वेॽ मनाहाॽनु इङ्गाॽ खे़दाॽओरक् पाःत्तारो॥ हे़क्केःल्ले़ “‘कङ्हाॽरे़ ओमे़मे़त्तुसाङ् मे़न्निसुन्, मे़घे़प्सुसाङ् कुसिङ् मे़न्निःत्तुन्लो॥’ Gade chapit la |
लुका 8:10
24 Referans Kwoze
खे़ङ्हाॽरे़ थेआङ् मे़ल्ले़सुन्लो, खे़ङ्हाॽरे़ थेआङ् कुसिङ् मे़न्निःत्तुन्लो॥ खे़ङ्हाॽरे़ खुन्छिॽ मिक्हाॽ इम् मे़मे़त्तुआङ् पत्लो, खे़ल्ले़चोगुल्ले़ खे़ङ्हाॽरे़ निमा मे़न्छुक्तुन्लो, खे़ङ्हाॽरे़ खुन्छिॽ निङ्वान् मे़साक्तुआङ् वाॽरो, हे़क्क्याङ् खे़ङ्हाॽरे़ कुसिङ् निःप्मा मे़न्छुक्तुन्लो॥
खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्दो इःत्छिङ्साम् के़घोसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ् के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
कल्ले़चोगुल्ले़ आङ्गाॽ याम्मो थिक्ले़ङ् कन् मनाहाॽरे़ खुन्छिॽ लुम्मो निङ्वाॽ के़माबा नु निङ्वाॽ के़ले़ङ्बा याःम्बक् चोगुङ्ङाङ् निङ्वाॽ ने़हि मार चोगुङ्लो॥ हे़क्क्याङ् सिक्कुम्साबाहाॽरे़ खुन्छिॽ सिक्कुम्निङ्वान् मे़क्लो, हे़क्क्याङ् खे़ङ्हाॽरे़ खुन्छिॽ के़रे़क्नुःल्ले़आङ् चाःत्चाःप्पा मनाःल्ले़ कुचाःत्चाःत् लॽमान् माबेःक्लो॥”
Piblisite