लुका 8:1 - लिम्‍बु

¹ खे़न् एगाङ् ये़सुन् निङ्‌वाॽफुहाङ्‌जुम्‍मिल्‍ले़ कुयाःम्‍बेओ सुनाइङ् से़सुर ये़क्‌यक् नु पाङ्‌भेॽहाॽओ लाम्‍दिक् चोगे़॥ खुने़ॽनु थिक्-ने़त् कुहुॽसाम्‍बाहाॽ मे़वये़,

लुका 8:1 Referans Kwoze

मत्ति 4:23

ये़सुरे़ यहुदि चुम्‍लुङ्‌हिम्‍हाॽओ निसाम् हुॽरुसिर निङ्‌वाॽफुहाङ्‌जुम्‍मिल्‍ले़ कुयाःम्‍बेओ सुनाइङ् से़सु, हे़क्‍क्‍याङ् के़रे़क् परिक्‍ले़न् तुक्‍मा यॽमालाम् के़दुक्‍पाहाॽ वेःन्‍दुसिर गालिल थुम्‍मो खाराक् ताक्‍कन्‍दे़रो॥

रोमि 10:15

हे़क्‍क्‍याङ् हाःत्ताङ् मे़म्‍बाङ्‌ङे आक्‍खेआङ् खे़ङ्‌हाॽरे़ इङ्‌भन्‌ मे़जोगुॽबे? साम्‌योसाप्‍लाओ साप्‍ते़आङ् पत्, “सुनाइङ् इङ्‌भन्‌ के़जोक्‍पे़न् ताःल्‍ले़ आक्‍खे़न् नुबा पोङ्‌बे!”

सेःक्‌युक्‍मिबाहाॽ 13:32

“हे़क्‍क्‍याङ् निङ्‌वाॽफुमाङ्‌ङिल्‍ले़ आनिगे पाधे़बाहाॽ पिरुसिबा माङ्‌हे़क्‍किल्‍ले़ कुयाःम्‍बेओ कन् सुनाइङ् इङ्‌भोसे़ आनिगे खिनिॽओ त्‍ये़ॽइगे़आङ् वयिगे़रो—

लुका 4:18

“दाङ्‌बाल्‍ले़ कुसेसे याम्‍साम्‍मिन् इङ्‌गाॽ आसम्‍दाङ् वाॽ, थेआङ्‌भे़ल्‍ले़ याङ्‌गे़साॽबाहाॽ सुनाइङ् इङ्‌भन्‌ चोःक्‍से़ माङ्‌धोःक्‍ना पिराङ्‌ङाङ् वाॽआरो॥ खुने़ॽ साक्‍पा के़धाबाहाॽ चोःक्‌युम्‍भोरे़न् इङ्‌भन्‌ चोःक्‍से़, मिक्‍फःम्‍बाहाॽरे़ खुनिॽ मिक्‍सान् वेःम्‍मा इङ्‌भन्‌ चोःक्‍से़, हे़क्‍क्‍याङ् एप्‍ले़क्‍खे़ओ के़वाॽबाहाॽ चोःक्‌युम्‍भो पिसे़ नु दाङ्‌बाल्‍ले़ कुलुङ्‌गुम्‍मिल्‍ले़ तङ्‌बेल्‍ले़न् इङ्‌भन्‌ चोःक्‍से़ इङ्‌गाॽ पाङ्‌घाङ्‌ङाङ् वाॽआरो॥”

मर्कुस 1:39

हे़क्‍क्‍याङ् ये़सुरे़ गालिल थुम्‍मो खाराक् लाङ्‌घेगे़र खे़ङ्‌घात्तिबा यहुदि चुम्‍लुङ्‌हिम्‍मो सुनाइङ् से़सुआङ् फे़न्‍साम्‍हाॽ नाःत्तु लःत्तुसिरो॥

मत्ति 13:19

आत्तिल्‍ले़ निङ्‌वाॽफु हाङ्‌जुम्‍बा पाःन्‍निन् खे़प्‍सुआङ् कुसिङ् मे़निःत्तुन्, खे़न् मनाःङ्‌ग लाम्‍मो के़जुक्‍पा याॽरिःम्‍बा कुइसिक् चोक्॥ माफे़न्‍साम्‍मिन् ताआङ् खे़ल्‍ले़ कुनिङ्‌वाॽओ के़याक्‍पा पाःन्‍जाक्‍किन् लःत्तु तेॽरुरो॥

मत्ति 11:1

ये़सुरे़ थिक्-ने़त् कुहुॽसाम्‍बाहाॽ हे़क्‍केलॽरिक् इङ्‌जाङ् पिरु सुरुसिआङ् खे़प्‍मोलाम् खुने़ॽ गालिल खिरिबा पाङ्‌जुम् हे़ङ्‌घात्ति निसाम् हुॽसे़ नु सुनाइङ् से़से़ थासिङ्‌लो॥

मत्ति 9:35

ये़सुन् यहुदि चुम्‍लुङ्‌हिम्‍हाॽओ हुॽरुसिर निङ्‌वाॽफुहाङ्‌जुम्‍मिल्‍ले़ कुयाःम्‍बेओ सुनाइङ् से़सुर के़रे़क् परिक्‍ले़न् के़दुक्‍पा के़यॽबाहाॽ वेःन्‍दुसिर ये़क्‌यक् नु पाङ्‌भेॽहाॽओ लाम्‍दिक् चोगे़रो॥

लुका 1:80

हे़क्‍क्‍याङ् अङे़ःक्‌वा युहुन्‍नान् पोरे़र याम्‍साम्‍मो के़धुम्‍बा पोःक्‍खे़र पेआङ् सेसेमाङ्‌ङिल्‍ले़ कुधिम् पोःक्‍खे़आङ् खुने़ॽ इस्राइलिहाॽओ ओसेःन्‍मे़न्‍धाक्‍सिङ्‌ङे थारिक् एःक्‍सादे़न्‍नोए वये़॥

लुका 9:6

हे़क्‍क्‍याङ् खे़ङ्‌हाॽ पाङ्‌भेॽ पाङ्‌भेॽओ मे़बेआङ् सुनाइङ् मे़से़सुआङ् के़दुक्‍पा के़यॽबाहाॽ मे़वेःन्‍दुसिरो॥

लुका 20:1

थिक्‌ये़न् ये़सुरे़ माङ्‌हिम्‍मो निसाम् हुॽरुसिर सुनाइङ् इङ्‌भन्‌ चोगुर यागे़॥ खे़प्‍मो तुम्‍निङ्‌वाॽफुसाम्‍बाहाॽ, साम्‌योथिम्‍साम्‍बाहाॽ हे़क्‍क्‍याङ् यहुदि तुम्‍लाम्‍लोबाहाॽ मे़द्‌ये़आङ्