लुका 7:4 - लिम्‍बु

⁴ खे़ङ्‌हाॽआङ् ये़सुरो मे़द्‌ये़आङ् अक्‍खे मे़मे़त्तुर पेलि मे़भाक्‍तु, “आदाङ्‌बे, खे़न् थक्‍तुम्‍बे़न् खे़ने़ॽलाम् कुभाॽ खोमा लाॽरुरो,

लुका 7:4 Referans Kwoze

सुफो 3:4

कर सार्दिसओ आल्‍ल थारिक् खुनिॽ तेत्‍चाङ्‌हाॽ लायोल्‍ले़ मे़न्‍जिःन्‍ने के़जाङ्‌बा कुभा मनाहाॽ मे़वाॽ॥ खे़ङ्‌हाॽरे़ फगे़लॽबा तेत् मे़जाक्‍खुआङ् इङ्‌गाॽनु लाङ्‌मे़घेःक्‍लो, थेआङ्‌भे़ल्‍ले़ खे़ङ्‌हाॽग सुम्‍बोधासाबा मे़जोक्‍लो॥

मत्ति 10:13

खे़न् हिम्‍सयङ्‌ङिन् खिनिॽ सनारुङ् खोमा के़लाॽबा चोःक्‍ने़ फाॽग्र खिनिॽ सनारुङ्‌ङिन् खे़प्‍मो याःक्‍लाःत्‍लरो॥ कर के़लाॽबा मे़जोःक्‍ने़न्‍ने़ फाॽग्र खिनिॽ सनारुङ्‌ङिन् खिनिॽओए नुःङ्‌लरो॥

लुका 20:35

कर ताःन्‍दि के़दाबा ये़म्‍मोग हे़क्‍के मे़बोङ्‌ने़ल्‍लो, थेआङ्‌भे़ल्‍ले़ सिमे़न्‍लाम् याम्‍मो हिङ्‌मा लाॽरुसिबा मनाहाॽ मेःक्‍खिम् मे़न्‍जोःक्‍ने़न्‍लो॥

मत्ति 10:11

“खिनिॽ के़बेगिबा पाङ्‌जुम् पाङ्‌भेॽहाॽओ सुम्‍बोधाबा मनान् कोःत्ते़म्‍मे़ॽआङ् खे़प्‍मोलाम् के़न्‍लःन्‍दिन् के़म्‍बेगिन्‍ल थारिक् कुहिम्‍मोए याःक्‍ते़म्‍मे़ॽओ॥

लुका 7:3

खे़न् थक्‍तुम्‍बाल्‍ले़ ये़सुन् पाङ्‌जुम्‍मो त्‍ये़आङ् वाॽ के़लॽबा खे़प्‍सुआङ् हाराॽ फे़न्‍नाङ् कुयोःक्‍पे़न् वेःन्‍दुर फाॽआङ् यहुदि तुम्‍लाम्‍लोबाहाॽ ये़सुरे़ कुलासे़ पाङ्‌घुसिरो॥

लुका 7:5

थेआङ्‌भे़ल्‍ले़ खे़ल्‍ले़ आनिॽ यहुदि सुवाङ्‌हाॽ साॽरिक् लुङ्‌माॽ आदुक्॥ हे़क्‍क्‍याङ् आनिॽ लागि यहुदि चुम्‍लुङ्‌हिम्‍धिक् आजोगे़ आबिरे़आङ् वाॽरो॥”

सेःक्‌युक्‍मिबाहाॽ 10:2

खुने़ॽ नु कुहिम्‍सयङ्‌हाॽ मिङ्‌सोदाङ्‌बा नु साम्‌योसाबा मे़वये़रो॥ खुने़ॽग याङ्‌गे़साॽबाहाॽ यरिक् कुभाॽयाङ् के़बिबा नु थिक्‌याःन्‍धक् निङ्‌वाॽफुमाङ्‌ङिन्‍नु तुवा के़जोःक्‍पा वये़रो॥