लुका 7:21 - लिम्‍बु

²¹ हे़क्‍क्‍याङ् हाबा खे़न् ये़म्‍मो ये़सुरे़ के़दुक्‍पा के़यॽबाहाॽ नु फे़न्‍साम्‍मिल्‍ले़ तरुसिबाहाॽ नुसुसि हे़क्‍क्‍याङ् यरिक् मिक्‍फःम्‍बाहाॽआङ् खानिमा के़सुक्‍पा चोगुसिरो॥

लुका 7:21 Referans Kwoze

मर्कुस 3:10

खुने़ॽ यरिक् मनाहाॽ नुसुसिबाल्‍ले़ चोगुल्‍ले़ खुने़ॽ कुसुसे़ मनाहाॽ मे़जन्‍छिङ्‌ल मे़बोरे़ मे़धाङे़॥

हिब्रु 12:6

थेआङ्‌भे़ल्‍ले़ आत्तिन् यहवे दाङ्‌बाल्‍ले़ लुङ्‌माॽ तुक्‍तुॽ, खे़न् हे़न्‍थिम् याक्‍तुॽ, हे़क्‍क्‍याङ् खुने़ॽ ते़न्‍दिङ् चोगुबा आत्तिन् कुस्‍सान्‍छाङ् खुम्‍दिङ् पिरुॽरो॥”

मर्कुस 5:34

हे़क्‍क्‍याङ् ये़सुरे़ मे़त्तु, “मामुए, नसान् के़जोगुबाल्‍ले़ चोगुल्‍ले़ खे़ने़ॽ के़वेःत्ते़रो॥ खे़ने़ॽ के़वेःत्ते़आङ् के़वाॽरो, नुरिक्‍काङ् पेगे़ॽओ!”

मत्ति 4:23

ये़सुरे़ यहुदि चुम्‍लुङ्‌हिम्‍हाॽओ निसाम् हुॽरुसिर निङ्‌वाॽफुहाङ्‌जुम्‍मिल्‍ले़ कुयाःम्‍बेओ सुनाइङ् से़सु, हे़क्‍क्‍याङ् के़रे़क् परिक्‍ले़न् तुक्‍मा यॽमालाम् के़दुक्‍पाहाॽ वेःन्‍दुसिर गालिल थुम्‍मो खाराक् ताक्‍कन्‍दे़रो॥

१ हाङ् 8:37

“आल्‍ल लाजेॽओ साक् पोक् इग्र तुक्‍खे लाक्‍खे ताःल्‍ले़, किग्र सिङ्‌सेॽहाॽ हेसि इग्र खुक्‌वामेःत् के़धाबा ये़म् किग्र निःङ्‌घुक्‌वाहाॽ नु फेॽबाःत्‍हाॽ तामा ये़म् ताःल्‍ले़, इग्र निङ्‌मिहाॽरे़ खे़ङ्‌हाॽरे़ खुन्‍छिॽ कुभा ये़क्‌यक्‍किन् मे़गबुॽ, आक्‍तङ्‌बा तुक्‍मा लाःक्‍मा इग्र मे़क्‍मासिमा तासाङ्

मत्ति 4:24

ये़सुरे़ कुयाःम्‍बेओ इङ्‌घङ्‌ङिन् सिरिया लाजेॽ खाराक् से़रे़, हे़क्‍क्‍याङ् यरिक् परिक्‍ले़न् तुक्‍माल्‍ले़ तरुसिबा मनाहाॽ, के़दुक्‍पाहाॽ, फे़न्‍साम्‍मिल्‍ले़ याङ्‌घुसिबाहाॽ, हे़क्‍क्‍याङ् थप्‍मा के़मबाहाॽ नु के़दुक्‍पा के़यॽबाहाॽ खुने़ॽओ मे़दारुसिआङ् खे़ङ्‌हाॽ के़रे़क् नुसुसिरो॥

लुका 7:20

हे़क्‍क्‍याङ् खे़न् इङ्‌साबाहाॽआङ् ये़सुरो पेसे़त्‍छिआङ् मे़त्ते़छु, “बप्‍तिस्‍मा के़बिबा युहुन्‍नाःल्‍ले़ अक्‍खे पाःत्तुआङ् याप्‍मि पाङ्‌घे़त्‍छिगे़आङ् वाॽसिगे़रो, ‘आल्‍ल के़दाबा ख्रिस्‍ते़न् बा खे़ने़ॽएबि, इ आनिगे वेॽसमा हाङ्‌घुम्‍बे़बाबि?’”

ले़बि 14:48

“कर निङ्‌वाॽफुसाम्‍बे़न् खे़न् हिम्‍मो लाःत्ताङ् साॽरुल्‍ले़ हिम्‍मिन् मे़ले़ङुआङ् एगाङ् सुक्‍नाःम्‍बान् वामुबा होप्‍ने़भग्र, निङ्‌वाॽफुसाम्‍बे़ल्‍ले़ खे़न् हिम्‍मिन् सुत्‍थो लेःत्तुआङ् उवा चोगुर, थेआङ्‌भे़ल्‍ले़ सुक्‍नाःम्‍बा थॽमा नाॽरे़आङ् वाॽ॥