लुका 7:12 - लिम्बु12 खुने़ॽ पाङ्जुम्मोबा यम्बा ताःक्हन्नो के़रे़ल्ले़ मेमेदुमाधिक्ले़ लत्छारक् के़वाॽबा कुस्सा ये़म्बित्छाॽइन् स्ये़आङ् कुजेधाःप्पिन् पाङ्जुम्मोबा मनाहाॽरे़ मे़भे़त्तुर मे़बत्छे़बा तुमु॥ खे़न् मेमेदुमान्नु यरिक् मनाहाॽ मे़वये़रो॥ Gade chapit la |
लुका 7:12
20 Referans Kwoze
हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥
खे़न् मेमेदुमाल्ले़ नोगप् पिरुआङ् मे़त्तु, “यहवे दाङ्बा इस्राइलबा निङ्वाॽफुमाङ्ङिन् कुहिङ्वे़त् वाॽबा कुइसिक् आङ्गाॽ माङ्हे़क्सिङ्ङाआङ् पाःत्तुङ्ॽ, खप्प्याओ हुक्पक् थिक् फेॽरुम् नु काःन्द्याओ आजे़ःत्छिक् निःङ्गेॽनुःल्ले़ वेॽ आङ्गाॽ खरे़ःङ् मे़गत्तान्॥ आङ्गाॽ आप्फेक् नु आस्साःल्ले़ कुलागि कुजा थोःक्मा हे़क्क्याङ् चामाआङ् सिमारे़ लागि हिम्मो कुभा सिङ्मुजिॽहाॽ तेॽमा फाॽआङ् कोःत्तुङ्ल याक्का॥”
आल्ल अमे़त्ते़ना, के़रे़क् आङ्गाॽ आमनाहाॽ आङ्गाॽ आदक्ले़ङ्वाओ मे़बोगे़आङ् अक्खे मे़बाःत्तुॽ, ‘आबाङे कुन्साॽ के़से़प्पे़न् आनिगे हुक् आसुप्ते़ॽ हे़क्क्याङ् खे़ल्ले़ आबाङे कुन्साॽ से़रुबाल्ले़ चोगुल्ले़ आनिगे खे़न् से़रुम्बे़॥ हे़क्क्याङ् खुने़ॽ कुलक् के़घोबे़न्नाङ् से़रुम्बे़॥’ खे़ङ्हाॽरे़ हे़क्के मे़जोगुल्ले़ग लत्छाधिक् के़नम्बा मिहोःम्बे़न्नाङ् मे़से़रुॽ, हे़क्क्याङ् आङ्गाॽ आये़म्बाःल्ले़ कुमिङ्ङिन् मे़मासुल्ले़ कन् इक्सा खाम्बेःक्मो हाःत्ताङ् कुसाकुए मे़न्याःक्ने़ल्लो॥”
खे़ल्ले़ मे़त्तु, “खे़न् चुक्पे़न् हुक्मे़याक्ते़न्ने़ॽओ, हे़क्क्याङ् खे़न् थेआङ् मे़मे़त्ते़न्ने़ॽओ॥ खे़ने़ॽ निङ्वाॽफुमाङ्ङिन्नु के़गिरत्छ के़लॽबान् आल्ल आङ्गाॽ निङ्वाॽ खोसुङ्लो, थेआङ्भे़ल्ले़ खे़ने़ॽ के़स्सा, लत्थिक्थिक् के़स्साःन्नाङ् आङ्गाॽलाम् के़न्दाङ्घुन् के़न्युक्खुल्लो॥”
खे़ब्याङ् निङ्वाॽफुमाङ्ङिल्ले़ अब्राहाम्मे़न् मे़त्तु, “खे़ने़ॽ के़स्सा, खे़ने़ॽ साॽरिक् लुङ्माॽ के़दुक्तुबा लत्थिक्लक् के़स्सा इसहाक्के़न् मोरियाह लाजेॽओ तेॽरे़आङ् पेगे़ॽ हे़क्क्याङ् आङ्गाॽ ओसेःन्धाक्ने़बा कोःक्माओ खे़न् मिधिङ्मनादेमनाबा सिदुङ्जभा कुइसिक् सिदुङ्जभा तोःन्दे़ॽ॥”
Piblisite