लुका 6:23 - लिम्बु23 “खे़न् ये़म्मो सःत्ते़म्मे़ॽओ, ओमु लॽरे़म्मे़ॽआङ् लाःक्खे़म्मे़ॽओ, थेआङ्भे़ल्ले़ खिनिॽ थुम्घोन् साङ्ग्राम्पेदाङ्ङो पयम् यम्बा चोक्लो॥ खुनिॽ थाःक्थे़बाहाॽरे़आङ् उन्छोःन्बा माङ्निङ्वाॽपान् के़बाःप्पाहाॽ हाबा हे़क्केए मे़मे़त्तुसिआङ् मे़वये़रो॥ Gade chapit la |
लुका 6:23
45 Referans Kwoze
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुरिक्काङ् खे़प्से़म्मे़ॽआङ् कुसिङ् निःत्ते़म्मे़ॽओ! के़नाःम्बे़न् इङ्गाॽ चिङ्मनाबा मन्नाःन् पिरुङ्लो॥ हे़क्क्याङ् खे़न् फगे़लॽबा लुङ्धिक्काङ् पिरुङ्लो॥ खे़प्मो कुसङ् मिङ् साप्ते़आङ् पत्लो, खे़न् के़घोबाल्ले़रक् कुसिङ् निःत्तुॽरो॥’”
कर यहवे दाङ्बे़ल्ले़ कुसाक्के़न्निन् कुमनाहाॽरे़ खुन्छिॽ सम्धाङ् मे़न्धाए थारिक् खे़ङ्हाॽरे़ खुने़ॽ कुइङ्साबाहाॽ येःप्मासि कुनामे़न्छाॽ मे़प्मासि, खुने़ॽ कुबाःन्जाक्हाॽओ चे़ॽया इङ्दो पाःप्मा नु माङ्निङ्वाॽपान् के़बाःप्पा खुने़ॽ कुमनाहाॽ केॽमासि मे़ल्ले़रुन् हे़क्क्याङ् खे़प्मो ताङ्मालाम् मे़बोःक्खे़न्॥
यहवे दाङ्बे़ल्ले़ कुमाङ्हुप् सन्दोक्किन् दाउदरे़ कुये़क्यक्को मे़गे़त्तुर मे़बत्छे़, सावलरे़ कुस्सा मे़न्छिन् मिकले़न् पेधाःप्पोलाम् ओमये़, हे़क्केःल्ले़ दाउद हाङ्ङिन् यहवे दाङ्बे़ल्ले़ कुदगि पिन्दे़र लाःक्खे़बा निसु, हे़क्क्याङ् खे़ल्ले़ दाउदे़न् कुनिङ्वाॽ सिगाङ्लाम् चिःत्तु॥
कर खिनिॽ निङ्मिहाॽ लुङ्माॽ तुक्ते़म्सिम्मे़ॽ, खे़ङ्हाॽ नुरिक् मे़त्ते़म्सिम्मे़ॽ, हे़क्क्याङ् मे़नुःक्तुर फाॽआङ् मे़न्इःत्ते थे़ॽला पिरे़म्सिम्मे़ॽ, हे़क्केःल्ले़ खिनिॽ थुम्घोन् यरिक् पोङ्लो॥ हे़क्क्याङ् खिनिॽ के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्सा के़बोःक्खिॽरो, थेआङ्भे़ल्ले़ खुने़ॽग कुनिङ्वाॽ मे़न्दाःमनाहाॽ नु कुॽइगे़भे़म्बा मनाहाॽआङ् लुङ्माॽ तुक्तुसिॽरो॥
“कर के़मनाहाॽरे़ पिफ्युङ् मे़जोगुरो हे़क्क्याङ् खे़ङ्हाॽ इङ्जाङ् मे़न्इःप्मना मे़न्नाःप्मना मे़बोःक्खे़रो, खे़ने़ॽ के़साम्योथिम् इङ्जाङ्लाम्बा खे़ङ्हाॽरे़ खुनिॽ नारान् मे़हिसुरो॥ खे़ने़ॽ ले़प्माङ् नुःङ्मा फाॽआङ् पान् के़मे़प्पा माङ्निङ्वाॽपान् के़बाःप्पाहाॽ खे़ङ्हाॽरे़ मे़से़रुसिरो, ये़त्ले़ङ् खे़ङ्हाॽरे़ खे़ने़ॽ के़जाःत्थि मे़देसुरो॥
इस्राइलबा हाङ् आहाबरे़ यहोसापाते़न् नुगप् पिरु, “यहवे दाङ्बालाम् सेःन्दोमारे़ लागि मना थिक्क वाॽ, कर आङ्गाॽ खे़न् चिःत्तुङ्ॽ, थेआङ्भे़ल्ले़ खे़ल्ले़ आङ्गाॽ आलागि नुबा माङ्निङ्वाॽपान् मे़बाःत्तुन्ॽ, कर आभे़ल्ले़साङ् ताप्फे़ःम्बारक् पाःत्तु॥ खे़ङ्ग यिम्लारे़ कुस्सा मिकायान्लो॥” यहोसापातरे़ नुगप् पिरु, “हाङ्ङिल्ले़ हे़क्के पाःप्मा मे़नुॽने़न्॥”
खुने़ॽ नुगप् पिरु, “मुक्साम्दाङ्बा यहवे दाङ्बा निङ्वाॽफुमाङ्ङिल्ले़ कुलागि आङ्गाॽ साॽरिक् कुसिक् के़सम्बा पोःक्खाङ्ङाङ् वाॽआ॥ इस्राइलिहाॽरे़ खे़ने़ॽ के़माङ्हुप्पिन् मे़नाॽरुआङ् वाॽ, खे़ने़ॽओ ले़त्ति तोःम्मादे़न्हाॽ मे़धुप्सु मे़लुःन्दुआङ् ने़रो, हे़क्क्याङ् खे़ने़ॽ के़माङ्निङ्वाॽपान् के़बाःप्पाहाॽ ताभेःल्ले़ मे़से़रुसिआङ् वाॽ॥ आङ्गाॽरक् याःक्ताङ्ङाङ् वाॽआ, हे़क्क्याङ् आल्ल खे़ङ्हाॽरे़ आङ्गाॽआङ् से़प्मा मे़गोःत्तार मे़वाॽ॥”
खुने़ॽ मे़त्तु, “मुक्साम्दाङ्बा यहवे दाङ्बा निङ्वाॽफुमाङ्ङिल्ले़ कुलागि आङ्गाॽ साॽरिक् कुसिक् के़सम्बा पोःक्खाङ्ङाङ् वाॽआ॥ इस्राइलिहाॽरे़ खे़ने़ॽ के़माङ्हुप्पिन् मे़नाॽरुआङ् वाॽ, खे़ने़ॽओ ले़त्ति तोःम्मादे़न्हाॽ मे़धुप्सु मे़लुःन्दुआङ् ने़रो, हे़क्क्याङ् खे़ने़ॽ के़माङ्निङ्वाॽपान् के़बाःप्पाहाॽ ताभेःल्ले़ मे़से़रुसिआङ् वाॽ॥ आङ्गाॽरक् याःक्ताङ्ङाङ् वाॽआ, हे़क्क्याङ् आल्ल खे़ङ्हाॽरे़ आङ्गाॽआङ् से़प्मा मे़गोःत्तार मे़वाॽ॥”
कल्ले़चोगुल्ले़ इजेबेलरे़ अक्खे मे़त्तुआङ् एलियाओ इङ्घङ् के़साबाधिक् पाङ्घुदेसु, “आक्खेलॽरिक् खे़ने़ॽ खे़ङ्हाॽ के़से़रुसि, हे़क्केलॽरिक्के ताःन्दिक् हाबा कन् ये़म्मो थारिक्ले़ आङ्गाॽ खे़ने़ॽ मे़से़त्ने़न्ने़भग्र, माङ्हाॽरे़ आङ्गाॽ हे़क्केए मे़मे़त्तार इग्र खे़न्नुःल्ले़ साॽरिक् ताप्फे़ःल्लिक् मे़मे़त्तार॥”
आल्ल आहाबरे़ कुमेत् इजेबेलरे़ यहवे दाङ्बे़ल्ले़ कुमाङ्निङ्वाॽपान् के़बाःप्पाहाॽ से़रुसिर यागे़ल्ले़, ओबदियाःल्ले़ किप् थिक् माङ्निङ्वाॽपान् के़बाःप्पाहाॽ तारुसि हे़क्क्याङ् खे़ङ्हाॽ चामा थुङ्मा पिरुसिआङ् ङाबोङ् ङाबोङ् कुलुप् ने़त्छि चोगुसिआङ् ने़त्छि लुङ्फुक्कोओ चिक्खु युक्खुसि॥)
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
Piblisite