लुका 5:8 - लिम्‍बु

⁸ सिमोन पत्रुसरे़ कन् निसुआङ् ये़सुरे़ कुदगि थुङ्‌बोहजॽ युङ्‌सिङ्‌ङाङ् मे़त्तु, “आदाङ्‌बे, इङ्‌गाॽग साॽरिक् लायोबा मनाआरो, खे़ने़ॽनु वाॽमा मे़लाॽआन्‍लो, ले़राङ् थ्‍याङ्‌ङे़ॽओ॥”

लुका 5:8 Referans Kwoze

यसैया 6:5

आङ्‌गाॽ पाःत्तुङ्, “आङ्‌गाॽग चिःत्ताङ्‌लक् स्‍याङ्‌लो! हे़क्‍क्‍याङ् आल्‍ल आङ्‌गाॽग मे़गाङ्‌बा पोःक्‍खे़ लॽरिक् अःक्‍ताङ्! थेआङ्‌भे़ल्‍ले़ आङ्‌गाॽग आम्‍ब्राःल्‍ले़ आसुत्‍थो पाःन्‍हाॽ पाःत्तुङ्, खे़ब्‍याङ् आसुत्‍थो पान् के़बाःप्‍पा मनाहाॽरे़ खुन्‍छिॽलुम्‍मो वाॽआ, हे़क्‍केसाङ् आङ्‌गाॽ हाङ्‌हाॽरे़आङ् खुन्‍छिॽ हाङ् मुक्‍साम्‍दाङ्‌बा यहवे दाङ्‌बान् आङ्‌गाॽ निसुङ्‌ङाङ् वाॽ॥”

सुफो 1:17

हे़क्‍क्‍याङ् खुने़ॽ निसुङ्‌ङाङ् इङ्‌गाॽग सिमालिङ्‌धोओ के़राङ्‌ङाङ् कुलाङ्‌जक्‍पो हर्गुप्‍सा चोःन्‍दाङ्‌लो॥ खुने़ॽ कुजुप्‍साङ् हुक्‍किन् आसम्‍दाङ् ने़स्‍सुआङ् अक्‍खे मे़त्ताङ्‌लो, “मे़गिसे़न्‍ने़ॽओ इङ्‌गाॽ तोलिङ्‌सोमु नु कुनुप्‍माआरो॥

खासे़न्‍लोःम्‍बा 13:22

हे़क्‍क्‍याङ् खुने़ॽ कुमेःत्तिन् मे़त्तु, “से़क्‍खासाङ् आन्‍छिॽ आसिसिॽ, थेआङ्‌भे़ल्‍ले़ निङ्‌वाॽफुमाङ्‌ङिन् आन्‍छिॽ आनिसे़त्‍छुआङ् वाॽ॥”

लाम्‍दिक् 20:19

खे़ङ्‌हाॽरे़ मोसान् मे़मे़त्तु, “खे़ने़ॽ आनिगे़नु के़बाःत्‍ने़भग्र आनिगे खे़ने़ॽ के़बाःन्‍निन् खे़प्‍सुम्‍बे़, कर निङ्‌वाॽफुमाङ्‌ङिन् आनिगे़नु पाःत्‍ने़भग्र आनिगे स्‍ये़ॽइगे़ फाॽआङ् किसिगे़॥”

१ सामुए़ल 6:20

हे़क्‍क्‍याङ् बेथ-सेमेसबा मनाहाॽरे़ मे़बाःत्तु, “यहवे दाङ्‌बा, कन् सेसे निङ्‌वाॽफुमाङ्‌ङिल्‍ले़ कुदगि हात् ये़प्‍मा सुक्‍पाबे? कप्‍मोलाम् कन् माङ्‌हुप् सन्‍दोक्‍किन् आनिॽ आत्ति मे़देॽरुर याःम्‍मासिबे?”

मत्ति 17:6

हुॽसाम्‍बाहाॽरे़ कन् मे़घे़प्‍सुल्‍ले़ साॽरिक् मे़गिसे़आङ् खाम्‍मो साम्‍बोन् हबत् मे़भन्‍छिङ्‌लो॥

युहुन्‍ना 11:32

मरियम्‍मिन् ये़सुन् वये़बादे़न्‍नो के़रे़आङ् थुङ्‌बोहजॽआङ् मे़त्तु, “आदाङ्‌बे, खे़ने़ॽ कप्‍मो के़वये़ल्‍ले़ग आन्‍साॽ मे़स्‍ये़ने़म्‍बामे़न्॥”

मत्ति 8:8

कर थक्‍तुम्‍बाल्‍ले़ नोगप् पिरु “दाङ्‌बे, खे़ने़ॽ आहिम्‍मो लाम्‍दाःक्‍मा इङ्‌गाॽ मे़लाॽआन्‍लो॥ खे़ने़ॽ नुॽर फाॽआङ् के़बाःत्तुसाङ् आसेवारोबान् नुॽरो॥

मत्ति 2:11

हिम्‍सिगाङ् मे़लाःस्‍से़ल्‍ले़ अङे़ःक्‌वान् नु कुम्‍मा मरियम्‍मिन् मे़निसुसिरो॥ खे़ङ्‌हाॽरे़ साम्‍बोन्‍नाङ् अङे़ःक्‌वान् से़वा मे़मे़त्तु, हे़क्‍क्‍याङ् सुक्‌वान् मे़भाःक्‍खुआङ् साम्‍म्‍याङ्, थिक् परिक्‍पा इमे़ल्‍लुङ्‌बा साङ्‌सिङ् नु कुनाम् के़नुॽबा मुर्रहाॽ मे़दोन्‍दु मे़बिरुरो॥

१ हाङ् 17:18

खे़ब्‍याङ् खे़न् मे़न्‍छुमाःल्‍ले़ एलियान् मे़त्तु, “निङ्‌वाॽफुमाङ्‌ङिल्‍ले़ कुमनाए, खे़ने़ॽ आङ्‌गाॽ आदक्‍ले़ङ्‌वाओ थे़मा पान् के़गत्तुबे? थे खे़ने़ॽ कॽयो आङ्‌गाॽ आलायोन् निङ्‌वाॽसुम् के़दाराङ् के़बिराङ्‌ङाङ् आङ्‌गाॽ आस्‍सान् से़त्‍छे़ के़द्‌ये़बाबि?”

२ सामुए़ल 6:9

खे़न् ये़न्‍नो दाउदे़न् यहवे दाङ्‌बे़न्‍नु साॽरिक् किसे़, हे़क्‍क्‍याङ् पाःत्तु, “आल्‍ल आक्‍खेलॽरिक् यहवे दाङ्‌बे़ल्‍ले़ कुमाङ्‌हुप् सन्‍दोक्‍किन् आङ्‌गाॽनु युक्‍खुङ्‌बाबे?”

१ कोरन्‍थि 13:12

आल्‍लो आनिॽग नुरिक् मे़न्‍धाःप्‍मनाबा से़ल्‍ले़ङ्‌घो आनिसुम्‍बा हे़क्‍केरक् आनिसुम्‍लो, कर खे़न् ये़म्‍मो चिदुप् आनिसुम्‍लो॥ आल्‍लो इङ्‌गाॽ मिसाक्‍लक् कुसिङ् निःत्तुङ्, कर खे़न् ये़म्‍मो निङ्‌वाॽफुमाङ्‌ङिल्‍ले़ इङ्‌गाॽ कुसिङ् निःत्ताबा हे़क्‍केए इङ्‌गाॽआङ् काक् पाःन्‍निन् सरक् कुसिङ् निःत्तुङ्‌लो॥

लुका 5:7

हे़क्‍केःल्‍ले़ खे़ङ्‌हाॽरे़ वेॽ खुनिॽ तेःङ्‌जुम्‍हाॽ वेॽ खःङ्‌बेन् फे़त्ते़म्‍मे़ॽआङ् आभाॽरे़म्‍मे़ॽओ लॽरिक् हुक्‍चाःल्‍किःल्‍ले़ मे़उःत्तुसि॥ हे़क्‍क्‍याङ् खे़ङ्‌हाॽ मे़भे़रे़आङ् ने़प्‍माङ् खःङ्‌बेहाॽ ङाःल्‍ले़ तिम्‍से़आङ् निःम्‍मा इःत्ते़॥

लुका 5:9

थेआङ्‌भे़ल्‍ले़ सिमोन नु कुन्‍जुम्‍हाॽरे़ मे़धासुसिबा ङाहाॽ मे़इःत्तुआङ् साॽरिक् खुनिॽ निङ्‌वाॽ मये़रो॥