25 खिमो खे़न् खुनिॽ तगिए मुत्थ्रिक् पोगे़आङ् कुने़त्नान् याङ्सिङ् हे़क्क्याङ् निङ्वाॽफुमाङ्ङिल्ले़ कुनारा फोसुर कुहिम्मो थासिङ्लो॥
खे़ल्ले़चोगुल्ले़ खे़ङ्हाॽरे़ खे़न् खानिमा के़सुक्पा के़बोङ्बा मिक्फःम्बान् याम्मो मे़उःत्तुआङ् मे़मे़त्तु, “खे़ने़ॽ से़क्खा पान् पाःत्ता फाॽआङ् निङ्वाॽफुमाङ्ङो माङ्हे़क्सिङ्ङे़ॽओ॥ खे़न् ये़सु मे़प्मनाबा मनाःङ्ग से़क्खासाङ् लायोबाएरो फाॽआङ् आनिगे निसुम्बे़रो॥”
खिमो खे़न् निमा के़सुक्पा पोःक्खे़आङ् निङ्वाॽफुमाङ्ङिन् नोगे़न् पिरुर ये़सुरे़ कुएगाङ् थासिङ्लो॥ मनाहाॽरे़आङ् खे़न् मे़निसुआङ् निङ्वाॽफुमाङ्ङिल्ले़ कुनारा मे़भोसुरो॥
हे़क्क्याङ् खुने़ॽ कुहुक्किन् खे़ल्ले़ कुसम्धाङ् ने़स्सु पिरु॥ खिमो खे़न् मे़न्छुमाॽइन् नुरे़आङ् कुएःक्किन् सल्लिक् सन्छुआङ् निङ्वाॽफुमाङ्ङिल्ले़ कुनारा फोसुरो॥
ये़सुरे़आङ् कुहुक्किन् सन्छुआङ् सुसुर खे़न् मनान् अक्खे मे़त्तु, “इङ्गाॽ के़नुॽर फाॽआङ् निङ्वाॽ चोगुङ्लो॥” हे़क्क्याङ् खिमो खे़न् लोगेॽरे़ तरुबा मनान् नुरे़रो॥
नुगे़न् सिदुङ्जभा के़दोःम्बाहाॽरे़ए आङ्गाॽ आमिङ्सो इङ्धाङ् मे़जोगुरो, हे़क्क्याङ् आङ्गाॽ आइङ्जाङ्हाॽ इःप्मा नाःप्मा के़दे़म्बाहाॽ से़ःप्मासिरे़ लागि आमुक्साम्मिन् ओसेःन्धाक्तुङ्सिङ्लो॥”
थेआङ्भे़ल्ले़ खुने़ॽ पाःत्तुबा पाःन्निल्ले़ के़रे़क् नावागे़न् चइःत् ने़स्सुरो, हे़क्क्याङ् खुने़ॽ कुइङ्जाङ्लाम्बा के़रे़क् पाःन्हाॽ पोःक्खे़रो॥
हे़क्क्याङ् निङ्वाॽफुमाङ्ङिल्ले़ पाःत्तु, “से़न्दाङ्गे़न् ओःत्ति ओःत्ल,” खे़ब्याङ् खाओःत्ते़रो॥
मनाहाॽरे़ कन् मे़निसुआङ् साॽरिक् खुनिॽ निङ्वाॽ मये़रो॥ हे़क्क्याङ् मे़न्छाम् याप्मिन् अक्तङ्बा मुक्साम् के़बिबा निङ्वाॽफुमाङ्ङिल्ले़ कुनारा मे़भोसुरो॥
खिमो खे़न् मुत्थ्रिक् पोगे़आङ् कुने़त्नान् याङ्सिङ् हे़क्क्याङ् मनाहाॽरे़ खुनिॽ तगिए लःन्दे़ पेरो॥ खे़न् मनाहाॽरे़ मे़निसुआङ् साॽरिक् खुनिॽ निङ्वाॽ मये़॥ निङ्वाॽफुमाङ्ङिन् अक्खे मे़मे़त्तुर कुनारा मे़भोसु, “अक्तङ्बाग आनिगे आप्फाल्ले़आङ् मे़न्निए वयिगे़रो॥”