लुका 5:13 - लिम्‍बु

¹³ ये़सुरे़आङ् कुहुक्‍किन् सन्‍छुआङ् सुसुर खे़न् मनान् अक्‍खे मे़त्तु, “इङ्‌गाॽ के़नुॽर फाॽआङ् निङ्‌वाॽ चोगुङ्‌लो॥” हे़क्‍क्‍याङ् खिमो खे़न् लोगेॽरे़ तरुबा मनान् नुरे़रो॥

लुका 5:13 Referans Kwoze

होसे 14:4

“खे़ङ्‌हाॽ आङ्‌गाॽलाम् ताप्‍मे़बे़ॽरे़बालाम् वेःन्‍दुङ्‌सिङ्‌लो, आङ्‌गाॽ खे़ङ्‌हाॽ आम्‍भाए लुङ्‌माॽ तुक्‍तुङ्‌सिङ्‌लो, थेआङ्‌भे़ल्‍ले़ आसाक्‍के़न्‍निन् खे़ङ्‌हाॽलाम् नुःक्‍खे़आङ् वाॽरो॥

इजकिएल 36:29

खिनिॽ चिःन्‍जिःन् के़घुबा पाःन्‍हाॽलाम् आङ्‌गाॽ खिनिॽ से़ःप्‍निङ्‌ॽ॥ आङ्‌गाॽ खिनिॽ नुबा पोगुगे़न् कुजाहाॽ पिनिङ्‌ॽ, हे़क्‍क्‍याङ् आल्‍लआङ्‌धो लाजेॽओ आङ्‌गाॽ साक्‌वाःन्‍हाॽ पोःक्‍ल मे़जोक्‍कान्॥

२ हाङ् 5:14

कल्‍ले़चोगुल्‍ले़ खुने़ॽ यो थासिङ् हे़क्‍क्‍याङ् निङ्‌वाॽफुमाङ्‌ङिल्‍ले़ कुमनाःल्‍ले़ मे़त्तुबा कुइसिक् यर्दन वहःङ्‌ङो आप्‍फेक् नुसिले़ङ् चिहुम् चिहुम् हुम्‍सिङ्, हे़क्‍क्‍याङ् खुने़ॽ कुने़क्‍सान् कुइसिःक्‍सिःक् पोःक्‍खे़आङ् नालिगे़न् थाङ्‌बे़न् हे़क्‍के सेसेबा पोःक्‍खे़॥

लुका 4:39

ये़सुन् के़दुक्‍माल्‍ले़ कुने़त्‍नाःल्‍ले़ कुबेसाङ् पेआङ् खे़न् तुङ् तुक्‍मान् फे़ःक्‍तु, हे़क्‍क्‍याङ् खिमो सिमोनरे़ कुन्‍नोःप्‍मे़न् नुरे़आङ् खे़ङ्‌हाॽ तरे तोसुसिरो॥

निङ्‌वाॽफु साम्‍लोसुम् 33:9

थेआङ्‌भे़ल्‍ले़ खुने़ॽ पाःत्तुबा पाःन्‍निल्‍ले़ के़रे़क् नावागे़न् चइःत् ने़स्‍सुरो, हे़क्‍क्‍याङ् खुने़ॽ कुइङ्‌जाङ्‌लाम्‍बा के़रे़क् पाःन्‍हाॽ पोःक्‍खे़रो॥

२ हाङ् 5:10

एलिसाःल्‍ले़ खुने़ॽ अक्‍खे मे़प्‍मारे़ लागि इङ्‌साबाधिक् पाङ्‌घु, “खे़ने़ॽ आप्‍फेक् पेगे़ॽआङ् यर्दन वहःङ्‌ङो नुसिले़ङ् वरुःम्‍सिङ्‌ङे़ॽ, हे़क्‍क्‍याङ् खे़ने़ॽ के़ने़क्‍सान् कुइसिःक्‍सिःक् पोङ्‌ॽ, हे़क्‍क्‍याङ् खे़ने़ॽ सुत्‍थो के़बोङ्‌ॽ॥”

तोलिङ्‌सोमु 1:9

हे़क्‍क्‍याङ् निङ्‌वाॽफुमाङ्‌ङिल्‍ले़ पाःत्तु, “ताङ्‌साङ्‌बाल्‍ले़ कुभोसाङ्‌बा च्‍वाःत्तिन् थिक् ते़न्‍नो सुम्‍सिङ्‌ल हे़क्‍क्‍याङ् से़ङ्‌से़ङ्‌बा खाम् निधाःप्‍ल॥” खे़ब्‍याङ् हाबाहे़क्‍के पोःक्‍से़रो॥

तोलिङ्‌सोमु 1:3

हे़क्‍क्‍याङ् निङ्‌वाॽफुमाङ्‌ङिल्‍ले़ पाःत्तु, “से़न्‍दाङ्‌गे़न् ओःत्ति ओःत्‍ल,” खे़ब्‍याङ् खाओःत्ते़रो॥

मत्ति 8:3

ये़सुरे़ कुहुक्‍किन् सन्‍छुर खे़न् मनान् सुसुआङ् अक्‍खे मे़त्तु, “इङ्‌गाॽ निङ्‌वाॽ चोगुङ्‌लो॥ खे़ने़ॽ नुरे़ॽओ!” खिमो खे़न् मनान् लोगेॽ तुक्‍मालाम् नुःरे़रो॥

लुका 5:12

थिक्‌ये़न् ये़सुन् लत्‍छा पाङ्‌जुम्‍मो वये़ल्‍ले़ लोगेॽरे़ तरुआङ् थिम्‍सुबा मनाधिक् खे़प्‍मो त्‍ये़॥ खे़ल्‍ले़ ये़सुन् निसुआङ् कुदगि साम्‍बोन् फन्‍छिङ्‌ल पेलि फाक्‍तु, “आदाङ्‌बे, खे़ने़ॽ निङ्‌वाॽ के़जोगुने़ फाॽग्र लोगेॽलाम् वेःम्‍मा के़सुक्‍कारो॥”

लुका 5:14

हे़क्‍क्‍याङ् ये़सुरे़ खे़न् मनान् मे़त्तु, “कन् पाःन्‍निन् हाःत्ताङ् मे़मे़त्ते़न्‍ने़ॽ, कर निङ्‌वाॽफुसाम्‍बाल्‍ले़ के़साॽर फाॽआङ् ओसेःन्‍धाक्‍सिङ्‌ङे़ॽ, हे़क्‍क्‍याङ् मोसारे़ कुसाम्‌योथिम् कुइसिक् मनाहाॽ नुराङ् फाॽआङ् ओसेःन्‍धाक्‍मासिरे़ लागि सिदुङ्‌जभा चोगे़ॽओ॥”