लुका 4:5 - लिम्‍बु

⁵ हे़क्‍क्‍याङ् माफे़न्‍साम्‍मिल्‍ले़ खुने़ॽ थाःङ् कोःक्‍माल्‍ले़ कुसम्‍मो तेॽरुआङ् मिक्‍चिराप्‍पो इक्‍सादिङ् खाम्‍बेःक्‍मोबा के़रे़क् हाङ्‌जुम्‍हाॽ ओसेःन्‍धाक्‍तुआङ्

लुका 4:5 Referans Kwoze

एफिसि 6:12

थेआङ्‌भे़ल्‍ले़ आनिॽ थङ्‌ङिङ्‌ग मे़न्‍छाम् याप्‍मिनु मेःन्, कर हाङ्‌गे़जोःक्‍पाहाॽ, युक्‍दाङ्‌बाहाॽ, कन् खागे़माक्‍पा खाम्‍बेःक्‍कोबा मुक्‍साम्‍हाॽ हे़क्‍क्‍याङ् ताङ्‌साक्‍पाओबा काक् फे़न्‍साम्‍हाॽनु थक्‍मनाबा थङ्‌लो॥

१ कोरन्‍थि 15:52

सप्‍फारे़सा, मिक्‍चिराप्‍पोसा, थुत्‍थुरिःप्‍पाल्‍ले़ कुनुप्‍पोबा इक्‍लाओ आले़क्‍सिङ्‌लो॥ थेआङ्‌भे़ल्‍ले़ खे़न् ये़म्‍मो थुत्‍थुरिःप्‍पे़न् मुक् हे़क्‍क्‍याङ् के़सिबा के़बेःक्‍पाहाॽ मे़म्‍मे़क्‍मनाबा मे़बोङ्‌ङाङ् मे़हिङ्‌लो, हे़क्‍क्‍याङ् आनिॽ के़रे़क् आले़ङ्‌सिङ् आबेःक्‍लो॥

मत्ति 4:8

हे़क्‍क्‍याङ् माफे़न्‍साम्‍मिल्‍ले़ खुने़ॽ साॽरिक् चम्‍जम्‍बा कोःक्‍माओ तेॽरुआङ् इक्‍सादिङ् खाम्‍बेःक्‍मोबा के़रे़क् हाङ्‌जुम्‍हाॽ हे़क्‍क्‍याङ् खे़प्‍मोबा पयम् यम्‍बा नु नुःब्‍नुबा पाःन्‍हाॽ ओसेःन्‍धाक्‍तुआङ्

निङ्‌वाॽफु साम्‍लोसुम् 73:19

खे़ङ्‌हाॽ हक्‍चघत् मे़क्‍मा ते़न्‍नो मे़बेःक्‍लो, हे़क्‍क्‍याङ् च्‍वाःत्तिल्‍ले़ वदेॽरुसिबा कुइसिक् किमा यङ्‌मारे़ पक्‍खु तेॽरुसिरो॥

अयुब 20:5

ताक्‍के़भे़ॽबा मनाःल्‍ले़ कुधङ् नाःम्‍मा ये़म्‍मिन् सप्‍फा थारिक्‍लक् पोङ्‌लो निङ्‌वाॽफुमाङ् नसान् मे़न्‍जोःक्‍मनाबाल्‍ले़ कुसःप्‍मे़ल्‍ले़ इरिक् मे़धरुल्‍लो॥

एफिसि 2:2

खे़न् ये़म्‍मो खिनिॽआङ् कन् खाम्‍बेःक्‍मोबा थिम्‍मिन् नु फे़न्‍साम्‍हाॽरे़ खुनिॽ हाङ्‌जुम्‍मो हाङ् के़जोःक्‍पा माफे़न्‍साम्‍मिल्‍ले़ कुबाःन्‍निन् के़घे़प्‍सुम्‍माङ् के़वयि॥ खे़न् साम्‍मिन्‍ने निङ्‌वाॽफुमाङ् इङ्‌जाङ् मे़ङ्‌घे़म्‍मनाबाहाॽरे़ खुनिॽ सिक्‍लुङ्‌मो याःम्‍बक् चोःक्‍ल वाॽरो॥

२ कोरन्‍थि 4:17

थेआङ्‌भे़ल्‍ले़ आनिॽ आदुमुम्‍बा चुक्‍सा नु सप्‍फाधिक्‍पा इनोगे़न् तुक्‍खेहाॽरे़ग मे़न्‍नुप्‍मनाबा मिमिदिङ् के़घोबा आजोःक्‍लो॥ हे़क्‍क्‍याङ् मिमिदिङ्‌ङिन्‍नु तङ्‌माल्‍ले़ खे़ङ्‌ग थेआङ् मेःन्‍लो॥

१ कोरन्‍थि 7:31

हे़क्‍क्‍याङ् कन् इक्‍सादिङ् खाम्‍बेःक्‍मोबा चिगक्‌वाहाॽ ओगप्‌ के़जोःक्‍पाहाॽ खे़प्‍मो निङ्‌वाॽ मे़म्‍बिमनाबा मना कुइसिक् वाॽमा पोङ्‌लो, थेआङ्‌भे़ल्‍ले़ कन् इक्‍सादिङ् खाम्‍बेःक्‍मोबा पाःन्‍हाॽ ले़ङ्‌सिङ्‌ङाङ् पेःक्‍ल पत्‍लो॥

मत्ति 24:14

हे़क्‍क्‍याङ् निङ्‌वाॽफुहाङ्‌जुम्‍ले़न् कन् सुनाइङ्‌ङिन् इक्‍सादिङ् खाम्‍बेःक्‍को खाराक् के़रे़क् मे़न्‍छाम् सुवाङ्‌हाॽरे़ लागि तोःन्‍दि हे़क्‍के इङ्‌भोरो, हे़क्‍क्‍याङ् कुनुप्‍मान् तारो॥