लुका 4:22 - लिम्‍बु

²² हे़क्‍क्‍याङ् खुने़ॽ पाःत्तुबा कुघे़म् के़नुॽबा पाःन्‍हाॽ मे़घे़प्‍सुआङ् के़रे़क्‍ले़ कुनारा मे़भोसु, हे़क्‍क्‍याङ् खुनिॽ निङ्‌वाॽ मये़र अक्‍खे मे़मे़त्‍छिङ्, “कङ्‌ग युसुफरे़ कुस्‍सा मेःम्‍बि?”

लुका 4:22 Referans Kwoze

युहुन्‍ना 6:42

खे़ङ्‌हाॽ अक्‍खे मे़मे़त्‍छिङ्, “कन् युसुफरे़ कुस्‍सा ये़सुन् मेःम्‍बि? कल्‍ले़ कुम्‍बा कुम्‍मासि आनिॽ कुसिङ् आन्‍निःत्तुम्‍सिम्‍मिम्‍बि? हे़क्‍केःल्‍ले़ आक्‍खेआङ् खे़ल्‍ले़ ‘इङ्‌गाॽ साङ्‌ग्राम्‍पेदाङ्‌लाम् त्‍याङ्‌बा’ पाःप्‍मा सुक्‍तुबाबे?”

निङ्‌वाॽफु साम्‍लोसुम् 45:2

खे़ने़ॽग के़रे़क्‍नुःल्‍ले़ साॽरिक् नुबा हे़क्‍क्‍याङ् कुइत् के़दाबा के़जोःक्‍लो, खे़ने़ॽ साॽरिक् नुरिक्‍काङ् खे़म्‍दु लाॽरुर के़बाःत्‍लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ सदादिङ्‌ले़ लागि हाङ्‌वागे़न् मुॽइसाम् के़बिरे़आङ् वाॽरो॥

खाहुन् 16:21

सिक्‍लुङ्‌मो सिक्‍कुम्‍साबा के़बोङ्‌बाहाॽ ये़क्‌ये़क्‍पा मे़मे़त्तुसिरो, हे़क्‍क्‍याङ् कुजागे़नुॽबा पाःन्‍हाॽरे़ निसाम् फोसुरो॥

तितस 2:8

हे़क्‍क्‍याङ् आत्तिन्‍हाॽरे़आङ् के़जाःत्‍थि मे़न्‍देःसुन्‍ल फाॽआङ् नुबा पान् पारे़ॽओ॥ हे़क्‍केलॽरिक् बिफ्‍युङ्‌बाहाॽरे़आङ् आनिॽ तक्‍ले़ङ्‌वाओ ताप्‍फे़ःम्‍बा पान् पाःप्‍मा मे़न्‍छुक्‍तुन्‍नाङ् खे़ङ्‌हाॽरे़ खुनिॽ नाधारो॥

सेःक्‌युक्‍मिबाहाॽ 6:10

कर सेसेमाङ्‌लाम् सिक्‍कुम्‍दिङ् निङ्‌वाॽओ स्‍तिफनसे़न् पारे़बाल्‍ले़ चोगुल्‍ले़ खे़ङ्‌हाॽरे़ खुने़ॽ पाःन्‍धङ्‌ङो नाःम्‍मा मे़न्‍छुक्‍तुन्‍लो॥

युहुन्‍ना 7:46

खे़ङ्‌हाॽरे़ नोगप् मे़बिरुसि, “आत्तिन्‍नाङ्‌ खे़न् मनान् हे़क्‍के पारे़बाग मे़ङ्‌घे़म्‍मे वाॽरो॥”

लुका 21:15

थेआङ्‌भे़ल्‍ले़ इङ्‌गाॽ खिनिॽ पाःप्‍मा के़बोङ्‌बा सुत्‍लाहाॽ नु सिक्‍कुम्‍दिङ् निङ्‌वाॽ पिनिङ्‌लो॥ हे़क्‍केःल्‍ले़ आत्तिन्‍नाङ्‌ खिनिॽ बिफ्‍युङ्‌हाॽरे़ अप्‍मा नु पाःन्‍धक्‍मा मे़न्‍छुक्‍तुन्‍लो॥

यसैया 50:4

के़नाबाहाॽ के़धुम्‍बा चोःक्‍मा सुक्‍तुङ्‌सिङ्‌ल फाॽआङ् यहवे दाङ्‌बे़ल्‍ले़ कुसिक्‍कुम् निङ्‌वाॽबा पाःन्‍जाःक्‍किन् पिराङ्‌ङाङ् वाॽरो॥ खुने़ॽ आङ्‌गाॽ तानाम् थक्‍मा फोङ्‌ङारो के़हुॽसिङ्‌बा हे़क्‍के नुरिक्‍काङ् खे़म्‍मारे़ लागि खुने़ॽ आङ्‌गाॽ आने़क्‍खोॽबान् हन्‍दु पिआरो॥

सोलोमनरे़ कुसाम्‍लो 5:16

खुने़ॽ कुम्‍ब्राओ कुजा के़नुॽबा पान् वाॽरो, काक् कुबाःन्‍हाॽओ, खुने़ॽ इमे़त्‍लुङ्‌बा चोक्‍लो॥ यरुसले़ःम्‍बा मे़न्‍छुमासे, आङ्‌गाॽ लुङ्‌माॽ हिःप्‍तुङ्‌बा, आन्‍जुम्‍मिन् हाबा कन्‍लो॥

खाहुन् 25:11

नुरिक्‍काङ् पाःप्‍मनाबा पाःन्‍निङ्‌ग युप्‍पा च्‍ये़त्‍थ्‍याओ साम्‍म्‍याङ् नाङ्‌सेॽहाॽ तोःम्‍मनाबा हे़क्‍तङ्‌बारो॥

खाहुन् 10:32

साम्‌योनिबे़ल्‍ले़ कुम्‍ब्रासेॽइल्‍ले़ सुदाःक्‍मा के़लाॽबा पान् ले़सुरो, कर ताक्‍के़भे़बे़ल्‍ले़ कुम्‍ब्राःल्‍ले़ पे़र्गे़क् वर्गे़क्‍पा पाःन्‍लक् पाःत्तुरो॥

निङ्‌वाॽफु साम्‍लोसुम् 45:4

से़क्‍खान् हे़क्‍क्‍याङ् साम्‌योबा नु खासे़न्‍निन् से़ःप्‍मा कप्‍मारे़ लागि, थङ् के़नाःम्‍बान् हे़क्‍के अन् युक्‍कि मिमिदिङ्‌नु ओसेःन्‍दाङ् पोःक्‍खे़ॽओ! मुक्‍साम्‍बा के़जुक्‌वा हुक्‍किल्‍ले़ यम्बयम्‍बा निङ्‌वाॽ के़माबा याःम्‍बक्‍हाॽ चोगे़ॽओ॥

लुका 2:47

खुने़ॽ कुइःत्‍छिङ्‌साम् नु पिरुसिबा नोगप् के़घे़म्‍बा मनाहाॽरे़ साॽरिक् खुनिॽ निङ्‌वाॽ मये़॥

खाहुन्‍साबा 10:12

सिक्‍कुम्‍साबाल्‍ले़ कुबाःन्‍निल्‍ले़ मिङ्‌सो इङ्‌धाङ् तारुरो कर अदङ्‌ङिल्‍ले़ कुबाःन्‍निल्‍ले़ खुने़ॽ आबाङे मे़क्‍खुरो॥

लुका 2:48

हे़क्‍क्‍याङ् कुम्‍बा कुम्‍मासिरे़ खुने़ॽ निसे़त्‍छुआङ् खुन्‍छिॽ निङ्‌वाॽ मये़॥ कुम्‍मारे़ खुने़ॽ मे़त्तु, “आस्‍साए, खे़ने़ॽ थेआङ् अक्‍खे याप्‍मि के़जोगे़बाबे? आन्‍छिगे निङ्‌साम्‍मो थ्‍ये़सिगे़आङ् कोःत्‍ने़त्‍छिगे़ मेःम्‍बि?”

लुका 4:21

खे़ङ्‌हाॽ अक्‍खे मे़त्तुसि, “आइन् कन् के़घे़प्‍सुम्‍मिल्‍ले़ साम्‌योसाप्‍लाओ के़बप्‍पा पाःन्‍हाॽ खिनिॽओ के़रे़आङ् वाॽरो॥”

युहुन्‍ना 1:45

फिलिपरे़ नाथाने़ल्‍ले़न् तुमुआङ् मे़त्तु, “आत्तिन् मिङ्‌ङिल्‍ले़ कुयाःम्‍बेओ मोसा नु माङ्‌निङ्‌वाॽपान् के़बाःप्‍पाहाॽरे़ साम्‌योसाप्‍लाओ मे़साप्‍तुआङ् वये़, बाखे़न् युसुफरे़ कुस्‍सा नासरतबा ये़सुन् आनिगे तुमुम्‍बे़आङ् वाॽरो॥”