यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
लुका 4:18 - लिम्बु18-19 “दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥” Gade chapit la |
लुका 4:18
56 Referans Kwoze
हे़क्क्याङ् ये़सुरे़ युहुन्नालाम् के़दाबाहाॽ मे़त्तुसि, “पेसे़त्छे़ॽआङ् कन् के़निसे़त्छु, के़घे़प्से़त्छुबा पाःन्निन् युहुन्नान् मे़त्ते़छे़ॽ—अक्खेलॽरिक् मिक्फःम्बाहाॽरे़ निमा मे़सुक्तुॽ, हे़क्क्याङ् लाङ्सक्पाहाॽ लाङ्मे़घेक्, लोगेॽरे़ तरुसिबाहाॽ मे़वेःत्, हे़क्क्याङ् नाधे़क्क्रे़ङ्हाॽरे़ मे़घे़प्सु, के़सिबाहाॽ याम्मो मे़हिङ्, हे़क्क्याङ् याङ्गे़साॽबाहाॽरे़ सुनाइङ्ङिन् मे़घे़प्सुॽरो॥
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
“हे़क्क्याङ् खे़निॽनु आङ्गाॽ आमाङ्हुप्पिन् आम्भा कन् पोङ्ॽ॥ आङ्गाॽ आयाम्साम्मिन् खे़निॽ सम्धाङ् वाॽ, हे़क्क्याङ् आङ्गाॽ आबाःन्जाःक्किन् खे़निॽ मुराओ केःत्तुङ् पिनिङ्ङाङ् वाॽ, खे़न् आबाःन्जाःक्किन् खे़ने़ॽ के़म्ब्राओलाम्, खे़ने़ॽ के़स्सा के़एहाॽरे़ खुनिॽ मुराओलाम्, हे़क्क्याङ् खे़ङ्हाॽरे़ खुन्छिॽ साहाॽरे़ मुराओलाम् आल्लआङ्धो सदादिङ्ले़ लागि आभे़ल्ले़आङ् मे़माने़ल्लो॥”
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
मे़दे़म्सु मे़देॽरुसिबाहाॽ मे़त्ते़से़ॽ ‘लःन्दे़म्पेगे़म्मे़ॽओ’ हे़क्क्याङ् खामाक्माओ के़वाॽबाहाॽ ‘ओःत्तिओ लन्दे़म्मे़ॽओ॥’ खे़ङ्हाॽ लाम्मिल्ले़ कुबेसाङ् चागे़राम्बा मे़ल्लुक् हे़क्के मे़लॽरो, खे़ब्याङ् मुरे़क् खारे़क्पा के़रे़क् कोःक्मा फाङ्जङ् थे़गु माङ्वाहाॽओ खे़ङ्हाॽरे़ चाराम्मादे़न् मे़घोसुरो॥
कोरेसे़न् आङ्गाॽ आसाम्योबा याःम्बक्किन् के़त्ल फाॽआङ् फोःक्खुङ्लो, आङ्गाॽ खे़ल्ले़ के़रे़क् कुलाम्हाॽ तोःन्दोम्बा चोगुङ्लो॥ खे़ल्ले़ आङ्गाॽ आये़क्यक्किन् याम्मो चोगुरो, हे़क्क्याङ् मे़दे़म्सु मे़देॽरुसिबा के़रे़क् आमानाहाॽ खे़ल्ले़ ले़रुसिरो, कर कुमे़ल्लुङ् हुङुआङ्ग मेःल्लो, कुजे़न्नाङ् मे़दाःक्तुल्लो,’” मुक्साम्दाङ्बा यहवे दाङ्बे़ल्ले़ पाःत्तुरो॥
आत्तिन् पाःन्निन् साम्योबा चोक्, खे़न् खे़ने़ॽ के़सिराॽ थाङ्लो, हे़क्क्याङ् आत्तिन् पाःन्निन् ताप्फे़ःम्बा चोक्, खे़न् खे़ने़ॽ के़जिःत्तुरो॥ खे़ल्ले़चोगुल्ले़ के़निङ्वाॽफुमाङ् निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो, हे़क्क्याङ् के़न्जुम्हाॽनुःल्ले़आङ् यरिक् खे़ने़ॽ के़सःप्पा के़जोगे़आङ् वाॽरो॥
पान् नुःक्मारे़ लागि खे़ने़ॽ के़निङ्वान् यारिप् पोःक्खे़ हे़क्क्याङ् आङ्गाॽ कन् लाजेन् नु कप्मोबा मनाहाॽरे़ खुन्छिॽ याःम्बेओ पाःत्तुङ्बा पाःन्हाॽ के़घे़प्सुआङ् निङ्वाॽफुमाङ्ङिल्ले़ कुदगि खे़ने़ॽ नःम्नःम्बा के़बोःक्खे़, हम्भ्याङ् आङ्गाॽ आदगि खे़ने़ॽ चुङ्जिगे़न् के़बोक्खे़आङ् खे़ने़ॽ के़जाङ्ङिन् के़धे़ःक्खुआङ् आङ्गाॽ आदगि मे़रिङ् के़धक्ते़बाल्ले़ चोगुल्ले़ खे़ने़ॽ के़बाःन्निन् आङ्गाॽ खे़प्सुङ्ङाङ् वाॽ, यहवे दाङ्बे़ल्ले़ उवा चोगुॽ॥
Piblisite