लुका 3:2 - लिम्‍बु

² हे़क्‍क्‍याङ् हन्‍नासे़न् नु कैयाफासे़न् मानिङ्‌वाॽफुसाम्‍बा वये़त्‍छि॥ खे़न् ये़म्‍मो एःक्‍सादे़न्‍नो जकरियारे़ कुस्‍सा युहुन्‍नाःल्‍लो निङ्‌वाॽफु पाःन्‍जाक्‍किन् त्‍ये़आङ्

लुका 3:2 Referans Kwoze

सेःक्‌युक्‍मिबाहाॽ 4:6

खे़प्‍मोआङ् मानिङ्‌वाॽफुसाम्‍बा हन्‍नास, हे़क्‍क्‍याङ् कैयाफास, युहुन्‍ना, अले़क्‍जे़न्‍दर हे़क्‍क्‍याङ् मानिङ्‌वाॽफुसाम्‍बाल्‍ले़ कुहिम्‍सयङ्‌ङो के़वाॽबा वेॽ मनाहाॽआङ् मे़जुप्‍से़आङ् मे़वये़रो॥

युहुन्‍ना 18:24

हे़क्‍क्‍याङ् हन्‍नासरे़ ये़सुन् इमे़घेःक्‍खुबान् मे़म्‍भाःङ्‌ङे मानिङ्‌वाॽफुसाम्‍बा कैयाफासरो पाङ्‌घुदेसुरो॥

लुका 1:80

हे़क्‍क्‍याङ् अङे़ःक्‌वा युहुन्‍नान् पोरे़र याम्‍साम्‍मो के़धुम्‍बा पोःक्‍खे़र पेआङ् सेसेमाङ्‌ङिल्‍ले़ कुधिम् पोःक्‍खे़आङ् खुने़ॽ इस्राइलिहाॽओ ओसेःन्‍मे़न्‍धाक्‍सिङ्‌ङे थारिक् एःक्‍सादे़न्‍नोए वये़॥

योना 1:1

थिक्‌ये़न् अमित्‍तैरे़ कुस्‍सा योनाओ यहवे दाङ्‌बे़ल्‍ले़ कुइङ्‌घङिन् के़रे़॥

युहुन्‍ना 1:23

युहुन्‍नारे़ माङ्‌निङ्‌वाॽपान् के़बाःप्‍पा यसैयाःल्‍ले़ कुबान् सुत्‍लाओ खे़ङ्‌हाॽ नोगप् पिरुसि, “इङ्‌गाॽग दाङ्‌बाल्‍ले़ कुलाम्‍मिन् तोःन्‍दोन् चोगे़म्‍मे़ॽ लॽरिक् एःक्‍सादे़न्‍नो के़अःक्‍पा इक्‍लाआरो॥”

मत्ति 26:3

खे़न् ये़म्‍मो तुम्‍निङ्‌वाॽफुसाम्‍बाहाॽ नु यहुदि तुम्‍लाम्‍लोबाहाॽ मानिङ्‌वाॽफुसाम्‍बाल्‍ले़ कुहिम्‍मो मे़जुप्‍से़॥ खे़ल्‍ले़ कुमिङ्‌ग कैयाफास वये़॥

यसैया 40:3

“लत्‍छा इक्‍लाधिक् खे़म्‍दे़त्‍लो— ‘मुरे़क् खारे़क् थेआङ् के़होप्‍पादे़न्‍नो यहवे दाङ्‌बे़ल्‍ले़ कुलागि लाम्‍धिक् यारिप् चोगे़ॽओ॥ मुरे़क् खारे़क् थेआङ् के़होप्‍पा ये़ःङ्‌घादे़न्‍नो आनिॽ निङ्‌वाॽफुमाङ्‌ङिल्‍ले़ कुलागि माराम्‍धिक् तोॽदोन् चोगे़ॽओ॥

मत्ति 11:7

बप्‍तिस्‍मा के़बिबा युहुन्‍नाःल्‍ले़ कुहुॽसाम्‍बाहाॽ मे़बेर मे़बत्‍छे़ल्‍ले़ ये़सुरे़ खे़प्‍मो के़वाॽबा मनाहाॽ युहुन्‍नारे़ कुयाःम्‍बेओ अक्‍खे मे़त्तुसि, “ये़ःङ्‌घादे़न्‍नो थेःन् ओमत्‍छे़ के़बेगिबाबे? सुरित् केजङ्‌ङिल्‍ले़ वाःन्‍जो-वाःन्‍जो लॽरिक् वाःन्‍दुबा थिङ्‌ने़त् हे़क्‍तङ्‌बा मनाःन्‍बि?

सपन्‍याह 1:1

आमोनरे़ कुस्‍सा यहुदाबा हाङ् योसियाहःल्‍ले़ युक् चोगुबा ये़म्‍मो हिजकियाहरे़ कुबे़म्‍मे़न्‍छाॽ, अमर्‍याहरे़ कुजक्‍मे़न्‍छाॽ, गदल्‍याहरे़ कुम्‍मे़न्‍छाॽ, कुसिःल्‍ले़ कुस्‍सा सपन्‍याहओ यहवे दाङ्‌बे़ल्‍ले़ कन् कुइङ्‌घङ्‌ङिन् के़रे़॥

मिका 1:1

यहुदाबा, योताम, आहाज नु हिजकिया हाङ्‌हाॽरे़ युक् मे़जोगुबा ये़म्‍मो मोरेसेत ये़क्‌यक्‍को के़युङ्‌बा मिकाओ यहवे दाङ्‌बाल्‍ले़ कुइङ्‌घङ्‌ङिन् के़रे़—खुने़ॽ कन् पाःन्‍हाॽ सामरिया नु यरुसले़ःम्‍मिल्‍ले़ कुयाःम्‍बेओ निसुआङ् वये़रो॥

यर्मिया 2:1

यहवे दाङ्‌बे़ल्‍ले़ कुइङ्‌घङ्‌ङिन् आङ्‌गाॽओ के़रे़,

यर्मिया 1:2

अमोनरे़ कुस्‍सा योसियाहन् यहुदाबा हाङ् पोःक्‍खे़बा थिबोङ्‌ङाङ् सुम्‍सि तङ्‌बेओ यहवे दाङ्‌बे़ल्‍ले़ कुइङ्‌घङ्‌ङिन् चक्‍मे़न्‍लॽए यर्मियाओ के़रे़॥

इजकिएल 1:3

(बेबिलोनिहाॽरे़ खुन्‍छिॽ लाजेॽबा कबार वहःङ्‌ङिल्‍ले़ कुयाओ यहवे दाङ्‌बे़ल्‍ले़ कुइङ्‌घङ्‌ङिन् बुजिरे़ कुस्‍सा निङ्‌वाॽफुसाम्‍बा इजकिएलरो के़रे़, हे़क्‍क्‍याङ् यहवे दाङ्‌बे़ल्‍ले़ कुहुक्‍किन् खुने़ॽ कुसम्‍धाङ् पत्‍छे़बा निङ्‌वाॽ खोसु॥)

मर्कुस 1:2

माङ्‌निङ्‌वाॽपान् के़बाःप्‍पा यसैयाःल्‍ले़ अक्‍खेलॽरिक् साप्‍तुआङ् पत्, “निङ्‌वाॽफुमाङ्‌ङिल्‍ले़ पाःत्तु, ‘खे़ने़ॽ के़लाम्‍मिन् यारिप् चोगुर फाॽआङ् इङ्‌गाॽ आइङ्‌साबे़न् के़दगि पाङ्‌घुङ् युसुङ्‌लो॥’