लुका 3:1 - लिम्‍बु

¹ आल्‍ल रोमि पयम् हाङ् तिबेरियसे़ल्‍ले़ हाङ् चोगुबा तङ्‌बे थिक् ङा (१५) के़रे़आङ् वये़ल्‍ले़ पन्‍तियस पिलातसे़न् यहुदियाबा सुहाङ्‌गे़म्‍बा वये़॥ खे़न् ये़म्‍मो हे़रोदे़न गालिलसमा सुहाङ्‌गे़म्‍बा, कुन्‍साॽ फिलिप्‍पे़न् इतुरिया नु त्राकोनितिस थुम्‍मोबा सुहाङ्‌गे़म्‍बा, हे़क्‍क्‍याङ् लिसानियासे़न् एबिलेनि थुम्‍मोबा सुहाङ्‌गे़म्‍बा मे़वये़,

लुका 3:1 Referans Kwoze

लुका 2:1

खे़न् ये़म्‍मो रोमि पयम् हाङ् अगस्‍तसे़ल्‍ले़ के़रे़क् रोमि हाङ्‌जुम्‍मो याम्‍नाःत्‍निःत् चोःक्‍मा फाॽआङ् इङ्‌जाङ् पिरुसि॥

मत्ति 27:2

हे़क्‍क्‍याङ् खे़ङ्‌हाॽरे़ ये़सुन् इमे़घेःक्‍खु हे़क्‍क्‍याङ् रोमि सुहाङ्‌गे़म्‍बा पिलातसरो मे़देॽरुरो॥

सेःक्‌युक्‍मिबाहाॽ 26:30

हे़क्‍क्‍याङ् अग्रिपा हाङ्, सुहाङ्‌गे़म्‍बा फे़स्‍तस नु बर्निस हे़क्‍केलॽरिक् खे़प्‍मोबा वेॽ मनाहाॽ मे़बोगे़आङ्

सेःक्‌युक्‍मिबाहाॽ 24:27

आल्‍ल तङ्‌बे ने़त्‍छि एगाङ् फे़लिक्‍सरे़ कुले़क्‌वा पोर्कियस फे़स्‍तसे़न् सुहाङ्‌गे़म्‍बा पोःक्‍खे़आङ् त्‍ये़रो, कर फे़लिक्‍सरे़ यहुदिहाॽरे़ खुनिॽ निङ्‌वाॽ तामा पिमासि फाॽआङ् पावले़न् पुङ्‌लाहिम्‍मोए ले़रुधआङ् पेरो॥

सेःक्‌युक्‍मिबाहाॽ 23:26

“तुत्तु आदाङ्‌बा सुहाङ्‌गे़म्‍बा फे़लिक्‍से, क्‍लाउदियस लुसियसलाम्, आसेवारो॥

सेःक्‌युक्‍मिबाहाॽ 4:27

“से़क्‍खाए बा खे़न् पाःन्‍निन् कन् ये़क्‌यक्‍को के़रे़आङ् वाॽ, थेआङ्‌भे़ल्‍ले़ हे़रोद हाङ्‌ङिन्, सुहाङ्‌गे़म्‍बा पन्‍तियस पिलातस, थिम्‍मे़न्‍दङ् सुवाङ्‌हाॽ नु इस्राइलिहाॽरे़ खे़ने़ॽ के़निङ्‌सेःक्‍को के़सेगुबा सेसे के़से़वारोबा ये़सुरे़ कुदक्‍ले़ङ्‌वाओ कन् ये़क्‌यक्‍को मे़जुप्‍से़आङ् मे़वाॽरो॥

लुका 23:24

हे़क्‍केःल्‍ले़ खे़ङ्‌हाॽरे़ मे़बाःत्तुबा पाःन्‍निन् कुइसिक् पिलातसरे़ खुम्‍दिङ् पिरुरो॥

लुका 9:7

आल्‍ल गालिल थुम्‍मोबा सुहाङ्‌गे़म्‍बा हे़रोद एन्‍तिपासरे़ कन् के़रे़क् पोःक्‍खे़बा पाःन्‍हाॽ खे़प्‍सुआङ् खुने़ॽ कुनिङ्‌वाॽ मये़, थेआङ्‌भे़ल्‍ले़ कुभारे़ “बप्‍तिस्‍मा के़बिबा युहुन्‍नान् याम्‍मो हिङे़आङ् वाॽरो” मे़बाःत्तु॥

लुका 3:19

कर युहुन्‍नारे़ सुहाङ्‌गे़म्‍बा हे़रोदे़न फे़ःक्‍तु, थेआङ्‌भे़ल्‍ले़ खुने़ॽ कुअङे़ःक्‍मा हे़रोदियासे़न् मेःक्‍खिम् मे़त्तुआङ् वये़, हे़क्‍क्‍याङ् वेॽ यरिक् फे़न् याःम्‍बक्‍हाॽआङ् चोगुआङ् वये़रो॥

मर्कुस 6:17

हे़रोद हाङ्‌ङिल्‍ले़ आबाङे कुन्‍साॽ फिलिपरे़ कुमेत् हे़रोदियासे़न् मेःत् कत्तुआङ् वये़॥ हे़क्‍क्‍याङ् हे़रोदियासरे़ कुनिङ्‌वाॽ तामा फाॽआङ् बप्‍तिस्‍मा के़बिबा युहुन्‍नान् ते़म्‍माआङ् पुङ्‌लाहिम्‍मो साक्‍मा इङ्‌जाङ् पिरुसिआङ् वये़, थेआङ्‌भे़ल्‍ले़ युहुन्‍नारे़ खुने़ॽ ए़त्‍ले़ङ् “खे़न् आबाङे के़न्‍साॽरे़ कुमेःत्तिन् मेःत् कप्‍मा मे़नुॽने़न्” मे़त्तुआङ् वये़रो॥

मत्ति 14:3

आल्‍ल उन्‍छोःन्‍छा हे़रोदरे़ आबाङे कुन्‍साॽ फिलिपरे़ कुमेत् हे़रोदियासे़न् मेःत् कत्तुआङ् वये़॥ हे़क्‍केःल्‍ले़ युहुन्‍नारे़ खुने़ॽ ए़त्‍ले़ङ् “खे़न् आबाङे के़न्‍साॽरे़ कुमेःत्तिन् खे़ने़ॽ मेःत् कप्‍मा मे़नुॽने़न्” मे़त्तुआङ् वये़रो॥ खे़ल्‍ले़चोगुल्‍ले़ हे़रोदरे़ युहुन्‍नान् पुङ्‌लाहिम्‍मो साक्‍तुआङ् वये़॥

मत्ति 14:1

खे़न् ये़म्‍मो गालिल थुम्‍मोबा सुहाङ्‌गे़म्‍बा हे़रोद एन्‍तिपासरे़ ये़सुरे़ चोगुबा याःम्‍बक्‍किल्‍ले़ कुयाःम्‍बेओ खे़प्‍सु,

तोलिङ्‌सोमु 49:10

यहुदाःल्‍ले़ कुहुक्‍कोलाम् हाङ्‌तक्‍काःत्तिन् मे़ले़त्‍ने़ल्‍लो, कुन्‍दाङ्‌बे़न् मे़न्‍दाए थारिक् हाङ्‌जुम्‍मो ओगप्‌ के़बोङ्‌बा तक्‍काःत्तिन् कुलाङ्‌भिःप्‍मोलाम् मे़जत्‍ने़ल्‍लो॥ हे़क्‍क्‍याङ् मे़न्‍छाम् सुवाङ्‌हाॽ खुने़ॽ मे़त्तुसिबा पाःन्‍निन् खे़म्‍मा के़दे़म्‍बा मे़बोङ्‌लो॥

मत्ति 14:6

कर हे़रोदरे़ कुसावाःन्‍छिङ्‌मा ससःत्‍सराङ्‌ङो हे़रोदियासरे़ कुस्‍सा मे़न्‍छुमाॽइन् हे़रोदे़न नु तरेबाहाॽरे़ खुनिॽ तगि नुरिक् लाःक्‍खे़आङ् हे़रोदरे़ साॽरिक् कुनिङ्‌वाॽ त्‍ये़बाल्‍ले़ चोगुल्‍ले़

मत्ति 22:17

हे़क्‍केःल्‍ले़ कन् पाःन्‍निन् आमे़त्ते़ॽरोमि पयम् हाङ् सिजरे़न् एःङ्‌याङ् हुङ्‌मा आनिॽ साम्‌योथिम्‍मिल्‍ले़ आबिॽबि आम्‍बिने़न्‍बि?”

मर्कुस 6:21

आल्‍ल यम्‍बा सुये़म् त्‍ये़॥ हे़रोद हाङ्‌ङिल्‍ले़ कुसावाःन्‍छिङ्‌मा ससःत्‍सराङ्‌ङो गालिल थुम्‍मोबा पयम् यम्‍बा सुहाङ्‌युक्‍पाहाॽ, तिलिङ्‌गाहाॽरे़ खुनिॽ थक्‍तुम्‍बाहाॽ नु मिङ्‌सोदाङ्‌बा तुम्‍म्‍याहाङ्‌हाॽ तरे उःत्तुसिआङ् वये़॥

लुका 13:31

बा खे़न् ये़म्‍मो खे़ॽयो कुभा फरिसिहाॽ मे़द्‌ये़आङ् ये़सुन् मे़मे़त्तु, “खे़ने़ॽ कप्‍मोलाम् हारा लःन्‍दे़ पेगे़ॽओ, थेआङ्‌भे़ल्‍ले़ हे़रोद हाङ्‌ङिल्‍ले़ खे़ने़ॽ से़प्‍मा निङ्‌वाॽ चोगुआङ् वाॽरो॥”