हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥
लुका 24:44 - लिम्बु44 हे़क्क्याङ् खुने़ॽ अक्खे पाःत्तु, “इङ्गाॽ खिनिॽनु वयाङ्ङिल्ले़साए मोसारे़ साप्तुबा साम्योथिम् साप्लाओ, माङ्निङ्वाॽपान् के़बाःप्पाहाॽरे़ खुनिॽ साप्पन्हाॽओ नु निङ्वाॽफु साम्लोसुम्मो इङ्गाॽ आयाःम्बेओ साप्ते़बा के़रे़क् पाःन्हाॽ के़त्लो फाॽआङ् मे़त्निङ्ङाङ् वयाङ्लो॥” Gade chapit la |
लुका 24:44
88 Referans Kwoze
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
निङ्वाॽफुमाङ्ङिल्ले़ ये़सुन् सिमे़न्लाम् याम्मो हिङ्घुआङ् माङ्हे़क्किन् आनिॽ कुमुॽइदाङ्साहाॽरो के़त्तुरो॥ कन् निसिगेक्पा निङ्वाॽफु साम्लोसुम्मो निङ्वाॽफुमाङ्ङिल्ले़ ये़सुन् अक्खे मे़त्तुआङ् वाॽरो, “‘खे़ने़ॽग आस्साने़रो, इङ्गाॽ से़क्खाए के़म्बाआ फाॽआङ् ओसेःन्दाङ् चोगुङ्ङाङ् वाॽरो॥’
हे़क्क्याङ् इङ्गाॽग खुने़ॽ से़वा चोःक्मा फाॽआङ् कुलाङ्ङो साम्बोन् फन्छिङ्ङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसे़वारोबा नु ये़सुन् तोःन्दि के़बिबाआरक्लो॥ निङ्वाॽफुमाङ्ङिन्ने से़वा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपान् के़बाःप्पाहाॽ हाङ्हाङ् मे़त्तुसिॽरो॥
मोसारे़ कुसाम्योथिम्मिङ्ग ताःन्दि के़दाबार के़बप्पा नुबा पाःन्हाॽ ओसेःन्के़धाक्पा साम्ब्रिःप्पा कुइसिःक्लक्लो, से़क्खाबा पान् मेःन्लो॥ थेआङ्भे़ल्ले़ साम्योथिम्मिल्ले़ नाःक्तुबा तङ्बे थप्मे ए़त्ले़ङ् तोःम्मनाबा सिदुङ्जभाःल्ले़ खे़न् सेसे माङ्गे़घबाहाॽ आप्फाल्ले़आङ् कुलिङ्दो मे़गे़त्तुन्छिन्लो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
खे़ल्ले़चोगुल्ले़ के़रे़क्नुःल्ले़ यम्बा यहवे दाङ्बे़ल्ले़ पाःत्तुरो, “ओमे़त्ते़म्मे़ॽ, आङ्गाॽ यरुसले़म ये़क्यक्को लत्छा लुङ्धिक् युक्खुङ्लो॥ हे़क्क्याङ् खे़ङ्ग से़क्खा चोःक्मनाबा लुङ् थधप् मे़ल्लॽमनाबा हिम्पाङ्यक्ले़ लागि लत्छा कुसुक्पोबा इमे़ल्लुङ्बा मालुङ्लो॥ खे़ॽयो नसान् के़जोःक्पा नु निङ्वाॽ के़युङ्बाहाॽ आप्फाल्ले़आङ् निङ्साङ् पुक्माओ मे़न्धाने़न्लो॥
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
खे़न् ये़न्नो यरुसले़म तगि नाङ्गे़न् पिसाङ् के़युङ्बा चैतुन कोःक्माओ खुने़ॽ कुलाङ्ङिल्ले़ तोॽरुआङ् ये़म्सिङ्ॽ, खे़ब्याङ् नाङ्गे़न्लाम् नाम्धा थारिक् चैतुन कोःक्माल्ले़ कुलुम्मो पक्क्रे़ॽ पःङ्ॽ हे़क्क्याङ् खे़प्मो लत्छा यम्बा ने़ने़बादे़न् पोङ्ॽ॥ कुभ्रे़ःङ् कोःक्मान् थाङ्गे़त् ले़प्माङ् नु कुभ्रे़ःङ् कोःक्मान् लाङ्गे़त् ले़प्माङ् से़म्बेःक्लो॥
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
सङ्जुम्भोःल्ले़ खे़न् मना के़से़प्पे़न् माक्खिल्ले़ कुले़क्वा माक्खिॽ नुःक्मा निङ्वाॽ के़जोःक्पाल्ले़ कुहुक्कोलाम् मे़से़न्दुर, हे़क्क्याङ् खे़न् खे़त्छिङ्ङाङ् पेबा से़ःप्सिङ्मादे़न्नोए खे़न् मे़बाङ्घु मे़देसुर॥ खे़ब्याङ् सेसेबा निःङ्गेल्ले़ माङ्थोःक्मा के़बोङ्बा तुम् निङ्वाॽफुसाम्बान् मे़सिने़न्ल थारिक् खे़न् मनान् हाबा खे़प्मोए वाॽर॥
खे़न् ये़म्माङ्धो ये़सुरे़ कुहुॽसाम्बाहाॽ खुने़ॽ यरुसले़म्मो पेःक्माए पोङ्, हे़क्क्याङ् खे़प्मो यहुदि तुम्लाम्लोबाहाॽ, तुम्निङ्वाॽफुसाम्बाहाॽ नु साम्योथिम्साम्बाहाॽओलाम् यरिक् पाःन्नो तुक्खे चामाए पोङ् हे़क्क्याङ् खुने़ॽ सिमाए पोङ्ङाङ् याम्मो सुम्ये़न् एगाङ् सिमे़न्लाम् याम्मो हिङ्मा पोङ् के़लॽबा पाःन्निन् चे़क्मा हेःक्तुसिरो॥
खे़ङ्हाॽओ के़वाॽबा ख्रिस्तरे़ कुयाम्साम्मिल्ले़ ख्रिस्तरे़ नासिथःप्मा के़बोङ्बा इनोगे़न् तुक्खेन् नु याङ्सि के़बोङ्बा मिमिदिङ्ङिल्ले़ कुयाःम्बेओ तगिसा खे़ङ्हाॽ मे़त्तुसिरो॥ कन् पाःन्हाॽ आक्खेलॽरिक् पोङ् हे़क्क्याङ् आप्फाल्ले़ पोङ् फाॽआङ् खे़ङ्हाॽरे़ कुसिङ् निःप्मा निङ्वाॽ मे़जोगुरो॥
Piblisite