लुका 24:25 - लिम्‍बु

²⁵ हे़क्‍क्‍याङ् ये़सुरे़ खे़ङ्‌हाॽ मे़त्तुसि, “खिन्‍छिॽ निङ्‌वाॽइन् आक्‍खे़न् साॽरिक् थुङ्‌बाबे! हे़क्‍क्‍याङ् माङ्‌निङ्‌वाॽपान् के़बाःप्‍पाहाॽरे़ मे़बाःत्तुबा पाःन्‍निन् नसान् चोःक्‍मा आक्‍खे़न् खिनिॽ निङ्‌वाॽ पाःक्‍पाबे?

लुका 24:25 Referans Kwoze

मर्कुस 9:19

ये़सुरे़ खे़ङ्‌हाॽ मे़त्तुसि, “नसान् के़होःप्‍पासे, आप्‍फाल्‍ले़ थारिक् इङ्‌गाॽ खिनिॽनु वाॽआर नासि थःत्‍निङ्‌बाबे? खे़न् चुक्‍पे़न् कत्‍ना फे़त्ते़म्‍मे़ॽ॥”

मर्कुस 7:18

ये़सुरे़ खे़ङ्‌हाॽ मे़त्तुसि, “आल्‍लसाङ् खिनिॽ निङ्‌वाॽ पाःक्‍लो! मना सिगाङ् के़लाःप्‍पा चाःमनाबा कुजाःल्‍ले़ खे़न् आसुत्‍थो मे़जोगुन् के़लॽबा के़न्‍निसुम्‍मिन्‍बि?

मर्कुस 16:14

याङ्‌सि थिक्‍थिक् (११) हुॽसाम्‍बाहाॽरे़ मे़जर मे़युङे़ल्‍ले़ ये़सुन् खे़प्‍मो ओसेःन्‍धाक्‍सिङ्॥ हे़क्‍क्‍याङ् ये़सुरे़ खे़ङ्‌हाॽ फे़ःक्‍तुसि, थेआङ्‌भे़ल्‍ले़ खुनिॽ नसान् सुःम्‍मान् नु निङ्‌वाॽ थुङ्‌माल्‍ले़ चोगुल्‍ले़ खे़ङ्‌हाॽरे़ खुने़ॽ सिमे़न्‍लाम् याम्‍मो हिङे़बा के़निबाहाॽरे़ खुनिॽ पाःन्‍निन् नसान् मे़न्‍जोगुन्‍लो॥

मत्ति 26:24

मे़न्‍छाम्‍साःङ्‌ग साम्‌योसाप्‍लाओ साप्‍ते़बा कुइसिःक्‍के सिमाए पोङ्‌लो॥ कर मे़न्‍छाम्‍सान् इङ्‌गे़ले़क्‍पे़ङ्‌ग चिःत्ते़स्‍ये़रो! खे़ङ्‌ग सामे़वाःन्‍छिङ्‌ङिन्‍निल्‍ले़ नुरे़बारो॥”

लुका 24:24

हे़क्‍क्‍याङ् आनिगे कुभा तेःङ्‌जुम्‍हाॽ इःप्‍पुङ्‌दे़न्‍नो मे़बेःल्‍ले़ खे़न् मे़न्‍छुमाहाॽरे़ मे़बाःत्तुबा हे़क्‍केए खे़प्‍मो मे़निसु, कर खे़ङ्‌हाॽरे़आङ् ये़सुन् मे़न्‍निसुन्‍लो॥”

युहुन्‍ना 5:39

खिनिॽग साम्‌योसाप्‍लान् नुःरिक्‍काङ् के़निसुम्‍लो थेआङ्‌भे़ल्‍ले़ खे़प्‍मोलाम् मे़न्‍नुप्‍मनाबा हिङ्‌मन् खोसुम्‍बे़ फाॽआङ् निङ्‌वाॽ के़इःत्तुम्, कर खे़न् साम्‌योसाप्‍लाःल्‍ले़ए इङ्‌गाॽ आयाःम्‍बेओ तोःन्‍दि के़बिरिॽरो॥

१ कोरन्‍थि 15:3

थेआङ्‌भे़ल्‍ले़ इङ्‌गाॽ खोसुङ्‌बा के़रे़क्‍नुःल्‍ले़ के़ये़क्‍पा पाःन्‍निन् खिनिॽ हुक्‍सुप्‍निङ्‌ङाङ् वाॽरो—साम्‌योसाप्‍लाःल्‍ले़ पाःत्तुबा कुइसिक् ख्रिस्‍ते़न् आनिॽ लायोन् ले़प्‍मि पिसे़ स्‍ये़,