लुका 23:6 - लिम्‍बु

⁶ हे़क्‍क्‍याङ् पिलातसरे़ खे़न् खे़प्‍सुआङ् “कन् मनान् गालिलसमाबि?” फाॽआङ् सेःन्‍दोसुसि॥

लुका 23:6 Referans Kwoze

सेःक्‌युक्‍मिबाहाॽ 5:37

याङ्‌सि पयम् याम्‍नाःत्‍निःत्तो गालिलसमा यहुदा मे़प्‍मनाबे़न् त्‍ये़आङ् कुभा मनाहाॽनु तङ्‌सिङ्‌ङाङ् हाङ्‌बिफ्‍युङ् चोगुरो, कर खुने़ॽआङ् मे़से़रु हे़क्‍क्‍याङ् खुने़ॽ के़दिम्‍बाहाॽआङ् मे़से़रे़ मे़बेरो॥

लुका 13:1

खे़न् ये़न्‍नो खे़प्‍मो के़वाॽबा कुभा मनाहाॽरे़ ये़सुन् मे़मे़त्तु, “अक्‍खेलॽरिक् गालिलिहाॽ सिदुङ्‌जभा चोःक्‍कि मे़यागे़ल्‍ले़ रोमि सुहाङ्‌गे़म्‍बा पिलातसरे़ खे़न् सिदुङ्‌जभा के़जोःक्‍पाहाॽ से़प्‍मा पाङ्‌घुसिरो॥”

मत्ति 26:69

आल्‍ल पत्रुसे़न् लाःक्‍कात् लक्‍खुम्‍मो युङे़ल्‍ले़ खे़प्‍मो सेवारोमा चुक्‍माधिक् फे़रे़आङ् मे़त्तु, “खे़ने़ॽआङ् गालिलसमा ये़सुःन्‍नुए के़वये़रो॥”

लुका 23:5

कर खे़ङ्‌हाॽरे़ याम्‍मो ये़सुन् अक्‍खे मे़मे़त्तुर आप्‍तिक् मे़गुःत्तु, “कन् मनाःल्‍ले़ कुनिसाम्‍मिल्‍ले़ कन् के़रे़क् मनाहाॽ के़रे़क् यहुदिया नु गालिललाम् कप्‍मो थारिक् हाङ्‌बिफ्‍युङ् चोःक्‍मा हुसुसिर वाॽरो॥”

लुका 23:7

पिलातसरे़ कन् पाःन्‍निन् हे़रोद हाङ्‌ङिल्‍ले़ कुलाजेॽओबा के़लॽबा निङ्‌वाॽ खोसुआङ् ये़सुन् हे़रोद हाङ्‌ङिल्‍लोए पाङ्‌घुदेसुरो॥ खे़न् ये़म्‍मो हे़रोदे़न यरुसले़म्‍मो वये़रो॥