लुका 22:7 - लिम्‍बु

⁷ हे़क्‍क्‍याङ् सिदाॽ मे़न्‍भःन्‍नेबा खरे़ःङ् चामा तङ्‌नाम्‍मिल्‍ले़ थिक्‍सिगेक्‍पा ये़न्‍नो चोःक्‌युम्‍भो तङ्‌नाम्‌रे़न् मे़ल्‍लुक्‍सान् सिदुङ्‌जभा चोःक्‍मा थिम् वये़॥

लुका 22:7 Referans Kwoze

लाम्‍दिक् 12:18

थिक्‍सिगेक्‍पा ला थिबोङ्‌ङाङ् लिसि ये़न् युःन्‍छिक्‍काङ्‌धो निबोङ्‌ङाङ् निसिगेक्‍पा ये़न् युःन्‍छिक् थारिक् खिनिॽ के़भङ्‌बा सिदाॽ मे़न्‌याक्‍मनाबा खरे़ःङ् चे़म्‍मे़ॽ॥

१ कोरन्‍थि 5:7

खे़ल्‍ले़चोगुल्‍ले़ खिनिॽ सेसेबा के़बोःक्‍खिर फाॽआङ् खे़न् लायो के़जोःक्‍पा ताप्‍फे़ःम्‍बा मनान् खिनिॽ लुम्‍मोलाम् लःत्ते़म्‍देसे़म्‍मे़ॽ॥ थेआङ्‌भे़ल्‍ले़ ख्रिस्‍ते़ङ्‌ग आनिॽ लागि सिदुङ्‌जभा पोःक्‍खे़चुरे़आङ् वाॽरो, खुने़ॽए आनिॽ चोःक्‌युम्‍भो तङ्‌नाम्‍मिल्‍ले़न् मे़ल्‍लुक्‍सारो॥

लुका 22:1

आल्‍ल सिदाॽ मे़म्‍भःन्‍नेबा खरे़ःङ्‌ङिल्‍ले़ तङ्‌नाम्‍मिन् निःत्ताङ् त्‍ये़र पत्‍छे़॥ खे़न् यहुदि चोःक्‌युम्‍भो तङ्‌नाम्‍माङ् मे़मे़त्तुॽ॥

लाम्‍दिक् 12:6

खिनिॽ खे़न् लाओबा थिबोङ्‌ङाङ् लिसि ये़न् थारिक् कत्ते़म्‍मे़ॽ, हे़क्‍क्‍याङ् इस्राइलि सङ्‌जुम्‍भोबा मनाहाॽरे़ युःन्‍छिक् खे़न् मे़से़रुर॥

लुका 22:6

खुने़ॽआङ् खे़न् पाःन्‍नो ते़न्‍दे़आङ् मनाहाॽ मे़होःप्‍पिल्‍ले़ इङ्‌ले़क्‍माआङ् ते़म्‍मा पाङ्‌मासि फाॽआङ् सुये़म् कोःप्‍मा हेःक्‍तुरो॥