लुका 22:41 - लिम्‍बु

⁴¹ हे़क्‍क्‍याङ् खुने़ॽ मिसाक् नानाक् पेआङ् थुङ्‌बोहजॽ युङ्‌सिङ्‌ङाङ् अक्‍खेलॽरिक् तुवा चोगु,

लुका 22:41 Referans Kwoze

मत्ति 26:39

खुने़ॽ याम्‍मो मिसाक् नानाक् पेआङ् खाम्‍मो साम्‍बोन् फन्‍छिङ्‌ङाङ् अक्‍खेलॽरिक् तुवा चोगे़रो, “पानुदिङ् आम्‍बे, पोङ्‌मा सुक्‍ने़ फाॽग्र, कन् इनोगे़न् तुक्‍खेरे़न् खोर्‍यान् इङ्‌गाॽओलाम् खे़त्ते़देसे़ॽओ॥ हे़क्‍केसाङ् आनिङ्‌वाॽ हे़क्‍केग मेःन्, कर के़निङ्‌वाॽ हे़क्‍केए पोङ्‌लरो॥”

मर्कुस 14:35

खुने़ॽ मिसाक् नानाक् पेआङ् साम्‍बोन् फन्‍छिङ्‌ल तुवा चोगु, “पोङ्‌ने़ फाॽग्र कन् इनोगे़न् तुक्‍खेन् आसम्‍दाङ् मे़दाने़न्‍ल॥

लुका 18:11

खे़न् फरिसिन् एःक् ये़म्‍सिङ्‌ङाङ् तुवा चोगु, ‘निङ्‌वाॽफुमाङ्‌ङे, इङ्‌गाॽ नोगे़न् पिने़रो, थेआङ्‌भे़ल्‍ले़ इङ्‌गाॽ वेॽसमा मनाहाॽ हे़क्‍के, साक्‍के़ल्‍ले़क्‍काङ् याङ् के़भोङ्‌बा, मना ताप्‍फे़ःल्‍लिक् के़मे़प्‍पा, चाराम्‍मा याःम्‍बक् के़जोःक्‍पा, हे़क्‍क्‍याङ् कन् एःङ्‌याङ् के़भोङ्‌बा हे़क्‍के इङ्‌गाॽ मे़जोःक्‍कान्‍लो॥

लुका 18:13

“कर खे़न् एःङ्‌याङ् के़भोःङ्‌बे़ङ्‌ग माःङ्‌घा ये़म्‍सिङ्‌ङाङ् साङ्‌ग्राम्‍पेदाङ् ले़प्‍माङ्‌ङाङ् ओमे़म्‍मए कुसङ्‌बे़न् हिप्‍तुर हाबे़र अक्‍खे पाःत्तु, ‘निङ्‌वाॽफुमाङ्‌ङे, इङ्‌गाॽ लुङ्‌माॽ तुक्‍ताङ्‌ङे़ॽओ, इङ्‌गाॽग लायोबाआरो॥’

सेःक्‌युक्‍मिबाहाॽ 7:60

हे़क्‍क्‍याङ् खुने़ॽ थुङ्‌बोहजॽ युङ्‌सिङ्‌ङाङ् यम्‍बा इक्‍लाओ अक्‍खेलॽरिक् पाःत्तु, “दाङ्‌बाए, कङ्‌हाॽरे़ मे़जोगुबा लायोरे़न् खुम्‍दिङ् मे़बिरे़से़न्‍ने़ॽओ॥” अक्‍खे पाःत्तुर खे़न् स्‍ये़रो॥

सेःक्‌युक्‍मिबाहाॽ 9:40

पत्रुसे़न् पेआङ् खे़प्‍मोबा के़रे़क् मनाहाॽ याक्‍फालाम् लाःक्‍कात् पाङ्‌घुसि हे़क्‍क्‍याङ् खुने़ॽ थुङ्‌बोहजॽ युङ्‌सिङ्‌ङाङ् तुवा चोगुआङ् खे़न् के़सिमा ले़प्‍माङ् हिसिङ्‌ङाङ् मे़त्तु, “तबिताए, पोगे़ॽओ॥” खे़ल्‍ले़ कुमिक्‍हाॽ हन्‍दु, हे़क्‍क्‍याङ् पत्रुसे़न् निसु हे़क्‍क्‍याङ् पोगे़आङ् युङ्‌सिङ्‌लो॥

सेःक्‌युक्‍मिबाहाॽ 20:36

हे़क्‍क्‍याङ् पावलरे़ कन् पाःन्‍हाॽ पाःत्तु सुरुआङ् खे़ङ्‌हाॽ काक् थुङ्‌बोहजॽ मे़युङ्‌सिङ्‌ङाङ् तुवा मे़जोगे़रो॥

सेःक्‌युक्‍मिबाहाॽ 21:5

कर खे़न् ये़त्‍नाम् एगाङ् खे़ङ्‌हाॽनु से़ःम्‍नाआङ् लाम्‍दिक्‍को थासिङ्‌मना॥ के़रे़क् नसानिबा फुॽनुसाॽ नु खुनिॽ मेःत् साहाॽ आनिगे सासे़ ये़क्‌यक् लाःक्‍कात् थारिक् मे़भे़रे़, हे़क्‍क्‍याङ् आनिगे वाहङ्‌ङिल्‍ले़ कुयाओ थुङ्‌बोहजॽ युङ्‌मनार तुवा चोःक्‍मनारो॥

हिब्रु 5:7

ये़सुन् इक्‍सादिङ् खाम्‍बेःक्‍मो नासिङ्‌गे़न् थक्‍को वये़ल्‍ले़ खुने़ॽ मिक्‌वानु चक् चक् साॽरिक् हाबे़र सिमे़न्‍लाम् ताङ्‌से़ःप्‍मा के़सुक्‍पे़न् पेलि फाक्‍तुर तुवा चोगुरो॥ खुने़ॽ निङ्‌वाॽफुमाङ्‌ङिन् मिङ्‌सो इङ्‌धाङ् पिरुर से़वा चोगुबाल्‍ले़ खुने़ॽ चोगुबा तुवान् निङ्‌वाॽफुमाङ्‌ङिल्‍ले़ ताःक्‍तुरो॥