लुका 22:2 - लिम्‍बु

² हे़क्‍क्‍याङ् तुम्‍निङ्‌वाॽफुसाम्‍बाहाॽ नु साम्‌योथिम्‍साम्‍बाहाॽरे़ ये़सुन् से़प्‍मा सुये़म् मे़गोःत्तुर मे़वये़, कर मनाहाॽरे़ हयङ्‌किल्‍लिङ् मे़जोगुॽ फाॽआङ् मे़गिसे़बाल्‍ले़ चोगुल्‍ले़ स्‍वाःत्ताङ् से़प्‍मा निङ्‌वाॽ मे़जोगु॥

लुका 22:2 Referans Kwoze

युहुन्‍ना 11:57

कर तुम्‍निङ्‌वाॽफुसाम्‍बाहाॽ नु फरिसिहाॽरे़ ये़सुन् ते़म्‍मा सुक्‍ते़त्‍ल फाॽआङ् खुने़ॽ के़निसुम्‍ने़ फाॽग्र याप्‍मि आमे़त्ते़म्‍मे़ॽओ लॽरिक् मनाहाॽ इङ्‌जाङ् मे़बिरुसिआङ् मे़वये़रो॥

लुका 20:19

साम्‌योथिम्‍साम्‍बाहाॽ नु तुम् निङ्‌वाॽफुसाम्‍बाहाॽरे़ ये़सुन् बा खे़प्‍मोए ते़म्‍मा निङ्‌वाॽ मे़जोगु, थेआङ्‌भे़ल्‍ले़ ये़सुरे़ पाःत्तुबा खे़दाॽओ फे़न् इक्‍मसाबाहाॽनु तङ्‌घुसिबान् खे़ङ्‌हाॽरे़ निङ्‌वाॽ मे़घोसु, कर मनाहाॽ मे़गिरुसि॥

मत्ति 12:14

कर फरिसिहाॽ यहुदि चुम्‍लुङ्‌हिम्‍मोलाम् मे़लःन्‍दे़ मे़बेआङ् ये़सुन् आक्‍खेआङ् से़प्‍माबे फाॽआङ् पाःन्‍मे़दङ्‌घुरो॥

सेःक्‌युक्‍मिबाहाॽ 4:27

“से़क्‍खाए बा खे़न् पाःन्‍निन् कन् ये़क्‌यक्‍को के़रे़आङ् वाॽ, थेआङ्‌भे़ल्‍ले़ हे़रोद हाङ्‌ङिन्, सुहाङ्‌गे़म्‍बा पन्‍तियस पिलातस, थिम्‍मे़न्‍दङ् सुवाङ्‌हाॽ नु इस्राइलिहाॽरे़ खे़ने़ॽ के़निङ्‌सेःक्‍को के़सेगुबा सेसे के़से़वारोबा ये़सुरे़ कुदक्‍ले़ङ्‌वाओ कन् ये़क्‌यक्‍को मे़जुप्‍से़आङ् मे़वाॽरो॥

मत्ति 21:38

“कर खे़ङ्‌हाॽरे़ कुस्‍सान् मे़निसुआङ् अक्‍खे मे़मे़त्‍छिङ्, ‘कङ्‌ग कुम्‍बारे़ कुलक् के़घोबारो, कन् से़रुम्‍माङ् कुलाजेॽ सिङ्‌बुङ्‌हाॽ आनिॽ हुक्‍काप्‍पासिरो॥’

मत्ति 26:2

“यहुदि चोःक्‌युम्‍भो तङ्‌नाम्‍मिन् तामा निये़न्‍लक् वाॽबाग खिनिॽ के़निसुम्‍मेरो, हे़क्‍क्‍याङ् मे़न्‍छाम्‍सान् सिलाम्‍साक्‍मा सिङ्‌ङो फोःन्‍छे़ हुक्‍मे़सुप्‍तुॽरो॥”

मर्कुस 14:1

आल्‍ल यहुदि चोःक्‌युम्‍भो तङ्‌नाम् नु सिदाॽ मे़म्‍भःन्‍नेबा खरे़ःङ् चामा ये़न् तामा निये़न्‍लक् वये़॥ तुम्‍निङ्‌वाॽफुसाम्‍बाहाॽ नु साम्‌योथिम्‍साम्‍बाहाॽरे़ ये़सुन् आक्‍खेलॽरिक् स्‍वाःत्ताङ् ते़म्‍माआङ् से़प्‍माबे फाॽआङ् लाम् मे़गोःत्तुर मे़वये़रो॥