लुका 20:9 - लिम्‍बु

⁹ ये़सुरे़ मनाहाॽ कन् खे़दाॽइन् मे़त्तुसि, “उन्‍छेःन् मनाधिक्‍ले़ लत्‍छा इक्‍को चे़ल्‍ले़क्‍सेॽ लेःत्तुआङ् कुभ्रे़ःङ् लक्‍को खे़न् चे़ल्‍ले़क्‍सेॽ इक्‍किन् इक्‍मसाबाहाॽ पिरुसिआङ् खुने़ॽ यरिक् ये़म् थारिक् वेॽ लाजेॽओ पे॥

लुका 20:9 Referans Kwoze

यर्मिया 2:21

चे़ल्‍ले़क्‍सेॽबुङ् हे़क्‍के नुबा कुलिःम्‍बा तेॽने़आङ् वये़रो हे़क्‍क्‍याङ् खे़ने़ॽ लेःत्‍ने़आङ् के़युङे़रो॥ कर ओमे़त्ते़ॽ, आल्‍ल खे़ने़ॽ थे के़बोःक्‍खे़इरो॥ खे़ने़ॽग लत्‍छा के़गिबा हने़बा चे़ल्‍ले़क्‍सेॽ के़बोक्‍खे़आङ् के़युङ्‌लो॥

लुका 19:12

“कुन्‍धे साबाधिक् माःङ्‌घा लाजेॽओ हाङ्‌युक् खोमाआङ् नुःङ्‌मा तामा फाॽआङ् लाम्‍दिक् चोगे़रो॥

मत्ति 25:14

ये़सुरे़ याम्‍मो मे़त्तुसि, “साङ्‌ग्राम्‍पेदाङ्‌बा हाङ्‌जुम्‍मिङ्‌ग अक्‍तङ्‌बा चोक्—माःङ्‌घा लाम्‍दिःक्‍को के़बेःक्‍पार के़बप्‍पा मनाधिक् वये़॥ खे़ल्‍ले़ कुसे़वारोबाहाॽ उःत्तुसिआङ् कुयाङ्‌ङिन् फोमा फाॽआङ् पिरुसिरो॥

साम्‌योथिम् इङ् 16:18

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ के़बिरिबा खिनिॽ के़रे़क् ये़क्‌यक्‍हाॽओ खिनिॽ आप्‍फेक् आप्‍फेक् थाःक् कुइसिक् खासे़न्‍लोःम्‍बाहाॽ नु युक्‍साबाहाॽ युक्‍तिङ् चोगे़म्‍सिम्‍मे़ॽ॥ मनाहाॽरे़ खुनिॽ लागि खे़ङ्‌हाॽरे़ के़वाॽबा कुदोःप्‍मा खासे़न् मे़लोःन्‍दुॽ॥

लुका 20:8

हे़क्‍केःल्‍ले़ ये़सुरे़ खे़ङ्‌हाॽ मे़त्तुसि, “हे़क्‍केने़ फाॽग्र थे़मा युक्‍किल्‍ले़ अक्‍तङ्‌बा याःम्‍बक्‍हाॽ चोगुङ् खे़न् इङ्‌गाॽआङ् मे़मे़त्‍निङ्‌ङिन्‍लो॥”

लुका 20:10

हे़क्‍क्‍याङ् चे़ल्‍ले़क्‍सेॽ तुप्‍मा ये़म् त्‍ये़ःल्‍ले़ कुलक् लासे़ कुसे़वारोबाधिक् इक्‍मःबाहाॽरो पाङ्‌घुरो॥ कर खे़न् इक्‍मसाबाहाॽरे़ खुने़ॽग मे़हिप्‍तुआङ् थेआङ् मे़म्‍बिए हाबा मे़बाङ्‌घु मे़देसुरो॥