लुका 20:6 - लिम्‍बु

⁶ कर ‘मनाहाॽलाम्’ आमे़त्तुम्‍ने़ फाॽग्र, मनाहाॽरे़ आनिॽ लुङ्‌ङिल्‍ले़ आम्‍बत्, थेआङ्‌भे़ल्‍ले़ मनाहाॽरे़ युहुन्‍नाःङ्‌ग माङ्‌निङ्‌वाॽपान् के़बाःप्‍पा फाॽआङ् निस्‍सेए मे़इःत्तुॽरो॥”

लुका 20:6 Referans Kwoze

मत्ति 21:26

कर ‘मनाहाॽलाम्’ आबाःत्तुम्‍ने़ फाॽग्र मनाहाॽ आनिॽ तक्‍ले़ङ्‌वाओ मे़बोःक्‍पि फाॽआङ् आगिरो, थेआङ्‌भे़ल्‍ले़ कन् मनाहाॽरे़ युहुन्‍नान् माङ्‌निङ्‌वाॽपान् के़बाःप्‍पा फाॽआङ् मे़इःत्तुआङ् मे़वाॽरो॥”

मत्ति 11:9

हे़क्‍केःल्‍ले़ थेःन् ओमत्‍छे़ खिनिॽ के़बेगि? माङ्‌निङ्‌वाॽपान् के़बाःप्‍पान्‍बि? ओरो, से़क्‍खाए इङ्‌गाॽ मे़त्‍निङ्, खुने़ॽग माङ्‌निङ्‌वाॽपान् के़बाःप्‍पानुःल्‍ले़आङ् यम्‍बारो॥

सेःक्‌युक्‍मिबाहाॽ 5:26

खे़न् थक्‍तुम्‍बाल्‍ले़ थक्‍सुबाहाॽ तेॽरुसिआङ् सेःक्‌युक्‍मिबाहाॽ थेआङ् मे़म्‍मे़त्‍छिङ्‌ङे ये़जुम्‍भोओ तारुसि, थेआङ्‌भे़ल्‍ले़ खे़ङ्‌हाॽ मनाहाॽरे़ लुङ्‌ङिल्‍ले़ आम्‍ले़प् आम्‍से़त् फाॽआङ् मे़गिसे़रो॥

युहुन्‍ना 10:41

यरिक् मनाहाॽ खुने़ॽओ मे़द्‌ये़रो॥ खे़ङ्‌हाॽरे़ मे़बाःत्तु, “युहुन्‍नारे़ निङ्‌वाॽ के़माबा याःम्‍बक् मे़जोगुन्‍छाङ् कन् मनाःल्‍ले़ कुयाःम्‍बेओ पाःत्तुबा के़रे़क् पाःन्‍हाॽ से़क्‍खाएरो॥”

लुका 1:76

“आस्‍साए, खे़ने़ॽ के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़न् माङ्‌निङ्‌वाॽपान् के़बाःप्‍पा के़म्‍मे़त्‍लो॥ थेआङ्‌भे़ल्‍ले़ खे़ने़ॽ दाङ्‌बाल्‍ले़ कुदगि लाम् यारिप् चोःक्‍से़ के़बेःक्‍लो॥

मर्कुस 12:12

खे़ङ्‌हाॽरे़ ये़सुन् ते़म्‍मा निङ्‌वाॽ मे़जोगु, थेआङ्‌भे़ल्‍ले़ ये़सुरे़ पाःत्तुबा खे़दाॽओ खे़ङ्‌हाॽ कुॽइके़भे़म्‍बा इक्‍मसाबाहाॽनु तङ्‌घुसिबान् खे़ङ्‌हाॽरे़ निङ्‌वाॽ मे़घोसु॥ कर खे़ङ्‌हाॽरे़ मनाहाॽ मे़गिरुसिआङ् खुने़ॽ मे़ले़रुआङ् मे़बेरो॥

मत्ति 26:5

कर खे़ङ्‌हाॽरे़ मे़बाःत्तु, “कन् तङ्‌नाम्‍मोग आनिॽ हे़क्‍के चोःक्‍मा मे़नुॽने़न्‍लो, मेःन्‍ने फाॽग्र कन् मनाहाॽरे़ हयङ्‌किल्‍लिङ् मे़जोगुॽरो॥”

मत्ति 21:46

खे़ङ्‌हाॽरे़ खुने़ॽ ते़म्‍मा निङ्‌वाॽ मे़जोगु, कर मनाहाॽ मे़गिरुसि थेआङ्‌भे़ल्‍ले़ मनाहाॽरे़ ये़सुःन्‍ग माङ्‌निङ्‌वाॽपान् के़बाःप्‍पा फाॽआङ् मे़इःत्तुआङ् मे़वये़रो॥

मत्ति 14:5

हे़रोदरे़ युहुन्‍नान् से़प्‍मा निङ्‌वाॽ चोगु कर मनाहाॽनु किसे़आङ् वये़ थेआङ्‌भे़ल्‍ले़ मनाहाॽरे़ग युहुन्‍नान् माङ्‌निङ्‌वाॽपान् के़बाःप्‍पा फाॽआङ् नसान् मे़जोगुआङ् वये़रो॥

लुका 7:30

कर फरिसिहाॽ नु साम्‌योथिम्‍साम्‍बाहाॽरे़ खुनिॽ लागि निङ्‌वाॽफुमाङ्‌ङिल्‍ले़ कुनिङ्‌सेःक्‍किन् मे़नाॽरु, थेआङ्‌भे़ल्‍ले़ खे़ङ्‌हाॽ युहुन्‍नालाम् बप्‍तिस्‍मा मे़न्‍जोःक्‍सिङ्‌ङिन्‍लो॥

लुका 20:5

खे़ङ्‌हाॽ खुनिॽ लुम्‍मो पान् मे़धक्‍ते़र अक्‍खे मे़मे़त्‍छिङ्, “आल्‍ल आनिॽ ‘निङ्‌वाॽफुमाङ्‌लाम्’ आमे़त्तुम्‍ने़ फाॽग्र, थेआङ् नसान् के़न्‍जोगुम्‍मिन् फाॽआङ् सेःन्‍आलाप्॥

लुका 20:7

खे़ल्‍ले़चोगुल्‍ले़ खे़ङ्‌हाॽरे़ ये़सुन् मे़मे़त्तु, “आनिगे मे़निसुम्‍बे़न्‍लो॥”