लुका 20:16 - लिम्बु16 खुने़ॽ ताआङ् खे़ङ्हाॽ के़रे़क् से़रुसिआङ् खे़न् चे़ल्ले़क्सेॽ इक्किन् वेॽ मनाहाॽ पिरुसिॽरो॥” मनाहाॽरे़ खे़न् मे़घे़प्सुआङ् मे़बाःत्तु, “आप्फाल्ले़आङ् अक्खे मे़बोङ्ङिल्लरो॥” Gade chapit la |
लुका 20:16
24 Referans Kwoze
कर पावल नु बरनाबासे़न् मे़ङ्गिए अक्खेलॽरिक् पारे़त्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा के़बोङ्बा वये़, कर खिनिॽए कन् के़नाॽरुम्लो॥ हे़क्क्याङ् मे़न्नुप्मनाबा हिङ्मन् खोमा सुम्बोधासाबा मे़म्बोङ्मा फाॽआङ् खिनिॽ ओसेःन्गे़धाक्तुम्लो॥ खे़ल्ले़चोगुल्ले़ आल्ल आनिगे खिनिॽलाम् लःन्दिगे़आङ् थिम्मे़न्दङ् सुवाङ्हाॽओ पेगिगे़ॽरो॥
खे़न् तुम्यक्याबाहाॽ नु यहुदि लाम्लोबाहाॽरे़ खुने़ॽ नोगप् मे़बिरु, “खुने़ॽ ताआङ् खे़न् ताक्के़भे़ॽबा मनाहाॽ से़क्खासाङ् साॽरिक् तुक्खे चाःत्तुसिर से़रुसिॽरो॥ हे़क्क्याङ् चे़ल्ले़क्सेॽ इक्किन् कुभ्रे़ःङ् लक् खोमारे़ लागि वेॽ इक्मबाहाॽ पिरुसिआङ् खे़ङ्हाॽरे़ चे़ल्ले़क्सेॽ तुम्मिल्ले़ कुलक्किन् मे़बिरुॽरो॥”
हे़क्केःल्ले़ आनिॽ थे पाःप्माबे? साम्योथिम्मिन् लायोबि? से़क्खासाङ् मेःन्लो! कर साम्योथिम्मिन् होःप्ते़ल्ले़ग इङ्गाॽ आहिङ्मन्नोबा लायोहाॽ मे़न्निबान्मे़न्॥ थेआङ्भे़ल्ले़ साम्योथिम्मिल्ले़, “खे़ने़ॽ मे़घिःप्से़न्ने़ॽ” फाॽआङ् मे़बाःत्तुन्निल्ले़ग इङ्गाॽ खिःम्मान् ताप्फे़ःम्बारो के़लॽबा पाःन्निन् कुसिङ् मे़निःत्तुङ्ङिन्बारो॥
हे़क्केःल्ले़ नुबा पाःन्निल्ले़ इङ्गाॽ आलागि सिमे़न् तारुबि? मे़दारुन्लो, कर लायोन् लायोएरो लॽरिक् कुसिङ् निःप्मा आसुक्तुम्ल फाॽआङ् लायोल्ले़ नुबा पाःन्लाम् इङ्गाॽओ याम्साम्गे़न् सिमे़न् तारु, हे़क्केःल्ले़ साम्योइङ्जाङ्ङिल्ले़ चोगुल्ले़ लायोन् आल्लसाङ् साॽरिक् लायोबा चोक् फाॽआङ् निसुङ्लो॥
हे़क्केने़ फाॽग्र कुसाम्योथिम्मिल्ले़ निङ्वाॽफुमाङ्ङिल्ले़ कुमाङ्हे़क्हाॽ अत्तुबि? से़क्खाःल्ले़ग हे़क्के मेःन्लो! साम्योथिम्मिल्ले़ कुसङ् हिङ्मन्निन् पिमा आसुक्ते़ल्ले़ग खे़न् साम्योथिम्मिन् आइःत्तुम् आनाःत्तुम्माङ् निङ्वाॽफुमाङ्ङिल्ले़ कुनिमाओ आप्तिक् मेःन्नेबा पोङ्मा आसुक्ते़बारो॥
कर इङ्गाॽग आनिॽ दाङ्बा ये़सु ख्रिस्तरे़ सिलाम्साक्मा कुसिङ्ङिन्नुःल्ले़ वेॽ थे़माओआङ् आङ्दिङ् मे़लॽआन्लो॥ ख्रिस्ते़न् सिलाम्साक्मा सिङ्ङो स्ये़बाल्ले़ चोगुल्ले़ मनाहाॽरे़ मे़इःत्तु मे़नाःत्तुबा पाःन्हाॽ आलागि थेआङ् मेःन्लो, हे़क्क्याङ् खे़ङ्हाॽरे़ खुनिॽ लागिआङ् इङ्गाॽ थेआङ् मे़ःन्नारो॥
Piblisite