लुका 19:9 - लिम्‍बु

⁹ हे़क्‍केःल्‍ले़ ये़सुरे़ पाःत्तु, “आइन् कन् हिम्‍सयङ्‌ङिल्‍ले़ से़न्‍लप् खोसुआङ् वाॽरो, थेआङ्‌भे़ल्‍ले़ जक्‍कैःन्‍नाङ् अब्राहामरे़न्‍ने कुमुॽइदाङ्‌सारो॥

लुका 19:9 Referans Kwoze

गलाति 3:7

खे़ल्‍ले़चोगुल्‍ले़ निङ्‌वाॽफुमाङ्‌ङिन् नसान् के़जोःक्‍पाहाॽए अब्राहामरे़ कुस्‍सा कुम्‍मे़न्‍छाॽसि के़लॽबा पाःन्‍निन् कुसिङ् निःत्ते़म्‍मे़ॽओ॥

लुका 13:16

कन् अब्राहामरे़ कुहिम्‍सयङ्‌बा मे़न्‍छुमाॽइन् तङ्‌बे थिक्ये़त्ताङ्‌धो (१८) माफे़न्‍साम्‍मिल्‍ले़ थुःन्‍दुआङ् वये़॥ कन् नाःम्‍सिङ् ये़न्‍नो खे़न् माफे़न्‍साम्‍मिल्‍ले़ कुइघेःङ्‌ङोलाम् ले़प्‍मा नुबाबि मेःम्‍बि?”

रोमि 4:16

खे़ल्‍ले़चोगुल्‍ले़ कन् माङ्‌हे़क्‍किङ्‌ग नसाःन्‍लाम् तारो॥ निङ्‌वाॽफुमाङ्‌ङिल्‍ले़ कुलुङ्‌गुम्‍लाम्‍बा आम्‍भा आबिॽरो॥ हे़क्‍क्‍याङ् साम्‌योथिम् आइःत्तुम् आनाःत्तुम्‍माङ् मेःन्, कर अब्राहाम्‍मिल्‍ले़ चोगुबा कुइसिक् नसान् आजोगुम्‍ने़ फाॽग्र कन् माङ्‌हे़क्‍किन् आघोसुम् के़लॽबा निःन्‍धो पोङ्‌लो॥ थेआङ्‌भे़ल्‍ले़ अब्राहाम्‍मिङ्‌ग आनिॽ नसान् के़जोःक्‍पा के़रे़क्‍ले़न् पारो॥

१ पत्रुस 2:10

तगिग खिनिॽ कुमना के़होःप्‍ति, कर आल्‍लग निङ्‌वाॽफुमाङ्‌ङिल्‍ले़ कुमना के़बोःक्‍खिआङ् के़वयिॽ॥ तगि खिनिॽ निङ्‌वाॽफुमाङ्‌ङिल्‍ले़ लुङ्‌माॽ मे़न्‍दुक्‍के के़वयि, कर आल्‍ल निङ्‌वाॽफुमाङ्‌ङिल्‍ले़ लुङ्‌माॽ के़दुक्‍तिआङ् के़वयिॽरो॥

गलाति 3:29

खिनिॽ ख्रिस्‍तरे़ कुमना के़बोःक्‍खिआङ् के़वयिॽने़ फाॽग्र खिनिॽग अब्राहामरे़ से़क्‍खा कुमुॽइदाङ्‌सानिङ्‌लो, हे़क्‍क्‍याङ् निङ्‌वाॽफुमाङ्‌ङिल्‍ले़ अब्राहाम्‍मिन् पिरुबा माङ्‌हे़क्‍किल्‍ले़न् लक् के़घोबानिङ्‌लो॥

गलाति 3:14

ख्रिस्‍तरे़ आनिॽ आधे़ॽरे़, हे़क्‍केःल्‍ले़ निङ्‌वाॽफुमाङ्‌ङिल्‍ले़ अब्राहाम्‍मिन् पिरुबा मुॽइसाम्‍मिन् ख्रिस्‍त ये़सुलाम् थिम्‍मे़न्‍दङ् सुवाङ्‌हाॽ पिरुसिआङ् वाॽ, हे़क्‍क्‍याङ् निङ्‌वाॽफुमाङ्‌ङिल्‍ले़ माङ्‌हे़क् चोगुबा सेसेमाङ्‌ङिन् नसाःन्‍लाम् आघोसुम्‍लो॥

लुका 3:8

लायोलाम् के़हिन्‍दिबा पाःन्‍निन् ओसेःन्‍दाङ् चोःक्‍से़ नुबा याःम्‍बक् चोगे़म्‍मे़ॽओ॥ आनिगे़ग अब्राहामरे़ कुस्‍सासिगे़, खे़ल्‍ले़चोगुल्‍ले़ खुम्‍दिङ्‌लाम् खे़त्‍छिङ्‌मा सुक्‍तिगे़ॽ फाॽआङ् निङ्‌वाॽ मे़इःत्ते़म्‍मिन्‍ने़ॽओ, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ग कन् लुङ्‌हाॽआङ् अब्राहामरे़ कुस्‍सा चोःक्‍मा सुक्‍तुसिॽरो॥

लुका 2:30

थेआङ्‌भे़ल्‍ले़ खे़ने़ॽ के़रे़क् मनाहाॽरे़ खुनिॽ तगि यारिप् के़जोगुबा के़से़न्‍लप्‍पिन् इङ्‌गाॽ आबाङे आमिक्‍किल्‍ले़ निसुङ्‌ङाङ् वाॽआरो॥

लुका 13:30

खे़प्‍मो आल्‍लो यम्‍लाबा मनाहाॽ ताःन्‍दि चुक्‍सा मे़बोङ्, हे़क्‍क्‍याङ् चुक्‍सा मनाहाॽ यम्‍लाबा मे़बोङ्‌लो॥”

लुका 16:24

हे़क्‍क्‍याङ् खे़न् याङ्‌साकुन्‍धेसाबाल्‍ले़ अःक्‍ते़र मे़त्तु, ‘पानुदिङ् आम्‍बे, इङ्‌गाॽ लुङ्‌माॽ तुक्‍ताङ्‌ङे़ॽआङ् लाजरसे़न् कॽयो पाङ्‌घे़युसे़ॽओ॥ कुहुक्‍चोःन् च्‍वाःत्तो निःप्‍सुआङ् आल्‍सोःप्‍पाल्‍ले़ कुसम्‍मो थासु पिआनिरो, थेआङ्‌भे़ल्‍ले़ कन् मिराःक्‍को इङ्‌गाॽ साॽरिक् तुक्‍खे चाआर याःक्‍कारो॥’

लुका 16:30

“कर खे़ल्‍ले़ नोगप् पिरु, ‘हे़क्‍के मेःन् आम्‍बे, कुभा मनाहाॽ के़सिबोलाम् कुहिङ्‌वे़त् मे़बोङ्‌ङाङ् मे़बेःक्‍ने़ फाॽग्र खे़ङ्‌हाॽरे़ नसान् मे़जोगुआङ् खुनिॽ लायोलाम् मे़हिन्‍नाङ् मे़हिङ्‌लो॥’