लुका 19:6 - लिम्‍बु

⁶ हे़क्‍केःल्‍ले़ जक्‍कैन् यो थ्‍ये़आङ् कुसिराॽ पधाङ्‌थाङे़र ये़सुन् कुहिम्‍मो लाम्‍दाःक्‍मा पिरु॥

लुका 19:6 Referans Kwoze

लुका 5:29

याङ्‌सि ये़सुरे़ कुलागि ले़बिःल्‍ले़ कुहिम्‍मो यम्‍बा चामुक् थिमुक् से़सु॥ खे़प्‍मो यरिक् एःङ्‌याङ् के़भोङ्‌बाहाॽ नु वेॽ तरेबाहाॽ मे़वये़रो॥

सेःक्‌युक्‍मिबाहाॽ 16:34

खे़ल्‍ले़ पावल नु सिलासे़न् कुहिम्‍मो तेॽरुसिआङ् चामा थुङ्‌मा पिरुसि॥ खुने़ॽ नु कुहिम्‍सयङ्‌हाॽरे़ निङ्‌वाॽफुमाङ्‌ङिन् नसान् मे़जोगुबाल्‍ले़ चोगुल्‍ले़ साॽरिक् ओमु मे़लॽरे़रो॥

सेःक्‌युक्‍मिबाहाॽ 16:15

हे़क्‍क्‍याङ् खुने़ॽ नु काक् कुहिम्‍सयङ्‌हाॽ बप्‍तिस्‍मा मे़बोःक्‍खे़॥ हे़क्‍क्‍याङ् खे़ल्‍ले़ इङ्‌गाॽ से़क्‍खाए दाङ्‌बाल्‍ले़ कुनसानिमा फाॽआङ् याप्‍मि के़इःत्तिने़ फाॽग्र आहिम्‍मो त्‍ये़म्‍मे़ॽआङ् वये़म्‍मे़ॽओ लॽरिक् याप्‍मि उःत्ते़रो॥ खे़ल्‍ले़चोगुल्‍ले़ खुने़ॽ कुहिम्‍मो याप्‍मि तेॽमा फाॽआङ् साक्‍के़ल्‍ले़क् चोगे़रो॥

यसैया 64:5

कुदोःप्‍मा याःम्‍बक् के़जोःक्‍पा, हे़क्‍क्‍याङ् के़लाम्‍मो लाङ्‌गे़घेःक्‍पाहाॽ खे़ने़ॽ के़भाॽरुसिरो॥ खे़ने़ॽ आनिगे़नु के़सिक् पोगे़ कर आनिगे लायो चोगुम्‍बे़रो, हे़क्‍क्‍याङ् आल्‍लसाङ् लायोबाए वयिगे़ल्‍ले़ आक्‍खेलॽरिक् से़ःप्‍सिङ्‌मा सुक्‍तिगे़बाबे?

सेःक्‌युक्‍मिबाहाॽ 2:41

हे़क्‍केःल्‍ले़ कन् पाःन्‍जान् नसान् के़जोःक्‍पाहाॽ बप्‍तिस्‍मा मे़बोःक्‍खे़आङ् बा खे़न् ये़न्‍नो हे़न्‍छिङ् सुम्‍सि (३,०००) यारिक् मनाहाॽ खे़ङ्‌हाॽओ मे़योॽसिङ्‌लो॥

लुका 2:16

हे़क्‍क्‍याङ् खे़ङ्‌हाॽ हारा मे़जात्ते़र बेथले़हे़म्‍मो मे़बे॥ खे़प्‍मो युसुफ नु मरियम हे़क्‍क्‍याङ् वाघोङ्‌ङो मे़इप्‍तुआङ् ने़स्‍से़बा अङे़ःक्‌वान् मे़दुमुरो॥

लुका 19:5

ये़सुन् खे़प्‍मो के़रे़ल्‍ले़ थो ओमये़आङ् मे़त्तु, “जक्‍कैए, खे़ने़ॽ हारा थ्‍ये़ॽओ॥ आइन् इङ्‌गाॽ के़हिम्‍मो ने़आबारो॥”

लुका 19:7

खे़प्‍मो के़वाॽबा मनाहाॽरे़ ये़सुन् लायोबाल्‍ले़ कुहिम्‍मो याङ्‌धोःक्‍से़ पेरो फाॽआङ् कानाक्‍नाक् मे़लॽरे़रो॥