लुका 19:5 - लिम्‍बु

⁵ ये़सुन् खे़प्‍मो के़रे़ल्‍ले़ थो ओमये़आङ् मे़त्तु, “जक्‍कैए, खे़ने़ॽ हारा थ्‍ये़ॽओ॥ आइन् इङ्‌गाॽ के़हिम्‍मो ने़आबारो॥”

लुका 19:5 Referans Kwoze

सुफो 3:20

खे़प्‍से़ॽओ! इङ्‌गाॽ लाम्‍धेःप्‍पो ये़प्‍पाआङ् खक्‍खक् मे़त्तुङ्॥ आइक्‍लान् खे़प्‍सुआङ् लाम्‍धेःप्‍पे़न् हन्‍नाॽ पिआने़ फाॽग्र, इङ्‌गाॽ हिम्‍सिगाङ् लाःत्ताआङ् खे़न्‍नु सोरिक् चा चासुगे़ॽरो॥

युहुन्‍ना 14:23

ये़सुरे़ नोगप् पिरु, “हाःत्‍ले़ इङ्‌गाॽ मिःम्‍जि मे़त्ता, खे़ल्‍ले़ग इङ्‌गाॽ आनिसाम्‍मिन् इःत्तु नाःत्तुॽरो॥ पानुदिङ् आम्‍बारे़ खे़न् मिःम्‍जि मे़त्तुॽ हे़क्‍क्‍याङ् आन्‍छिगे ताःसिगे़आङ् खे़न्‍नु वाॽसिगे़रो॥

हिब्रु 13:2

हिम्‍मो के़दाबाहाॽ तरे मे़न्‍दोसिङ्‌ङे मे़बाङ्‌घे़म्‍सिम्‍मे़न्‍ने़ॽओ॥ कुभारे़ हे़क्‍के मे़जोगुल्‍ले़ निङ्‌वाॽ मे़ङ्‌घोए माङ्‌लाइङ्‌बाहाॽ तरे मे़दोसुसिआङ् वाॽरो॥

युहुन्‍ना 1:48

हे़क्‍केःल्‍ले़ नाथाने़लरे़ सेःन्‍दोसु, “मे़ःम्‍बे़, खे़ने़ॽ आक्‍खेलॽरिक् इङ्‌गाॽ कुसिङ् के़निःत्ताङ्‌बे?” ये़सुरे़ नोगप् पिरु, “फिलिपरे़ मे़न्‍उःत्ते के़वये़ल्‍ले़सा खे़ने़ॽग पःत्‍छेॽ बुङ्‌मो के़वये़बा निने़रो॥”

एफिसि 3:17

हे़क्‍केलॽरिक् नसाःन्‍लाम् ख्रिस्‍ते़न् खिनिॽ सिक्‍लुङ्‌मो वाॽर॥ निङ्‌वाॽफुमाङ्‌ङिल्‍ले़ कुमिःम्‍जिओ खिनिॽ साःप् लेःत्‍छिङ्‌ङाङ् के़धुम्‍बा के़बोःक्‍खिर,

लुका 19:10

मे़न्‍छाम्‍सान् लायोओ के़माबाहाॽ कोःप्‍मा नु हिङ्‌मासि फाॽआङ् त्‍ये़बारो॥”

इजकिएल 16:6

“कर आङ्‌गाॽ खे़ॽयो त्‍याङ्‌ङिल्‍ले़, पप्‍प्राॽमा खे़ने़ॽ आप्‍फेक् के़माक्‍खिॽओ लाङ्‌गे़धिक्‍सिङ्‌ङाङ् के़ने़स्‍से़बा निने़॥ खे़ने़ॽ खे़प्‍मो के़ने़स्‍से़ल्‍ले़ आङ्‌गाॽ मे़त्‍ने़, ‘खे़ने़ॽ हिङे़ॽ॥’

खाहुन्‍साबा 9:10

खे़ने़ॽ थे याःम्‍बक् के़जोगुॽ, खे़न् पाःन्‍नो चाॽरिक् स्‍याङ्‌मे़न्‍दाङ् चोगे़ॽ थेआङ्‌भे़ल्‍ले़ के़सिबा लाजेॽओ कुभा याःम्‍बक्, निङ्‌वाॽ इःप्‍मा, ने़हिनिङ्‌वाॽ इग्र सिक्‍कुम् निङ्‌वाॽ थेआङ् होप् हे़क्‍क्‍याङ् खे़ने़ॽ खे़प्‍मोए के़बेःक्‍ल के़बत्॥

२ कोरन्‍थि 6:1

हे़क्‍क्‍याङ् आनिगे निङ्‌वाॽफुमाङ्‌ङिन्‍नु सोरिक् याःम्‍बक् के़जोःक्‍पा पोःक्‍खिगे़बाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ लुङ्‌माॽ के़दुक्‍तिबा सुनाइङ्‌ङिल्‍ले़ पाःन्‍निन् खिनिॽ हिङ्‌मन्‍नो हने़ पोङ्‌मा मे़बाङ्‌घे़म्‍मिन्‍ने़ॽ फाॽआङ् पेलि फाक्‍कासिगे़रो॥

लुका 19:2

खे़न् ये़क्‌यक्‍को जक्‍कै मिङ् के़वाःप्‍पा याङ्‌साकुन्‍धेसाबा तुम्‍एःङ्‌याङ् के़भोङ्‌बाधिक् वये़॥

लुका 19:4

हे़क्‍केःल्‍ले़ खुने़ॽ तगि पेआङ् ये़सुरे़ कुओमे़त्‍छे़ लाम्‍मिल्‍ले़ कुबेसाङ्‌बा पःत्‍छेॽबुङ्‌मो लासे़आङ् युङ्‌सिङ्॥

लुका 19:6

हे़क्‍केःल्‍ले़ जक्‍कैन् यो थ्‍ये़आङ् कुसिराॽ पधाङ्‌थाङे़र ये़सुन् कुहिम्‍मो लाम्‍दाःक्‍मा पिरु॥