लुका 19:22 - लिम्‍बु

²² हे़क्‍केःल्‍ले़ हाङ्‌ङिल्‍ले़ खे़न् से़वारोबान् मे़त्तु, “खे़ने़ॽ ताक्‍के़भे़ॽबा सेवारोबे! आल्‍ल बा खे़ने़ॽ के़बाःन्‍नोलाम् आप्‍तिक् कुःत्‍ने़ॽरो॥ इङ्‌गाॽ थे मे़बिरुङ्‌ङिन् बा खे़न् नाःक्‍तुङ्, थे़मा मे़देसुङ्‌ङिन् खे़न् सुप्‍सुङ् फाॽआङ् खे़ने़ॽए निङ्‌वाॽ के़गत्तुरो॥

लुका 19:22 Referans Kwoze

२ सामुए़ल 1:16

दाउदरे़ खे़न् अक्‍खे मे़त्तुआङ् वये़, “खे़ने़ॽ के़माक्‍खिन् आबाङे के़धेगेक् सम्‍धाङ् चुक्‍ल॥ थेआङ्‌भे़ल्‍ले़ खे़ने़ॽ ‘आङ्‌गाॽ यहवे दाङ्‌बाल्‍ले़ सेगुबा कुमनान् से़रुङ्’ लॽरिक् आबाङे के़म्‍ब्राःल्‍ले़ के़बाःत्तुआङ् आप्‍तिक् के़घोसुरो॥”

मत्ति 22:12

सेःन्‍दोसु, ‘चुम्‍मे, खे़ने़ॽ आक्‍खेलॽरिक् मेःक्‍खिम् साभाङ्‌जाओ, मेःक्‍खिम्‍मो चाङ्‌मनाबा नुबा तेत् मेःन्‍ने के़लासे़बे?’ खे़न् मनाःल्‍ले़ थेआङ् पाःप्‍मा मे़सुक्‍तुन्‍लो॥

मत्ति 12:37

थेआङ्‌भे़ल्‍ले़ खिनिॽ के़बाःत्तुम्‍बा पान् सुत्‍लाहाॽरे़ए खिनिॽ साम्‌योबा इग्र लायोबा के़बोःक्‍खिॽरो॥”

रोमि 3:19

आल्‍ल साम्‌योथिम्‍मिङ्‌ग साम्‌योथिम्‍मिल्‍ले़ कुयुक्‍को के़वाॽबाहाॽए पिरुसिबान् आनिॽ आनिसुम्‍लो॥ खे़ल्‍ले़चोगुल्‍ले़ के़रे़क् मनाहाॽ लायो मे़न्‍जोःक्‍मनाबा ले़ङ्‌सिङ्‌मा मे़ङ्‌घोने़न्‍नाङ् काक् मे़न्‍छाम् याप्‍मिहाॽ निङ्‌वाॽफुमाङ्‌ङिल्‍ले़ कुदगि खासे़न्‍नो ये़प्‍मा पोङ्‌लो॥

लुका 19:21

खे़ने़ॽनु इङ्‌गाॽ किसाङ्‌लो, थेआङ्‌भे़ल्‍ले़ खे़ने़ॽ के़जिःप्‍पा के़जोक्॥ खे़ने़ॽ के़म्‍बिरुन्‍सिन्‍बान् के़नाःक्‍तुसिॽ, के़न्‍देसुम्‍बान् के़सुप्‍सुॽरो॥”

लुका 19:23

हे़क्‍केःल्‍ले़ खे़न् आयाङ्‌ङिन् थेआङ् सिङ्‌नात् के़गे़बाहाॽरो के़न्‌युक्‍खुन्? इङ्‌गाॽ त्‍याङ्‌ङिल्‍ले़ आयाङ्‌ङिल्‍ले़ कुस्‍साग खोसुङ्‌बा वये़॥”