लुका 18:4 - लिम्‍बु

⁴ हे़क्‍केःल्‍ले़ तगिग खे़न् खासे़न्‍लोःम्‍बाल्‍ले़ कोजाक् मे़मे़त्तुन्, कर याङ्‌सि अक्‍खेलॽरिक् कुनिङ्‌वाॽओ इःत्‍छिङ्, ‘इङ्‌गाॽग निङ्‌वाॽफुमाङ्‌ङिन्‍नुआङ् मे़गिआन्, आत्तिन् मनाहाॽआङ् इङ्‌धाङ् मे़बिरुङ्‌सिङ्‌ङिन्,

लुका 18:4 Referans Kwoze

लुका 16:3

हे़क्‍क्‍याङ् खे़न् खारात् के़युङ्‌बाल्‍ले़ कुनिङ्‌वाॽबो आबाङे अक्‍खे मे़त्‍छिङ्, ‘आल्‍ल इङ्‌गाॽ कन् खारात् युङ्‌मा याःम्‍बक्‍कोलाम् लःत्तादेआल्‍ले़ थे चोगुङ्‌बाबे? इङ्‌गाॽ याःन्‍मःमाआङ् मे़सुक्‍कान्, चानाःक्‍मा चामाआङ् नुःन्‍नाॽरो॥

लुका 12:17

हे़क्‍क्‍याङ् खे़ल्‍ले़ अक्‍खेलॽरिक् निङ्‌वाॽ इःत्तु, ‘आल्‍ल इङ्‌गाॽ थे चोगुङ्‌बे? कन् चाहाॽ युङ्‌मादे़न्‍ने होप्‍लो॥’

लुका 18:2

“थिक् ये़क्‌यक्‍को लत्‍थिक् निङ्‌वाॽफुमाङ्‌नु मे़ङ्‌गिःम्‍नाबा, आत्तिन् मनाःन्‍नाङ् इङ्‌धाङ् मे़म्‍बिमनाबा खासे़न्‍लोःम्‍बाधिक् वये़रो॥

लुका 18:3

हे़क्‍क्‍याङ् हाबा खे़न् ये़क्‌यक्‍को मेमेदुमाधिक्‍काङ् वये़॥ खे़न् ए़त्‍ले़ङ् खासे़न्‍लोःम्‍बाल्‍लो त्‍ये़र आप्‍तिक् याप्‍मि के़गुःप्‍पाल्‍ले़ कुदक्‍ले़ङ्‌वाओ खासे़न् लोःन्‍दाङ् पिराङ्‌ङे़ॽ फाॽआङ् मे़त्तुर वये़रो॥

लुका 20:13

“आल्‍ल चे़ल्‍ले़क्‍सेॽ इक्‍के़ल्‍ले़ कुन्‍दाङ्‌बान् निङ्‌वाॽ इःत्‍छिङ्, ‘इङ्‌गाॽ थे चोगुङ्‌बाबे? आल्‍ल इङ्‌गाॽ लुङ्‌माॽ तुक्‍तुङ्‌बा आस्‍सान् पाङ्‌घुङ्॥ खुने़ॽ मे़निसुआङ्‌ग कुना मे़साॽरुबिला॥’

हिब्रु 12:9

आल्‍ल इक्‍साबा आनिॽ पाहाॽरे़ हे़न्‍थिम् आम्याक्‍ते़ल्‍ले़ग आनिॽ मिङ्‌सो इङ्‌धाङ् आबिरुम्‍सिम्‍लो॥ खे़न्‍नुःल्‍ले़आङ् यरिक् आनिॽ याम्‍साम्‍मिल्‍ले़न् पाःल्‍ले़ हे़न्‍थिम् आयाक्‍किल्‍ले़ आनिॽ से़क्‍खाबा हिङ्‌मन् खोमा फाॽआङ् खे़न् हे़न्‍थिम्‍मिल्‍ले़ कुयुक्‍को तामा पोङ्‌लो॥

खासे़न्‍लोःम्‍बा 14:17

कर साभःङ्‌जाःल्‍ले़न् नुसि ये़न् मे़म्‍माःत्ते थारिक् खे़न् खुने़ॽ कुदगि चक्‍मे़ल्‍लॽए हाबे़आङ् युङे़॥ कल्‍ले़चोगुल्‍ले़ नुसिगेक्‍पा ये़न्‍नो खे़न् साॽरिक् हादिङ् थक्‍ते़बाल्‍ले़ चोगुल्‍ले़ खुने़ॽ कुमेःत्तिन् चे़क्‍तु, हे़क्‍क्‍याङ् खुने़ॽ कुमनाहाॽ चे़क्‍तुसि॥