लुका 18:3 - लिम्‍बु

³ हे़क्‍क्‍याङ् हाबा खे़न् ये़क्‌यक्‍को मेमेदुमाधिक्‍काङ् वये़॥ खे़न् ए़त्‍ले़ङ् खासे़न्‍लोःम्‍बाल्‍लो त्‍ये़र आप्‍तिक् याप्‍मि के़गुःप्‍पाल्‍ले़ कुदक्‍ले़ङ्‌वाओ खासे़न् लोःन्‍दाङ् पिराङ्‌ङे़ॽ फाॽआङ् मे़त्तुर वये़रो॥

लुका 18:3 Referans Kwoze

यसैया 1:17

नुबा याःम्‍बक् चोःक्‍मा हुॽआसिम्‍मे़ॽओ! खे़निॽ ले़प्‍माङ् खासे़न् कोःत्ताम्‍मे़ॽओ, तुक्‍खे मे़जाःत्तुसि ताप्‍फे़ःल्‍लिक् मे़मे़त्तुसिबाहाॽ आःन्‍छिङ्‌मा पिराम्‍सिम्‍मे़ॽओ, ये़त्‍छाबा ये़त्‍छामाहाॽ से़ःप्‍ताम्‍सिम्‍मे़ॽओ, ये़म्‍बा के़सिमा मेमेदुमाहाॽरे़ खुन्‍छिॽ लागि पाराम्‍मे़ॽओ॥

साम्‌योथिम् इङ् 27:19

‘वेॽ लाजेॽबा, ये़त्‍छाबा ये़त्‍छामा नु मेमेदुमाहाॽरे़ कुदोःप्‍मा खासे़न् मे़न्‍लोःम्‍मनाबा मनान् साङ्‌ग्रा थाररो॥’ खे़ब्‍याङ् के़रे़क्‍ले़ ‘आमिन्!’ मे़बाःत्तुररो॥

यर्मिया 5:28

खे़ङ्‌हाॽरे़ साॽरिक् मे़जआङ् मे़ॽरुसिआङ् मे़वाॽरो॥ खे़ङ्‌हाॽरे़ खुन्‍छिॽ फे़न्‌याःम्‍बक्‍हाॽरे़ कुनुप्‍मा होप्‍लो॥ खे़ङ्‌हाॽरे़ ये़त्‍छाबाहाॽरे़ खुन्‍छिॽ खोमा लक्‍किन् मे़नाप्‍तुसिरो, याङ्‌गे़साॽबाहाॽ कुदोःप्‍मा खासे़न् मे़न्‍लोःन्‍दुन् मे़म्‍बिरुसिन्‍लो॥

अयुब 29:13

तुक्‍खेःल्‍ले़ सिमालिङ्‌धो के़गे़प्‍पाहाॽरे़ आङ्‌गाॽ मुॽइसाम् मे़बिराङ्‌लो॥ आङ्‌गाॽ मेमेदुमाहाॽ के़सःप्‍माआङ् साम्‍गे़लोमा चोगुङ्‌सिङ्‌लो॥

अयुब 22:9

खे़ने़ॽ मेमेदुमाहाॽ कुभाॽ पिमासि के़न्‍दे़न्‍दे़न्‍लो॥ खे़म्‍म्‍याक्‍लक् मेःन्, ये़त्‍छाबाहाॽआङ् खे़ने़ॽ तुक्‍खे के़जाःत्तुसिरो॥

मत्ति 5:25

“आप्‍तिक् के़गुःप्‍पाल्‍ले़ खे़ने़ॽ खासे़न्‍दे़न्‍नो तेॽमानुःल्‍ले़ तगि खुने़ॽनु नादङ् चोगे़ॽओ, मेःन्‍ने़ फाॽग्र खे़ने़ॽ खासे़न्‍लोःम्‍बाल्‍लो के़देॽआङ् खासे़न्‍लोःम्‍बाल्‍ले़ तिलिङ्‌गाहाॽरो हुक्‍के़सुप्, हे़क्‍क्‍याङ् खे़ङ्‌हाॽरे़ पुङ्‌लाहिम्‍मो के़म्‍साक्‍लो॥

लुका 18:2

“थिक् ये़क्‌यक्‍को लत्‍थिक् निङ्‌वाॽफुमाङ्‌नु मे़ङ्‌गिःम्‍नाबा, आत्तिन् मनाःन्‍नाङ् इङ्‌धाङ् मे़म्‍बिमनाबा खासे़न्‍लोःम्‍बाधिक् वये़रो॥

लुका 18:4

हे़क्‍केःल्‍ले़ तगिग खे़न् खासे़न्‍लोःम्‍बाल्‍ले़ कोजाक् मे़मे़त्तुन्, कर याङ्‌सि अक्‍खेलॽरिक् कुनिङ्‌वाॽओ इःत्‍छिङ्, ‘इङ्‌गाॽग निङ्‌वाॽफुमाङ्‌ङिन्‍नुआङ् मे़गिआन्, आत्तिन् मनाहाॽआङ् इङ्‌धाङ् मे़बिरुङ्‌सिङ्‌ङिन्,

लुका 18:5

कर कन् मेमेदुमान् खासे़न् मे़लोःन्‍दुङ्‌ङिन् मे़बिरुङ्‌ङिन्‍ने़ फाॽग्र ए़त्‍ले़ङ् साॽरिक् तुक्‍खे चाःत्ताआङ् से़त्ताबा पोःक्‍खे़॥ आल्‍ल खे़न् खासे़न् लोःम्‍मा पिमा पोःक्‍खे़रो॥’”