“हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽथाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोसु मे़सुरुआङ् मे़वाॽरो॥
लुका 18:11 - लिम्बु11 खे़न् फरिसिन् एःक् ये़म्सिङ्ङाङ् तुवा चोगु, ‘निङ्वाॽफुमाङ्ङे, इङ्गाॽ नोगे़न् पिने़रो, थेआङ्भे़ल्ले़ इङ्गाॽ वेॽसमा मनाहाॽ हे़क्के, साक्के़ल्ले़क्काङ् याङ् के़भोङ्बा, मना ताप्फे़ःल्लिक् के़मे़प्पा, चाराम्मा याःम्बक् के़जोःक्पा, हे़क्क्याङ् कन् एःङ्याङ् के़भोङ्बा हे़क्के इङ्गाॽ मे़जोःक्कान्लो॥ Gade chapit la |
लुका 18:11
26 Referans Kwoze
हे़क्क्याङ् वेॽ मनाहाॽ खे़ङ्हाॽरे़ मे़मे़त्तुसिरो, ‘खे़निॽ आनिगे पेसाङ् मे़द्ये़म्मिन्ने़ॽओ॥ खे़निॽनुःल्ले़ आनिगे सेसेबा चोगिगे़रो!’ हे़क्तङ्बा मनाहाॽ नासिथःप्मा मे़सुक्कासिङ्ङिन्लो, खे़ङ्हाॽ आङ्गाॽ आलागि ले़न्दिक् नाम्धाधा के़हाॽबा हे़क्क्याङ् निङ्ले़ॽले़ॽ के़लॽबा मिःक्खोॽ हे़क्तङ्बासिरो॥
हे़क्क्याङ् खिनिॽ तुवा के़जोगुम्मिल्ले़ आत्तिन् मनाःल्ले़ कुदक्ले़ङ्वाओ खिनिॽ निङ्वाॽ तुगे़आङ् वाॽ, खे़न्निन् ले़प्मि पिरे़म्मे़ॽओ॥ हे़क्केलॽरिक् साङ्ग्राम्पेदाङ्ङो के़वाॽबा खिनिॽ पानुदिङ् पा निङ्वाॽफुमाङ्ङिल्ले़आङ् खिनिॽ लायोन् ले़प्मि के़बिरिॽरो॥ (कर खिनिॽ ले़प्मि के़म्बिरुम्मिन्ने़ फाॽग्र साङ्ग्राम्पेदाङ्ङो के़वाॽबा खिनिॽ पानुदिङ् पा निङ्वाॽफुमाङ्ङिल्ले़आङ् खिनिॽ लायोन् ले़प्मि के़म्बिरिन्लो॥)”
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
हे़क्केलॽरिक् आङ्गाॽ आमनाहाॽ ये़क्ये़क्पा मे़ले़ङ्सिङ्ङाङ् खे़ने़ॽ के़दगि मे़युङ्सिङ्ॽ॥ खे़ने़ॽ के़बाःन्हाॽ खे़ङ्हाॽरे़ मे़घे़प्सुॽ, कर खे़ङ्हाॽरे़ खे़ने़ॽ के़बाःत्तुबा हे़क्के चोःक्मा निङ्वाॽ मे़ङ्गत्तुन्ॽ॥ खे़ङ्हाॽरे़ खुन्छिॽ मुरान् मुर्ले़ःम्बा पाःन्निल्ले़ के़दिम्बा चोक्, हे़क्क्याङ् खे़ङ्हाॽरे़ याङ् खोमारक् निङ्वाॽ मे़जोगु॥
“आङ्गाॽ यहवे दाङ्बे़ल्ले़ मे़त्निङ् खिनिॽ आबाङे लागि के़जोगुम्सिम्बा साम्माङ्हाॽ आत्तान् मे़वाॽबे? ये़त्तुक्खेओ खिनिॽ के़ध्ये़ॽइल्ले़ खे़ङ्हाॽरे़ मे़सुक्तुने़भग्र खिनिॽ ताङ्के़म्से़ःप्तिररो॥ यहुदाए, खे़ने़ॽ के़ये़क्यक्हाॽ यरिक् मे़ने़रो, खे़म्म्याक्के यरिक् खे़ने़ॽ के़माङ् साम्माङ्हाॽआङ् मे़वाॽरो॥
थेआङ्भे़ल्ले़ खे़ङ्हाॽरे़ आङ्गाॽ थिक्याःन्धक् मे़गोःत्तारो, आत्तिन् पाःन्निन् नुबा चोक् खे़न् के़जोःक्पा नु आबाङे निङ्वाॽफुमाङ्ङिल्ले़ कुइङ्जाङ्ङिन् मे़म्भेःम्मनाबा कर आङ्गाॽ आलाम्मिन् नाःप्मा कुसिङ् निःप्मा निङ्वाॽ के़जोःक्पा सुवाङ् हे़क्तङ्बाए खे़ङ्हाॽ निमे़दे़त्लो॥ खे़ङ्हाॽरे़ कुदोःप्मा निङ्वाॽ निःन्धोरे़ पाःन्हाॽ मे़नाःक्कारो, हे़क्क्याङ् निङ्वाॽफुमाङ्ङिन् खे़ङ्हाॽरे़ खुन्छिॽ निःत्ताङ् तार फाॽआङ् खुन्छिॽ निङ्वाॽ इगेःक् लॽबा निदे़त्लो॥
Piblisite