लुका 18:1 - लिम्‍बु

¹ हे़क्‍क्‍याङ् ये़सुरे़ कुहुॽसाम्‍बाहाॽ चक्‍मे़ल्‍लॽए तुवा चोःक्‍मा पोङ्, आप्‍फाल्‍ले़आङ् निङ्‌वाॽ सोःम्‍मा मे़नुॽने़न् लॽरिक् हुॽमासि फाॽआङ् लत्‍छा खे़दाॽ मे़त्तुसि॥

लुका 18:1 Referans Kwoze

कलस्‍सि 4:2

चक्‍मे़ल्‍लॽए निङ्‌वाॽफुमाङ्‌ङिन् नोगे़न् पिरे़म्‍मे़ॽर सिङ्‌सिङ् ये़क्‌ये़क्‍काङ् तुवा चोगे़म्‍मे़ॽओ॥

रोमि 12:12

खिनिॽ निङ्‌साङ् के़जोगुम्‍बाल्‍ले़ चोगुल्‍ले़ सःत्ते़म्‍मे़ॽओ, इनोगे़न् तुक्‍खे के़ज्‍ये़ॽइल्‍ले़ नासि थःत्ते़म्‍मे़ॽओ, तुवा चोःक्‍मा मे़ले़रे़म्‍मिन्‍ने़ॽओ॥

१ थिस्‍सलोनिकि 5:17

चक्‍मे़ल्‍लॽए तुवा चोगे़म्‍मे़ॽ,

फिलिप्‍पि 4:6

आत्तिन् पाःन्‍नोआङ् निङ्‌साम्‍मो मे़ध्‍ये़म्‍मिन्‍ने़ॽओ, कर के़रे़क् पाःन्‍हाॽरे़ लागि निङ्‌वाॽफुमाङ्‌ङिन् नोगे़न् पिरे़म्‍मे़ॽर तुवा नु ये़क्‍पेलिलाम्‍बा निङ्‌वाॽफुमाङ्‌ङो खिनिॽ पेलिहाॽ तोःन्‍दे़म्‍मे़ॽओ॥

एफिसि 6:18

के़रे़क् ये़म्‍हाॽओ के़रे़क् परिक्‍ले़न् तुवा नु ये़क्‍पेलिहाॽ सेसेमाङ्‌ङिल्‍ले़ लाम्‍गे़लोसिबा कुइसिक् तुवा चोगे़म्‍मे़ॽ॥ कन् पाःन्‍निन् निङ्‌वाॽ इःत्ते़म्‍मे़ॽर सिङ्‌सिङ् ये़क्‌ये़क्‍काङ् निङ्‌वाॽफुमाङ्‌ङिल्‍ले़ सेसे कुमनाहाॽरे़ लागि तुवा चोःक्‍मा पिमासि मे़ले़रे़म्‍मिन्‍ने़ॽओ॥

यर्मिया 29:12

खे़ब्‍याङ् खिनिॽ आङ्‌गाॽ याप्‍मि निङ्‌वाॽ के़इःत्तिॽ॥ खिनिॽ आङ्‌गाॽओ के़द्‌ये़ॽइआङ् तुवा के़जोगुम् हे़क्‍क्‍याङ् आङ्‌गाॽ खिनिॽ नुगप् पिनिङ्‌ॽ॥

लुका 21:36

के़रे़क् ये़म्‍मो आप्‍फाल्‍ले़साङ् कन् के़दाबा पाःन्‍नोलाम् खे़त्‍छिङ्‌मा पेःक्‍मा मुक्‍साम् के़घोसुम्‍ल हे़क्‍क्‍याङ् मे़न्‍छाम्‍साःल्‍ले़ कुदगि ये़प्‍मा के़सुक्‍पा के़बोःक्‍खिर फाॽआङ् सिङ्‌सिङ् लॽरे़म्‍मे़ॽर तुवा चोगे़म्‍मे़ॽओ॥”

गलाति 6:9

आनिॽ नुबा याःम्‍बक् चोःक्‍माओ नाःस्‍सि मेःन्‍लो, थेआङ्‌भे़ल्‍ले़ नुबा याःम्‍बक् चोःक्‍मा आल्‍ले़रुम्‍मिन्‍ने़ फाॽग्र सुये़म्‍मो आनिॽ मुॽइसाम् आसुप्‍सुम्‍लो॥

निङ्‌वाॽफु साम्‍लोसुम् 86:3

यहवे दाङ्‌बाए, लुङ्‌माॽ तुक्‍ताङ्‌ङे़ॽओ, थेआङ्‌भे़ल्‍ले़ ले़न्‍दिक् नाम्‍धाधा पेलि फाक्‍ने़रो॥

निङ्‌वाॽफु साम्‍लोसुम् 102:17

खुने़ॽ याङ्‌गे़साॽहाॽरे़ पेलि मे़भाक्‍तुबान् खे़प्‍सुरो, हे़क्‍क्‍याङ् खे़ङ्‌हाॽरे़ मे़जोगुबा तुवाओ निङ्‌वाॽ पिरुरो॥

२ कोरन्‍थि 4:1

हे़क्‍केःल्‍ले़ निङ्‌वाॽफुमाङ्‌ङिल्‍ले़ कुलुङ्‌गुम्‍लाम् कन् माङ्‌से़वान् खोसुम्‍बे़आङ् वयिगे़बाल्‍ले़ चोगुल्‍ले़ आनिगे निङ्‌साङ् मे़बुक्‍ने़न्‍लो॥

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

योना 2:7

आङ्‌गाॽ आयाम्‍साम्‍मिन् पेर पत्‍छे़रो हे़क्‍केःल्‍ले़ यहवे दाङ्‌बाए आङ्‌गाॽ खे़ने़ॽ पेलि फाक्‍ने़रो हे़क्‍क्‍याङ् के़सेसे माङ्‌हिम्‍मो आबेलिगे़न् तुवान् के़घे़प्‍सुरो॥

निङ्‌वाॽफु साम्‍लोसुम् 65:2

थेआङ्‌भे़ल्‍ले़ निङ्‌वाॽफुमाङ्‌ङे, आनिगे चोगुम्‍बे़बा तुवान् खे़ने़ॽ के़घे़प्‍सुरो, खे़ने़ॽओ के़रे़क् मनाहाॽ मे़दारो॥

निङ्‌वाॽफु साम्‍लोसुम् 27:13

आल्‍लो कुहिङ्‌वे़त्‍हाॽरे़ खुनिॽ लाजेॽओ वाॽआल्‍ले़ के़नुॽबा यहवे दाङ्‌बान् निसुङ् के़लॽबा आनिङ्‌वाॽ वाॽरो॥

यसैया 40:31

कर यहवे दाङ्‌बे़ल्‍ले़ कुलाम् ओगे़मे़प्‍पाहाॽ याम्‍मो के़धुम्‍बा मे़बोङ्‌लो, खे़ङ्‌हाॽ कक्‍कफिःक्‍मा हे़क्‍के थाःङ्‌धाःङ् मे़बे़रो॥ हे़क्‍क्‍याङ् मे़लोःक्‍साङ् मे़न्‍नाने़ल्‍लो, खे़ङ्‌हाॽ लाङ्‌मे़घेःक् हे़क्‍केसाङ् खुन्‍छिॽ थना मे़ले़ङ्‌ने़ल्‍लो॥

यसैया 62:7

यरुसले़म ये़क्‌यक्‍किल्‍ले़ याम्‍मो चोगुआङ् के़रे़क् इक्‍सादिङ् खाम्‍बेःक्‍माल्‍ले़ खे़न् कुनारा फोमा के़लाॽबा ये़क्‌यक् मे़न्‍जोःक्‍के थारिक् खे़ङ्‌हाॽरे़ यहवे दाङ्‌बान् नाःम्‍सिङ्‌मा मे़म्‍भाःक्‍तुल्‍लो॥

१ सामुए़ल 1:12

हे़क्‍केलॽरिक् हन्‍नाःल्‍ले़ यहवे दाङ्‌बाल्‍ले़ कुदगि चक्‍मे़न्‍लॽए इरिक् थारिक् पेलिगे़न् तुवा चोगु, कर एलिःल्‍ले़ हन्‍नाःल्‍ले़ कुम्‍ब्रा मुसिक् मुसिक् मुन्‍दे़बाल्‍लक् स्‍वाःत् ओमे़त्तु॥

लुका 11:10

थेआङ्‌भे़ल्‍ले़ हाःत्‍ले़ नाःक्‍तुॽ, खे़ल्‍ले़ खोसुॽ, हे़क्‍क्‍याङ् हाःत्‍ले़ कोःत्तुॽ, खे़ल्‍ले़ याङ्‌घुॽ, हे़क्‍क्‍याङ् हाःत्‍ले़ लाम्‍धेःप्‍पे़न् खक्‍खक् मे़त्तुॽ, खे़ल्‍ले़ कुलागि लाम्‍धेःप्‍पे़न् हन्‍लो॥