कर यहवे दाङ्बाल्ले़ सामुए़ले़न् मे़त्तु, “नुबादाबा नु केःम्बा चोःक्साङ् खे़न् ओमे़मे़त्ते़न्ने़ॽ, थेआङ्भे़ल्ले़ आङ्गाॽ खे़न् नाॽरुङ्ङाङ् वाॽ॥ यहवे दाङ्बाल्ले़ मना हे़क्के ओमे़मे़त्तुसिन्॥ मनाहाॽरे़ नारा ओमे़मे़त्तुआङ् निङ्वाॽ मे़इःत्तु, कर यहवे दाङ्बाल्ले़ सिक्लुङ्मे़न् ओमे़त्तुआङ् याःम्बक् चोगु॥”
लुका 16:15 - लिम्बु15 ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निमाओ यम्लाबा चोक्, खे़न् निङ्वाॽफुमाङ्ङिल्ले़ कुनिमाओ सिक्के़ले़ःङ्बा चोक्लो॥ Gade chapit la |
लुका 16:15
40 Referans Kwoze
खे़ल्ले़चोगुल्ले़ दाङ्बाल्ले़ कुनुःङ्मा युःमा ये़म्मिन्नुःल्ले़ तगि वेॽहाॽ खासे़न् मे़लोःन्दे़म्सिम्मिन्ने़ॽ, खुने़ॽए खादाम्मोबा फे़न् पाःन्हाॽ से़न्दाङ्गे़न् ओःत्तिओ तारुॽ हे़क्क्याङ् मे़न्छाम् निङ्वाॽओबा सिबिॽ पाःन्हाॽआङ् ओसेःन्दाङ् चोगुॽरो॥ खे़न् ये़म्मोए के़रे़क्ले़ निङ्वाॽफुमाङ्लाम् खुनिॽ ने़म्भोगे़न् नारा फोमान् मे़घोसुॽरो॥
आङ्गाॽ आनिङ्वाॽफुमाङ्ङे, आदाङ्बारे़ सिक्कुम् निङ्वाॽ के़साॽरु फाॽआङ् आङ्गाॽ निसुङ्ॽ, हे़क्क्याङ् कुदोःप्मा निङ्वाॽ के़गप्पालाम् आदाङ्बारे़ के़निङ्वाॽ तारो॥ से़क्खाबा निङ्वाःल्ले़ आङ्गाॽ आप्फेक् आनिङ्वाॽओलाम् कन् के़रे़क् हुक्वाहाॽ आङ्गाॽ आसिक्लुङ्मोलाम् आदाङ्बारे़ॽओ तोःन्दुङ्ङाङ् वाॽ॥ हे़क्क्याङ् आल्ल कप्मो के़वाॽबा आदाङ्बारे़ के़मनाहाॽरे़ खुन्छिॽ आप्फेक् निङ्वाॽओलाम् हुक्वा मे़दोन्दुबा निसुङ्ङिल्ले़ आङ्गाॽ आनिङ्वाॽओ सःत्तारो॥
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
खिनिॽ थाङ्बे़न्सासे, सेसेहुप्लक्कोबा तुम्लाम्लोबाहाॽरे़ खुनिॽ युक्को वाॽमा पोङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
खे़न् फरिसिन् एःक् ये़म्सिङ्ङाङ् तुवा चोगु, ‘निङ्वाॽफुमाङ्ङे, इङ्गाॽ नोगे़न् पिने़रो, थेआङ्भे़ल्ले़ इङ्गाॽ वेॽसमा मनाहाॽ हे़क्के, साक्के़ल्ले़क्काङ् याङ् के़भोङ्बा, मना ताप्फे़ःल्लिक् के़मे़प्पा, चाराम्मा याःम्बक् के़जोःक्पा, हे़क्क्याङ् कन् एःङ्याङ् के़भोङ्बा हे़क्के इङ्गाॽ मे़जोःक्कान्लो॥
“हे़क्क्याङ् खिनिॽ चाने़त् के़युङ्ङिल्ले़ निङ्वाॽ के़जिःप्पाहाॽ कुइसिक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोसुर फाॽआङ् खुनिॽ नारान् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोसु मे़सुरुआङ् मे़वाॽरो॥
“हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽथाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोसु मे़सुरुआङ् मे़वाॽरो॥
हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निसुआङ् खुनिॽ नारा मे़भोसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोसु मे़सुरुआङ् मे़वाॽ॥
हे़क्क्याङ् याम्मो ये़सुरे़ सुम्ले़ङ्ङो पत्रुसे़न् सेःन्दोसु, “युहुन्नारे़ कुस्सा सिमोने, इङ्गाॽ मिःम्जि के़मे़त्ताबि?” अक्खेलॽरिक् ये़सुरे़ सुम्ले़ङ् थारिक् “इङ्गाॽ मिःम्जि के़मे़त्ताबि” लॽरिक् सेःन्दोसुबाओ पत्रुसरे़ कुनिङ्वाॽ तुगे़र मे़त्तु, “ओरो, आदाङ्बे, खे़ने़ॽग काक् पाःन्हाॽ के़निसुॽरो॥ इङ्गाॽ से़क्खाए खे़ने़ॽ मिःम्जि मे़त्ने़बान् खे़ने़ॽ के़निसुॽरो॥” ये़सुरे़ खे़न् मे़त्तु, “आमे़ल्लुक्हाॽ चालाम्से़से़ॽओ॥
हे़क्क्याङ् खे़ङ्हाॽरे़ अक्खेलॽरिक् मे़बाःत्तुर तुवा मे़जोगु, “आदाङ्बे, खे़ने़ॽग मे़न्छाम्गे़न् याप्मिरे़ खुनिॽ सिक्लुङ्मोबा पाःन्निन् के़निसुॽरो॥ कन् सेःक्युक्मिबा माङ्से़वा लक्किन् चोःक्मा फाॽआङ् यहुदाःल्ले़ कुले़क्वा कन् ने़प्फुओ के़सेगुबा मनान् ओसेःन्दाङ् चोगे़ॽओ, थेआङ्भे़ल्ले़ यहुदाःल्ले़ खे़न् ले़रुआङ् लाॽरुबा कुलाम्मो पेरो॥”
Piblisite