लुका 15:16 - लिम्‍बु

¹⁶ हे़क्‍क्‍याङ् खे़न् आत्तिल्‍ले़आङ् चामा थुङ्‌मा मे़म्‍बिरुन्‍निल्‍ले़ खे़ल्‍ले़ फाक्‍चान् चामा निङ्‌वाॽ चोगुरो॥

लुका 15:16 Referans Kwoze

होसे 12:1

इफ्राइम्‍मिन् चक्‍मे़ल्‍लॽए सुरित् केजङ् चाःत्‍छिङ्‌ल, खे़ल्‍ले़ के़रे़क् ये़न् नाङ्‌गे़न् पिसाङ्‌बा सुरित्ते़न् नाःत्तुरो, हे़क्‍क्‍याङ् खे़ल्‍ले़ इङ्‌ले़क् नु मनासे़प्‍मा याःम्‍बक्‍हाॽ फोसुरो॥ खे़ल्‍ले़ अस्‍सुरे़न्‍नु नादङ् चोगुरो, खे़ब्‍याङ् मिस्रओ चैतुन निःङ्‌गेॽइन् हाङुरो॥

मे़रिङ् साप्‍पन् 4:5

कुजा के़नुॽबा कुजा के़जाबाहाॽ आल्‍ल माराम्‍हाॽओ थेधिक्‍काङ् मे़ङ्‌गप्‍मनाबा याङ्‌गे़साॽबा मे़बोःक्‍खे़आङ् मे़वाॽरो, पारान्‍ला तेत् के़जाङ्‌बाआङ् के़बोबाहाॽ आल्‍लो खाप्‍पु के़लुम्‍सिङ्‌बादे़न्‍नो मे़ने़ मे़गन्‍लो॥

यसैया 44:20

खे़ल्‍ले़ खाप्‍पुःन् चरो, इङ्‌ले़क्‍के निङ्‌वाःल्‍ले़ खे़न् मुयःक् चोगुरो॥ खे़ल्‍ले़ कुसक्‍मा साम्‍मिन् से़ःप्‍मा मे़सुक्‍तुन्‍लो, अक्‍खे पाःप्‍माआङ् मे़सुक्‍तुन्‍लो, “थे आङ्‌गाॽ आजुक्‌वा हुक्‍को के़वाॽबा पाःन्‍निन् इङ्‌ले़क्‍केग मेःम्‍बि?”

निङ्‌वाॽफु साम्‍लोसुम् 142:4

आङ्‌गाॽ आबेसाङ् याप्‍मि के़भाॽबा मनाहाॽ कोःत्तुङ्‌सिङ्‌लो, कर याप्‍मि कम्‍ब्राङ् के़मे़प्‍पा मना आत्तिन्‍हाॽआङ् मे़होप्‍लो, आङ्‌गाॽ आइःम्‍सिङ्‌दे़न् आत्तिआङ् होप्‍लो, आङ्‌गाॽ हाःत्‍ले़आङ् निनि मे़ल्‍लाप्‍पाल्‍लो॥

यसैया 57:3

यहवे दाङ्‌बे़ल्‍ले़ पाःत्तुरो, “कर माङ्‌देःम्‍मे़ल्‍ले़ कुस्‍सासे, हे़क्‍क्‍याङ् याम्‍बोःप्‍मा याःम्‍बक् के़जोःक्‍मा नु फे़क्‍के़लाॽमे़ल्‍ले़ कुधिन्‍दाङ् सायोबोरासे, कॽयो त्‍ये़म्‍मे़ॽओ!

यसैया 55:2

खरे़ःङ् मेःम्‍बा पाःन्‍नो थेआङ् याङ् चागे़सोःक्‍खुम्‍बाबे? हे़क्‍क्‍याङ् सिक्‍मे़न्‍एःप्‍मनाबा पाःन्‍नो थेआङ् स्‍याङ्‌मे़न्‍दाङ् याःम्‍बक् के़जोगिबाबे? नुरिक्‍काङ् खे़प्‍साम्‍मे़ॽ, सिङ्‌सिङ् ये़क्‌ये़क्‍काङ् आबाःन्‍निन् खे़प्‍साम्‍मे़ॽओ, खे़ब्‍याङ् आत्तिन् कुजान् नुबा चोक् आम्‍भा खे़न् चाम्‍मे़ॽओ, हे़क्‍केलॽरिक् कुजागे़नुॽबा कुजाहाॽ के़जाम्‍माङ् खिनिॽ सक्‍मासाम्‍मिन् कुनिङ्‌वाॽ तारो॥

निङ्‌वाॽफु साम्‍लोसुम् 73:22

आङ्‌गाॽग अदङ् कुइसिक् पोःक्‍खाङ्‌ङाङ् आनिङ्‌वाॽ पाःक्‍ते़आङ् वयाङ्‌लो, हे़क्‍क्‍याङ् खे़ने़ॽ के़दगि थक्‍सा कुइसिक् आङ्‌गाॽ पोःक्‍खाङ्‌ङाङ् वयाङ्‌लो॥

मत्ति 7:6

“सेसे चिगक्‌वान् ख्‍याबाहाॽ मे़बिरे़म्‍सिम्‍मिन्‍ने़ॽ, मेःन्‍ने फाॽग्र खे़ङ्‌हाॽ हिल्‍लिक् मे़हिसिङ् हे़क्‍क्‍याङ् के़म्‍भत्तिॽआङ् के़म्‍हाॽरिरो॥ हे़क्‍क्‍याङ् फाक्‍हाॽरे़ खुनिॽ तगि ते़क्‍सेःक्‍किन् मे़से़से़म्‍मिन्‍ने़ॽओ, खे़ङ्‌हाॽरे़ मे़दोॽरु मे़लाःक्‍तुॽरो॥”

लुका 15:15

हे़क्‍केःल्‍ले़ खुने़ॽ हाबा खे़न् लाजेॽओबा थिक् मनाःल्‍लो याःम्‍बक् चोःक्‍से़ पेआङ् खे़न् मनाःल्‍ले़ खुने़ॽ फाक्‍चा पिमा याःम्‍बक्‍को फत्‍छु॥

लुका 15:17

“हे़क्‍क्‍याङ् खुने़ॽ कुनिङ्‌वाॽ सेरे़आङ् अक्‍खेलॽरिक् इःत्‍छिङ्, ‘आम्‍बारे़ कुहिम्‍मोग कुसे़वारोबाहाॽरे़ खाघा मे़ज मे़धुङुर मे़नन्‍छुॽ, कर इङ्‌गाॽग कप्‍मो साक्‍किल्‍ले़ सिमा इःत्ताङ्‌लो॥

अयुब 30:4

खे़ङ्‌हाॽरे़ मुरे़क् खारे़क्‍पा ये़ःङ्‌घादे़न्‍नो याःन्‍सुङ्‌हाॽ मे़आःक्‍खुआङ् मे़जरो, खे़ङ्‌हाॽरे़ याङ्‌बे़न्‍निल्‍ले़ कुबुङ्‌ङिल्‍ले़ कुसाःप्‍हाॽआङ् मे़ल्‍ले़रुन्‍लो॥