Biblia Todo Logo
Bib sou entènèt

- Piblisite -




लुका 15:13 - लिम्‍बु

13 थिक्‌ये़न् निये़न् एगाङ् कुस्‍सा फोॽबाल्‍ले़ कुलक्‍को के़धाबा याङ्‌साकुन्‍धेहाॽ के़रे़क् कक् मे़त्‍छिङ्‌ङाङ् माःङ्‌घा लाजेॽओ पेरो॥ खे़प्‍मो खे़ल्‍ले़ कुयाङ्‌साकुन्‍धेहाॽ हने़ ए़ःत्‍ले़ले़ लॽमा नु चामा थुङ्‌माओ च माःन्‍दुरो॥

Gade chapit la Kopi




लुका 15:13
35 Referans Kwoze  

यहवे दाङ्‌बे़ल्‍ले़ अक्‍खे पाःत्तुरो— “के़धाःक्‍थे़बाहाॽरे़ आङ्‌गाॽ आदक्‍ले़ङ्‌वाओ ताप्‍फे़ःम्‍बा पान् थे मे़घोसुबे? थे़मा पाःन्‍निल्‍ले़ चोगुल्‍ले़ खे़ङ्‌हाॽ आङ्‌गाॽलाम्‍बा माःङ्‌घा मे़बोःक्‍खे़बे? खे़ङ्‌हाॽरे़ थेनाधेबा नावाइत्‍लाहाॽ से़वा मे़मे़त्तुसिरो हे़क्‍क्‍याङ् आबाङेआङ् हने़बा मे़बोःक्‍खे़रो॥


सिक्‍कुम्‍निङ्‌वा कुसिराॽगे़धाङ्‌बा मनाःल्‍ले़ कुम्‍बा कुनिङ्‌वाॽ तासुरो, कर ये़म्‍बा हङ्‌जेनाहाॽनु के़वाॽबे़ल्‍ले़ याङ्‌साकुन्‍धेन् हने़ मे़क्‍खुरो॥


सुक्‍खेवाओ वाॽमा कुसिराॽ के़धाङ्‌बे़न् याङ्‌गे़साॽबा पोङ्‌लो, चे़ल्‍ले़क्‍से थि नु, जैतुन निःङ्‌गेॽ कुसिराॽ के़धाङ्‌बे़न् आभे़ल्‍ले़आङ् याङ्‌साकुन्‍धेसाबा मे़बोङ्‌ने़न्‍लो॥


साम्‌योथिम् इङ्‌जाङ् के़इःप्‍पा के़नाःप्‍पे़ङ्‌ग खासिङ् के़निःप्‍पा सारो, कर तःक्‍थे़ःक्‍क्‍याःन्‍नु तेःङ्‌जुम् के़मे़त्‍छिङ्‌बा साःल्‍ले़ आप्‍फेक् कुम्‍बारे़ कुजाःत्‍थि पेःक्‍मा पान् तारुरो॥


ये़सुरे़ याम्‍मो मे़त्तुसि, “उन्‍छेःन् थिक्‍ले़ङ् याङ्‌साकुन्‍धेसाबाधिक् वये़॥ खे़ल्‍ले़ परान्‍ला तेत् चाक्‍खुर थिक्‌याःन्‍धक् चामुक् थिमुक् चर वये़॥


ये़सुरे़ कुहुॽसाम्‍बाहाॽ कन् खे़दाॽइन्‍नाङ् मे़त्तुसि, “याङ्‌साकुन्‍धेसाबा मनाधिक् वये़॥ खे़ल्‍ले़ कुहिम् कुधाःङ् ओमे़प्‍मा खारात् के़युङ्‌बाधिक् कत्तु॥ कर हाराए मनाहाॽरे़ खे़ल्‍ले़ कुन्‍दाङ्‌बान् कन् खारात् के़युङ्‌बाल्‍ले़ के़याङ्‌सा कुन्‍धेहाॽ पिर्बेःन् चोगुर पत् लॽरिक् चे़ॽयापान् मे़जे़क्‍तु॥


कर कन् के़स्‍साःल्‍ले़ खे़ने़ॽ के़याङ्‌सा कुन्‍धेहाॽ के़त्‍निमाहाॽनु ए़ःत्‍ले़ले़ लॽमाओ के़रे़क् माःन्‍दु॥ कर खुने़ॽ नुःक्‍खे़ त्‍ये़ःल्‍ले़ खे़ने़ॽ चालुप्‍मनाबा थक्‍सान् के़से़रुआङ् चामुक् थिमुक् के़से़सुरो॥’


“आमनासे, आङ्‌गाॽ खिनिॽ थे मे़त्‍निङ्‌बे? आक्‍खेलॽरिक् खिनिॽ कक् कुःत्‍निङ्‌ङाङ् वाॽबे? आङ्‌गाॽ याप्‍मि नुगप् आबिरे़म्‍मे़ॽओ॥


कन् थाःक्‍कोबा इस्राइलबा मनासे, यहवे दाङ्‌बे़ल्‍ले़ कन् कुइङ्‌घङ्‌ङिन् निङ्‌वाॽ इःत्ताम्‍मे़ॽओ॥ थे आङ्‌गाॽ खिनिॽ लागि लत्‍छा मुरे़क् खारे़क्‍पा ये़ःङ्‌घादे़न् पोःक्‍खाङ्‌बि? इग्र थे खागे़माक्‍पा लाजेॽ कुसिङ्‌बा पोःक्‍खाङ्‌बि? हे़क्‍केःल्‍ले़ थेआङ् खिनिॽ आनिगे आप्‍फेक् निङ्‌वाॽ तादा चोगुम्‍बे़ खे़ब्‍याङ् याम्‍मो खे़ने़ॽओ मे़द्‌ये़इगे़न् के़बाःत्तुम्‍बाबे?


थेआङ्‌भे़ल्‍ले़ आङ्‌गाॽ आमनाहाॽरे़ ने़त्‍छि लायो मे़जोगुआङ् मे़वाॽरो— खे़ङ्‌हाॽरे़ आहिङ्‌हिङ्‌बा के़बुम्‍बा च्‍वाःत्तिन् मे़नाॽरुआङ् मे़वाॽरो हे़क्‍क्‍याङ् वागे़युबा के़बेःक्‍पा च्‍वाःत्तिन् थुङ्‌मारे़ लागि वाबाक्‍हाॽ मे़दयुआङ् ने़रो॥’”


खे़ङ्‌हाॽ के़रे़क्‍ले़ मे़बाःत्तुरो, “त्‍ये़म्‍मे़ॽ, आङ्‌गाॽ चे़ल्‍ले़क्‍सेॽ थि ताःप्‍मा आबाङ्‌घे़ॽओ! थिआङ् सुक्‍सुक् थुङुम्‍लो! ताःन्‍दिक्‍काङ् आइन्‍बा ये़न् हे़क्‍केए पोङ्‌लो इग्र आइन्‍नुःल्‍ले़आङ् साॽरिक् नुबा पोङ्‌लो॥”


कन् लाम्‍मिन् ले़रे़म्‍मे़ॽ, कन् माराम्‍मिन् मे़नाःत्ते़म्‍मिन्‍ने़ॽओ, हे़क्‍क्‍याङ् इस्राइलबा सेसेबा निङ्‌वाॽफुमाङ्‌लाम् के़साक्‍पा पान् आनिगे थेआङ् खे़म्‍मा मे़नाःक्‍तुम्‍बे़न्‍लो॥”


कर ओमे़त्ते़म्‍मे़ॽओ, याम्‍नाःम् नु सासाङ् स्रोःत् चोःक्‍मा याःम्‍बक्‍नि पोङ्‌ल पत्‍लो॥ थक्‍साहाॽ मे़ङ्‌मासि नु मे़ल्‍लुक्‍हाॽ से़प्‍मासि, साजामा नु थि थुङ्‌मा याःम्‍बक्‍नि पोङ्‌ल पप्‍पा! खे़निॽ के़बाःत्तुम्, “ल, चाम् थुङुम्‍लो, थेआङ्‌भे़ल्‍ले़ ताःन्‍दिक्‍क आनिॽ आसिएरो!”


नाॽराङ्‌स्‍याङ्, लायोबा सुवाङ्, आप्‍तिक्‍साबा मनाहाॽ, ताप्‍फे़ःम्‍बा याःम्‍बक् के़जोःक्‍पाहाॽरे़ खुन्‍छिॽ साहाॽ, हे़क्‍क्‍याङ् स्‍वाःत्ताङ् सुरुत्‍याङ् के़जाबाहाॽरे़ खुन्‍छिॽ थिन्‍दाङ् सायोबोराहाॽ! खे़ङ्‌हाॽरे़ यहवे दाङ्‌बे़न् मे़नाॽरुआङ् वाॽरो, खे़ङ्‌हाॽरे़ इस्राइलबा सेसेबे़न् कुनामे़न्‍छाॽ मे़मे़त्तुरो हे़क्‍क्‍याङ् एःक्‍मे़मे़त्तुआङ् मे़वाॽरो॥


कुहाप्‍पोलाम् ताप्‍के़बे़ॽबाआङ् के़बेःक्‍पा पुःन् हे़क्‍के हिम्‍मोलाम् माःङ्‌घा के़वाॽबा मनान् ताप्‍के़बे़ॽबा पोङ्‌लो॥


सिक्‍कुम्‍निबे़ल्‍ले़ कुहिम्‍मिन् नुबा कुजा नु निःङ्‌गेल्‍ले़ तिम्‍लो, कर अदङ् मनाःल्‍ले़ खुने़ॽ कत्तुबा के़रे़क् थ्‍यःङ् माःन्‍दुरो॥


आप्‍फेक् कुयाःम्‍बक् चोःक्‍मा कुले़म्‍के़युबा मनान् थ्‍यःङ् आमे़ङ्‌मे़ङ्‌बे़ल्‍ले़ कुन्‍साॽ हे़क्‍तङ्‌बारो॥


थेआङ्‌भे़ल्‍ले़ मनाःल्‍ले़ कुघे़ःक् थिक् खरे़ःङ्‌ङो के़त्‍निमा मे़न्‍छुमान् ताःप्‍मा सुक्‍तुरो, कर ये़म्‍बा हङ्‌जेना मे़न्‍छुमाःल्‍ले़ग के़हिङ्‌मन्‍ने़न् मे़क्‍खुरो॥


हे़क्‍क्‍याङ् आत्तिन्‍हाॽरे़ खे़ने़ॽ के़म्‍ले़त् खे़ङ्‌हाॽ से़क्‍खासाङ् मे़मे़क्‍लो, हे़क्‍क्‍याङ् नसाःन्‍साबा मे़ःम्‍बाहाॽ खे़ने़ॽ के़रे़क् के़मे़क्‍खुसिरो॥


खे़ङ्‌हाॽरे़ग मे़जोगुबा ताप्‍फे़ःम्‍बा याःबक्‍किल्‍ले़ कुले़क्‌वा ताप्‍फे़ःम्‍बाए मे़दुमुॽरो॥ खे़ङ्‌हाॽरे़ग ले़न्‍दिक्‍सा याम्‍दादा नु निङ्‌वाॽतादा चोःक्‍मा खुनिॽ सिराॽथाङ्‌लो॥ खे़ङ्‌हाॽरे़ग खिनिॽनु मे़ज मे़धुङुल्‍ले़ मे़सःत्‍ल इङ्‌गे़म्‍ले़क्‍तिआङ् नागे़म्‍धासि के़म्‍बिरिॽरो॥


ख्रिस्‍ते़न् त्‍ये़आङ् निङ्‌वाॽफुमाङ्‌ङिन्‍नु माःङ्‌घा के़वाॽबा खिनिॽ थिम्‍मे़न्‍दङ् सुवाङ्‌हाॽ नु निःत्ताङ् के़वाॽबा यहुदिहाॽओ सनारुङ्‌ङिल्‍ले़न् सुनाइङ् से़सुरो॥


कर खिनिॽ तगि निङ्‌वाॽफुमाङ्‌लाम् माःङ्‌घा के़वयिसाङ् आल्‍लो खिनिॽ ख्रिस्‍त ये़सुन् नु थिक्‍हुप् के़बोङ्‌बाहाॽ ख्रिस्‍तरे़ कुमाक्‍खिॽइन् वादेःन्‍दुबाल्‍ले़ चोगुल्‍ले़ निःत्ताङ् के़बोःक्‍खिआङ् के़वयिॽरो॥


हे़क्‍क्‍याङ् थिक्‌ये़न् फोॽबाल्‍ले़ कुम्‍बान् अक्‍खे मे़त्तु, ‘आम्‍बे, इङ्‌गाॽ के़याङ्‌साकुन्‍धेन् फःक्‍खे़आङ् आलक्‍को के़धाबान् पिराङ्‌ङे़ॽओ॥’ हे़क्‍क्‍याङ् खे़न् मनाःल्‍ले़आङ् कुयाङ्‌साकुन्‍धेन् खे़ङ्‌हाॽ हाःत्तुसिरो॥


हे़क्‍क्‍याङ् खुने़ॽ कुयाङ्‌साकुन्‍धेहाॽ माःन्‍दुआङ् वये़ल्‍ले़ खे़प्‍मो यम्‍बा साक् थ्‍ये़आङ् खे़ल्‍ले़ चामा थुङ्‌मा थेआङ् मे़घोसुन्‍लो॥


Swiv nou:

Piblisite


Piblisite