1 थिक्ये़न् यरिक् एःङ्याङ् के़भोङ्बाहाॽ नु वेॽ लायोबाहाॽ ये़सुरे़ कुबान् खे़म्से़ खुने़ॽ कुघिरि मे़जुप्से़ल्ले़
ख्रिस्त ये़सुन् लायोबाहाॽ ताङ्से़ःप्से़ कन् इक्सादिङ् खाम्बेःक्मो त्ये़ के़लॽबा पाःन्निङ्ग से़क्खासाङ् ते़न्दिङ् नु नसान् चोःक्मा सुक्ते़त्लो॥ खे़न् लायोबाहाॽओ इङ्गाॽ साॽरिक् लायोबा चोगाङ्लो,
हे़क्क्याङ् ताक्के़भे़ॽबा मनाहाॽ खुन्छिॽ फे़न्याःम्बक्लाम् मे़नुःङ्ङाङ् साम्योथिम्मिन् मे़इःत्तु मे़नाःत्तु, हे़क्क्याङ् कुदोःप्मा नु नुबा मे़जोगुने़भग्र, खे़ङ्हाॽरे़ खुन्छिॽ हिङ्मे़न् ताङ्मे़से़ःप्तुॽ॥
के़रे़क् मनाहाॽ आक्खे़न् लायोबा मे़जोगे़ के़लॽबा पाःन्निन् खे़ङ्हाॽरे़ मे़निसुर फाॽआङ् साम्योथिम्मिन् त्ये़रो, कर लायोन् पोःरे़ल्ले़ लुङ्गुम्मिन् खे़न्नुःल्ले़आङ् यरिक् पोरे़रो॥
अक्खेलॽरिक् के़रे़क् मनाहाॽरे़ हे़क्क्याङ् एःङ्याङ् के़भोङ्बाहाॽरे़आङ् ये़सुरे़ कुबाःन्निन् मे़घे़प्सुआङ् निङ्वाॽफुमाङ्ङिल्ले़ कुलाम्मिन् नुबा फाॽआङ् ते़न्दिङ् मे़जोगु, थेआङ्भे़ल्ले़ खे़ङ्हाॽ युहुन्नालाम् बप्तिस्मा मे़जोःक्सिङ्ङाङ् मे़वये़रो॥
खे़प्मो आल्लो यम्लाबा मनाहाॽ ताःन्दि चुक्सा मे़बोङ्, हे़क्क्याङ् चुक्सा मनाहाॽ यम्लाबा मे़बोङ्लो॥”
खिनिॽ लुङ्माॽ के़दुक्पाहाॽरक् लुङ्माॽ के़दुक्तुम्सिम्ने़ फाॽग्र खिनिॽ थे हाङ्से़म्मिन् के़घोसुम्माङ्बे? हे़क्तङ्बा याःम्बक्किङ्ग एःङ्याङ् के़भोङ्बाहाॽरे़आङ् मे़जोगुरो॥