6 कर खे़ङ्हाॽरे़ थेआङ् नोगप् पिमा मे़न्छुक्तुन्लो॥
हे़क्क्याङ् आत्तिन्हाॽरे़आङ् खुने़ॽ पान् सेःन्दोमा आःन्छिङ्माआङ् मे़न्छुक्तुन्लो॥
कर सेसेमाङ्लाम् सिक्कुम्दिङ् निङ्वाॽओ स्तिफनसे़न् पारे़बाल्ले़ चोगुल्ले़ खे़ङ्हाॽरे़ खुने़ॽ पाःन्धङ्ङो नाःम्मा मे़न्छुक्तुन्लो॥
थेआङ्भे़ल्ले़ इङ्गाॽ खिनिॽ पाःप्मा के़बोङ्बा सुत्लाहाॽ नु सिक्कुम्दिङ् निङ्वाॽ पिनिङ्लो॥ हे़क्केःल्ले़ आत्तिन्नाङ् खिनिॽ बिफ्युङ्हाॽरे़ अप्मा नु पाःन्धक्मा मे़न्छुक्तुन्लो॥
मना तगि खे़ङ्हाॽरे़ खुने़ॽ कुबाःन्नो ते़म्मा मे़न्छुक्तुन्॥ ये़सुरे़ पिरुसिबा नोगप्पिल्ले़ खे़ङ्हाॽरे़ खुनिॽ निङ्वाॽ मये़आङ् स्वाःत् मे़युङे़॥
ये़सुरे़ हे़क्के पाःत्तुल्ले़ कुदक्ले़ङ्वाओ के़बाःप्पाहाॽ के़रे़क् मे़नुःन्दे़रो॥ कर मनाहाॽ ये़सुरे़ चोगुबा निङ्वाॽ के़माबा पाःन्निल्ले़ चोगुल्ले़ मे़सःत्ते़रो॥
आत्तिन्हाॽरे़आङ् पाःन्सुत्लाधिक् नोगप् पिमा मे़न्छुक्तुन्, हे़क्क्याङ् खे़न् ये़न्नाङ्धो आत्तिन्हाॽरे़आङ् खुने़ॽ पान् सेःन्दोमा आःन्छिङ्माआङ् मे़न्छुक्तुन्लो॥
