हे़क्क्याङ् से़वारोबाल्ले़ पेआङ् कुन्दाङ्बान् बाहे़क्के खे़न् पाःन्निन् मे़त्तु॥ हे़क्केःल्ले़ खे़न् मनाःल्ले़ साॽरिक् कुसिक् पोगे़आङ् खे़न् के़से़वारोबान् मे़त्तु, ‘हारा पेगे़ॽआङ् पाङ्जुम्मोबा लाम् लाम् के़वाॽबा याङ्गे़साॽबाहाॽ, के़दुक्पाहाॽ, लाङ्सक्पाहाॽ नु मिक्फःम्बाहाॽ उःत्ते़ तारे़से़ॽ॥’
लुका 14:13 - लिम्बु13 कर खे़ने़ॽ चामुक् थिमुक् के़से़सुल्ले़ याङ्गे़साॽबाहाॽ, के़दुक्पाहाॽ, लाङ्सक्पाहाॽ नु मिक्फःम्बाहाॽ उःत्ते़से़ॽओ॥ Gade chapit la |
लुका 14:13
34 Referans Kwoze
खे़ब्याङ् नहेम्याहःल्ले़ खे़ङ्हाॽ मे़त्तुसि, “आल्ल खिनिॽ पेगे़म्मे़ॽ हे़क्क्याङ् साभःङ्जा से़से़म्मे़ॽआङ् कुजा के़नुॽबा कुजा चे़म्मे़ थुङे़म्मे़ॽ॥ कुजा मे़ङ्गप्मनाबाहाॽ खुन्छिॽ तःक् लक् हाक्ताम्सिम्मे़ॽ॥ थेआङ्भे़ल्ले़ आनिॽ यहवे दाङ्बे़ल्ले़ कुलागि आइन्बा ये़न्निन् सेसेबा चोक्॥ खे़ल्ले़चोगुल्ले़ मे़रिङ् मे़धक्ते़म्मिन्ने़ॽ थेआङ्भे़ल्ले़ यहवे दाङ्बे़ल्ले़ के़सःत्तिर के़याःन्दिबा पाःन्निल्ले़ खिनिॽ के़धुम्बा के़बोक्खिरो॥”
हे़क्क्याङ् नुबा याःम्बक्को मिङ्सो इङ्धाङ् के़घोमा पोङ्मा पोङ्लो॥ खे़ङ्ग हिन्जाॽबित्छाहाॽ नुःरिक्काङ् कम्ब्राङ् के़मे़प्मा, लाम्दिःक्पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्मा, इनोगे़न् तुक्खेओ के़वाॽबाहाॽ कुभाॽ के़बिमा, हे़क्क्याङ् नुब् नुबा याःम्बक्को निङ्वाॽ के़बिमा पोङ्मा पोङ्लो॥
यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ आप्फेक् कुमिङ् युङ्दे़न् चोःक्मारे़ लागि सेगुबादे़न्नो खिनिॽ, खिनिॽ साहाॽ, योग्बा योःग्मा, ये़क्यक्को के़युङ्बा ले़बिःल्ले़ कुमुॽइदाङ्साहाॽ, वेॽ लाजेॽबा मनाहाॽ, ये़त्छा होॽदोःक्हाॽ नु खिनिॽ लुम्मो के़युङ्बा मेमेदुमा के़रे़क् आप्फेक् निङ्वाॽफुमाङ्ङिल्ले़ कुदगि सःत्ते़म्मे़ॽ॥
खिनिॽ ये़क्यक्को के़युङ्बा थे़माआङ् लक् इग्र खोमा लक् मे़ङ्गप्मनाबा ले़बिःल्ले़ कुमुॽइदाङ्साहाॽ, हे़क्क्याङ् वेॽ लाजेॽबा, ये़त्छा होॽदोःक् नु मेमेदुमाहाॽ पिरे़म्सिम्मे़ॽ, खे़ब्याङ् यहवे दाङ्बा खिनिॽ निङ्वाॽफुमाङ्ङिल्ले़ खिनिॽ के़रे़क् याःम्बक्को खिनिॽ हाङ्वागे़न् मुॽइसाम् के़बिरिररो॥
यहुदाबा हाङ् हिजकियाःल्ले़ सङ्जुम्भोहाॽरे़ लागि १,००० से़गम्बा पित्हाॽ नु ७,००० मे़ल्लुक् मे़ःन्दाहाॽ, हे़क्क्याङ् सुहाङ्युक्पाहाॽरे़ सङ्जुम्भोहाॽरे़ लागि १,००० से़गम्बा पित्हाॽ नु १०,००० मे़ल्लुक् मे़ःन्दाहाॽ मे़दारु मे़बिरुसिआङ् वये़॥ निङ्वाॽफुसाम्बाहाॽ खुन्छिॽ यरिक् खानिःत्तो आबाङे आबाङे सेसेसाङ्साङ् मे़जोःक्सिङ्॥
हे़क्क्याङ् ये़सुरे़ हिम्दाङ्बान् अक्खे मे़त्तु, “खे़ने़ॽ अक्खेलॽरिक् चामुक् थिमुक् के़से़सुल्ले़ के़न्जुम्हाॽ, के़म्भुॽ के़न्साॽहाॽ, के़गाॽइ सोधोःक्हाॽ नु याङ्साकुन्धे के़गप्पा पाङ्भेॽसाबाहाॽ मे़उःत्ते़से़न्ने़ॽओ, थेआङ्भे़ल्ले़ खे़ङ्हाॽरे़आङ् खे़ने़ॽ के़म्उःत्ताङ् चामुक् थिमुक् के़म्बिर याङ्ना के़म्नुःक् के़म्बिॽरो॥
Piblisite