लुका 13:13 - लिम्‍बु

¹³ हे़क्‍क्‍याङ् खुने़ॽ कुहुक्‍किन् खे़ल्‍ले़ कुसम्‍धाङ् ने़स्‍सु पिरु॥ खिमो खे़न् मे़न्‍छुमाॽइन् नुरे़आङ् कुएःक्‍किन् सल्‍लिक् सन्‍छुआङ् निङ्‌वाॽफुमाङ्‌ङिल्‍ले़ कुनारा फोसुरो॥

लुका 13:13 Referans Kwoze

मर्कुस 16:18

हे़क्‍क्‍याङ् खे़ङ्‌हाॽरे़ असेःक्‍पाहाॽ मे़दे़म्‍सुसिॽ, निङ् के़याक्‍पा च्‍या मे़धुङुसाङ् थेआङ् हम् मे़म्‍बोङ्‌ङिन्‍लो॥ हे़क्‍क्‍याङ् के़दुक्‍पा के़यॽबाहाॽ सम्‍दाङ् हुक् मे़ने़स्‍सु मे़बिरुसिल्‍ले़ खे़ङ्‌हाॽ मे़वेःत्‍लो॥”

मर्कुस 5:23

अक्‍खेलॽरिक् पेलि फाक्‍तु, “आदाङ्‌बे, इङ्‌गाॽ आस्‍साः चुक्‍मे़न् सिमालिङ्‌धोओ के़रे़आङ् ने़रो॥ खे़न् वेःत्ताङ् हिङ्‌ल फाॽआङ् खे़ने़ॽ फे़रे़ॽआङ् के़हुक्‍किन् कुसम्‍दाङ् ने़स्‍से़ पिरे़ॽओ॥”

मर्कुस 8:25

ये़सुरे़ याम्‍मो कुमिक् सम्‍दाङ् हुक् ने़स्‍सुबिरुआङ् खे़न् अदक्‍तक्‍काङ् ओमये़, हे़क्‍क्‍याङ् नुःरिक्‍काङ् निमा के़सुक्‍पा पोःक्‍खे़रो॥

मर्कुस 6:5

खे़प्‍मोबा मनाहाॽरे़ खुनिॽ नसान् होःप्‍ते़बाल्‍ले़ चोगुल्‍ले़ ये़सुरे़ निङ्‌वाॽ के़माबा याःम्‍बक् चोःक्‍मा मे़सुक्‍तुन्, कर थिक्-ने़त्‍छि के़दुक्‍पाहाॽ सम्‍दाङ्‌लक् कुहुक् ने़स्‍सु पिरुसिआङ् वेःन्‍दुसिरो॥

लुका 4:40

हे़क्‍क्‍याङ् नाम्‍ध्‍ये़आङ् मनाहाॽरे़ यरिक् परिक्‍पा तुक्‍माल्‍ले़ तरुसिबा मनाहाॽ ये़सुओ मे़दारुसि॥ ये़सुरे़ खे़ङ्‌हाॽरे़ खुनिॽ सम्‍दाङ् हुक् ने़स्‍सुबिरुसिआङ् नुसुसिरो॥

सेःक्‌युक्‍मिबाहाॽ 9:17

हे़क्‍क्‍याङ् हननियान् खे़न् हिम्‍मो पेआङ् सावलरे़ कुधे़गेक् सम्‍दाङ् कुहुक्‍हाॽ ने़स्‍सुआङ् अक्‍खे मे़त्तु, “आन्‍साॽ सावलए, दाङ्‌बा ये़सुरे़ इङ्‌गाॽ पाङ्‌घाङ्‌बारो॥ खुने़ॽग कप्‍मो दमस्‍कसओ के़द्‌ये़र के़बत्‍छे़ल्‍ले़ लाम्‍मो खे़ने़ॽनु ओसेःन्‍धाक्‍सिङ्, हे़क्‍क्‍याङ् खे़ने़ॽ याम्‍मो निमा के़सुक्‍तुर, सेसेमाङ्‌ङिल्‍ले़ कुमुक्‍साम्‍मिल्‍ले़ के़धुक्‍ल फाॽआङ् पाङ्‌घाङ्‌बारो॥”

लुका 18:43

खिमो खे़न् निमा के़सुक्‍पा पोःक्‍खे़आङ् निङ्‌वाॽफुमाङ्‌ङिन् नोगे़न् पिरुर ये़सुरे़ कुएगाङ् थासिङ्‌लो॥ मनाहाॽरे़आङ् खे़न् मे़निसुआङ् निङ्‌वाॽफुमाङ्‌ङिल्‍ले़ कुनारा मे़भोसुरो॥

मत्ति 9:8

मनाहाॽरे़ कन् मे़निसुआङ् साॽरिक् खुनिॽ निङ्‌वाॽ मये़रो॥ हे़क्‍क्‍याङ् मे़न्‍छाम् याप्‍मिन् अक्‍तङ्‌बा मुक्‍साम् के़बिबा निङ्‌वाॽफुमाङ्‌ङिल्‍ले़ कुनारा मे़भोसुरो॥

लुका 13:12

ये़सुरे़ खे़न् मे़न्‍छुमाॽइन् निसुआङ् उःत्तुआङ् मे़त्तु, “थामे़रा मे़न्‍छुमाए, आल्‍लो उधुक्‍के फे़न्‍साम्‍मिल्‍ले़ खे़ने़ॽ के़ले़रे़ के़ध्‍ये़रो॥”