6 “ङासि चुजुक्सा पुहाॽरे़ याङ्ने़त्छि मे़ले़क्ने़न्बि? हे़क्केसाङ् निङ्वाॽफुमाङ्ङिल्ले़ खे़ङ्हाॽ आत्तिन्नाङ् निङ्वाॽ मे़भेःत्छुन्लो॥
आःक्वाहाॽ ओमे़त्ते़म्सिम्मे़ॽओ—खे़ङ्हाॽरे़ चा मे़न्देसुन् मे़न्छुप्सुन्, चायुङ्दे़न्नोआङ् याङ्मे़ङ्घोःत्तुन्॥ हे़क्केसाङ् निङ्वाॽफुमाङ्ङिल्ले़ चाःत्तुसिॽ हिङ्घुसिॽरो॥ खिनिॽग पुहाॽनुःल्ले़आङ् आक्खे़न् इमे़ल्लुङ्साबा के़जोगिॽ के़लॽबा निङ्वाॽ इःत्ते़म्मे़ॽओ॥
ने़त्छि चुजुक्सा पुहाॽरे़ याङ्धिक् मे़ले़क्ने़न्बि? हे़क्केसाङ् खिनिॽ पानुदिङ् पा निङ्वाॽफुमाङ्ङिल्ले़ कुनिङ्वाॽ मेःन्ने लत्थिक्काङ् खाम्मो मक्मे़धाने़न्लो॥
खुने़ॽ थक्साहाॽ कुजा पिरुसिरो, हे़क्क्याङ् साक्मे़न्जा के़युङ्बा काःक्वाःल्ले़ कुस्साहाॽरे़ मे़उःत्तुल्ले़ खुने़ॽ चाउप्तुरुसिरो॥
आल्ल लि-लि फुङ्ङिन् पोबान् ओमे़त्ते़म्मे़ॽओ, खे़ङ्हाॽरे़ खि मे़न्देसुन् खिआङ् मे़न्लःन्ने़न्, हे़क्केसाङ् खे़ङ्हाॽ सोलोमन हाङ्ङिल्ले़ कुनुॽमा कुदामाओ कन् लि-लि फुङ्ङिन् यारिक्काङ् नुबा तेत् मे़जाक्सिङ्ङिन्लो!
कर खे़प्मो याङ्गे़साॽमा मेमेदुमाधिक् त्ये़आङ् याङ्ने़त्छि याक्तु॥