लुका 11:8 - लिम्‍बु

⁸ कर खे़प्‍से़म्‍मे़ॽ, खे़न् आबाङे कुन्‍देःङ्‌बासाङ् खुने़ॽ पोःक्‍काङ् थेआङ् मे़बिरुन्‍लो, कर खुने़ॽ कुना मे़धाने़न्‍ल फाॽआङ् पोःक्‍काङ् चाहाबा चोःक्‍पा यारिक्‍के खे़न् पिरुॽरो॥

लुका 11:8 Referans Kwoze

तोलिङ्‌सोमु 32:26

खे़ब्‍याङ् खे़न् मनाःल्‍ले़ मे़त्तु, “खाओःप्‍मा चोक्, आङ्‌गाॽ पेःक्‍मा पाङ्‌घाङ्‌ङे़ॽ॥” कर याकुबरे़ नुगप् पिरु, “आङ्‌गाॽ मुॽइसाम् के़म्‍बिआन्‍ल थारिक् मे़ले़त्‍ने़न्॥”

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

रोमि 15:30

आमिःम् फुॽनुसाॽ नु ने़ॽनुसाॽसे, दाङ्‌बा ये़सु ख्रिस्‍तरे़ कुमना आबोःक्‍खे़बाल्‍ले़ चोगुल्‍ले़ हे़क्‍क्‍याङ् सेसेमाङ्‌ङिल्‍ले़ लुङ्‌माॽ आदुक्‍ते़बाल्‍ले़ चोगुल्‍ले़ निङ्‌वाॽफुमाङ्‌ङो तुवा आजोगे़म् आबिरे़म्‍मे़ॽर इङ्‌गाॽ इनोगे़न् आदुक्‍खेओ चुम् आमे़त्ते़म्‍मे़ॽ फाॽआङ् पेलि फाक्‍निङ्‌लो॥

कलस्‍सि 2:1

खिनिॽ नु लाओदिकिया पाङ्‌जुम्‍बा सेसेहुप्‍लक् हे़क्‍क्‍याङ् वेॽ याप्‍मि मे़न्‍दुम्‍मे के़वाॽबा के़रे़क् फुॽनुसाॽहाॽरे़ लागि स्‍याङ्‌मे़न्‍दाङ् याःम्‍बक् चोगुङ्‌ङाङ् वाॽआ के़लॽबान् कुसिङ् निःत्ते़म्‍मे़ॽ फाॽआङ् निङ्‌वाॽ चोगुङ्‌लो॥

२ कोरन्‍थि 12:8

कन् इङ्‌गाॽओनु खे़त्ताङ् पिराङ्‌ङे़ॽ फाॽआङ् सुम्‍ले़ङ् थारिक् दाङ्‌बान् पेलि फाक्‍तुङ्॥

लुका 11:7

हे़क्‍केःल्‍ले़ हिम् सिगाङ्‌लाम् खे़ल्‍ले़ नोगप् के़बिॽ, ‘इङ्‌गाॽ तुक्‍खे मे़जाःत्ताङ्‌ङिन्‍ने़ॽओ! आन्‍देःन्‍छा लाम्‍धेःप्‍पे़न् ए़त्ते़आङ् पत्, हे़क्‍क्‍याङ् याम्‍मो हिन्‍जाॽबित्‍छाहाॽआङ् इङ्‌गाॽनुए ने़त्‍नाओ मे़ने़॥ इङ्‌गाॽ पोःक्‍माआङ् खे़ने़ॽ थे़माआङ् पिमा मे़सुक्‍ने़न्‍लो॥’

खासे़न्‍लोःम्‍बा 14:17

कर साभःङ्‌जाःल्‍ले़न् नुसि ये़न् मे़म्‍माःत्ते थारिक् खे़न् खुने़ॽ कुदगि चक्‍मे़ल्‍लॽए हाबे़आङ् युङे़॥ कल्‍ले़चोगुल्‍ले़ नुसिगेक्‍पा ये़न्‍नो खे़न् साॽरिक् हादिङ् थक्‍ते़बाल्‍ले़ चोगुल्‍ले़ खुने़ॽ कुमेःत्तिन् चे़क्‍तु, हे़क्‍क्‍याङ् खुने़ॽ कुमनाहाॽ चे़क्‍तुसि॥

१ सामुए़ल 1:12

हे़क्‍केलॽरिक् हन्‍नाःल्‍ले़ यहवे दाङ्‌बाल्‍ले़ कुदगि चक्‍मे़न्‍लॽए इरिक् थारिक् पेलिगे़न् तुवा चोगु, कर एलिःल्‍ले़ हन्‍नाःल्‍ले़ कुम्‍ब्रा मुसिक् मुसिक् मुन्‍दे़बाल्‍लक् स्‍वाःत् ओमे़त्तु॥