लुका 11:4 - लिम्बु4 आनिगे लायोलाम् ले़प्मि आबिरे़ॽओ॥ हे़क्केलॽरिक्के आनिगे़आङ् आनिगे तक्ले़ङ्वाओ लायो के़जोःक्पाहाॽ के़रे़क् ले़प्मि पिरुम्सिम्बे़ॽरो॥ हे़क्क्याङ् निङ्वाॽसाॽमाओ आन्धासे़न्ने़ॽओ॥” Gade chapit la |
लुका 11:4
31 Referans Kwoze
खिनिॽ हिङ्मन्नो के़दाबा काक् हङ्साॽमाहाॽ मे़न्छाम् याप्मिलुम्मो के़दाबा कुइसिक् चोक्लो॥ निङ्वाॽफुमाङ्ङिङ्ग नसाःन्साबा चोक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥
खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
आल्ल खे़ने़ॽओ के़दाबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोङ् ये़न् थारिक्लक् इनोगे़न् तुक्खे के़ज्ये़ॽइरो॥ सिमालिङ्धोओ के़गे़रिसाङ् इङ्गाॽ नसान् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
साङ्ग्राम्पेदाङ्लाम् खे़ङ्हाॽरे़ खुन्छिॽ पेलिन् खे़प्से़ॽओ, खम्भ्याङ् खे़ने़ॽ के़से़वारोबा, खे़ने़ॽ के़मना इस्राइलिहाॽरे़ खुन्छिॽ लायोन् ले़प्मि पिरे़से़ॽओ॥ खे़ङ्हाॽ लाङ्घेःक्मा के़बोङ्बा नुबा ये़प्ले़क्किन् खे़ने़ॽ हुॽरे़से़ॽओ, हे़क्क्याङ् खे़ने़ॽ के़मनाहाॽ खुन्छिॽ लक्खोमारे़ लागि के़बिरुसिबा लाजेॽओ वहित् थासुर याःन्दे़ पिरे़से़ॽओ॥
के़रे़क् काःम्मालाम् याप्मि ताङ्गे़से़ःप्पा माङ्लाइङ्बाल्ले़ निङ्वाॽफुमाङ्ङिल्ले़ कन् अङे़ःक्वाहाॽ हाङ्वा मुॽइसाम् पिरुसिररो॥ कङ्हाॽओए आङ्गाॽ आमिङ्ङिन् वाॽररो, हे़क्क्याङ् आङ्गाॽ आम्बा अब्राहाम नु इसहाक्के़ल्ले़ खुन्छिॽ मिङ् सदादिङ् वाॽररो, हे़क्क्याङ् इक्सादिङ् खाम्बेःक्मो कङ्हाॽ निःत्मे़न्दे़त्ते थारिक् मे़बोःन्लरो॥”
Piblisite