लुका 11:19 - लिम्‍बु

¹⁹ इङ्‌गाॽ बालजिबुललाम् फे़न्‍साम्‍हाॽ लःत्तुङ्‌सिङ्‌ने़ फाॽग्र खिनिॽ साहाॽरे़ थे़माःल्‍ले़ कुमुक्‍साम्‍लाम् मे़लःत्तुसिबे? खे़ङ्‌हाॽरे़ मे़जोगुबा याःम्‍बक्‍किल्‍ले़ए खिनिॽ पिर्बेःम्‍बो के़ध्‍ये़ॽइआङ् के़वयिॽ फाॽआङ् ओसेःन्‍आधाक्‍लो॥

लुका 11:19 Referans Kwoze

लुका 9:49

हे़क्‍क्‍याङ् युहुन्‍नाःल्‍ले़ खुने़ॽ मे़त्तु, “आदाङ्‌बा सिक्‍साम्‍बे, आनिगे लत्‍छा मनाधिक्‍ले़ खे़ने़ॽ के़मिङ्‌ङो फे़न्‍साम्‍हाॽ नाःत्तु लःत्तुसिर पत्‍छे़बा निसुम्‍बे़आङ् आनिगे खे़न् हे़क्‍के चोःक्‍मा मे़बाङ्‌घुम्‍बे़न्‍लो, थेआङ्‌भे़ल्‍ले़ खे़न् आनिगे़नु थिक्‍हुप्‍पो मे़वाॽने़न्‍लो॥”

रोमि 3:19

आल्‍ल साम्‌योथिम्‍मिङ्‌ग साम्‌योथिम्‍मिल्‍ले़ कुयुक्‍को के़वाॽबाहाॽए पिरुसिबान् आनिॽ आनिसुम्‍लो॥ खे़ल्‍ले़चोगुल्‍ले़ के़रे़क् मनाहाॽ लायो मे़न्‍जोःक्‍मनाबा ले़ङ्‌सिङ्‌मा मे़ङ्‌घोने़न्‍नाङ् काक् मे़न्‍छाम् याप्‍मिहाॽ निङ्‌वाॽफुमाङ्‌ङिल्‍ले़ कुदगि खासे़न्‍नो ये़प्‍मा पोङ्‌लो॥

लुका 19:22

हे़क्‍केःल्‍ले़ हाङ्‌ङिल्‍ले़ खे़न् से़वारोबान् मे़त्तु, “खे़ने़ॽ ताक्‍के़भे़ॽबा सेवारोबे! आल्‍ल बा खे़ने़ॽ के़बाःन्‍नोलाम् आप्‍तिक् कुःत्‍ने़ॽरो॥ इङ्‌गाॽ थे मे़बिरुङ्‌ङिन् बा खे़न् नाःक्‍तुङ्, थे़मा मे़देसुङ्‌ङिन् खे़न् सुप्‍सुङ् फाॽआङ् खे़ने़ॽए निङ्‌वाॽ के़गत्तुरो॥

अयुब 15:6

खे़ने़ॽ आप्‍तिक् कुःप्‍मारे़ लागि आङ्‌गाॽग थेआङ् पाःप्‍मा मे़बोङ्‌ने़न्‍लो, खे़ने़ॽ के़म्‍ब्राःल्‍ले़ खे़ने़ॽ के़दक्‍ले़ङ्‌वाओ साखि पिरुआङ् वाॽरो॥

मत्ति 4:24

ये़सुरे़ कुयाःम्‍बेओ इङ्‌घङ्‌ङिन् सिरिया लाजेॽ खाराक् से़रे़, हे़क्‍क्‍याङ् यरिक् परिक्‍ले़न् तुक्‍माल्‍ले़ तरुसिबा मनाहाॽ, के़दुक्‍पाहाॽ, फे़न्‍साम्‍मिल्‍ले़ याङ्‌घुसिबाहाॽ, हे़क्‍क्‍याङ् थप्‍मा के़मबाहाॽ नु के़दुक्‍पा के़यॽबाहाॽ खुने़ॽओ मे़दारुसिआङ् खे़ङ्‌हाॽ के़रे़क् नुसुसिरो॥

मत्ति 10:25

हुॽसाम्‍बे़न् कुसिक्‍साम्‍बे़न् कुइसिक् हे़क्‍क्‍याङ् से़वारोबान् कुन्‍दाङ्‌बे़न् कुइसिक् पोङ्‌माए पोङ्‌लो॥ हे़क्‍केलॽरिक् इङ्‌गाॽ हिम्‍दाङ्‌बान्‍ने खे़ङ्‌हाॽरे़ फे़न्‍साम्‍हाॽरे़ खुनिॽ हाङ् बालजिबुल मे़मे़त्ताङ्‌ङिल्‍ले़ आहिम्‍सयङ्‌बाहाॽग खे़न्‍नुःल्‍ले़आङ् साॽरिक् फे़न् मिङ्‌हाॽ मे़वाःत्तुसिॽरो॥

सेःक्‌युक्‍मिबाहाॽ 19:13

खे़प्‍मो ताक्‍कन्‍नु फे़न्‍साम् के़लःप्‍पा कुभा यहुदिहाॽआङ् मे़वये़॥ खे़ङ्‌हाॽरे़ दाङ्‌बा ये़सुरे़ कुमिङ्‌ङिन् ओगप्‌ चोःक्‍मा तम्‍सिङ् मे़जोगुर खे़ङ्‌हाॽरे़ फे़न्‍साम्‍मिन् अक्‍खे मे़मे़त्तु, “पावलरे़ इङ्‌भोसुबा ये़सुरे़ कुमिङ्‌ङो लःन्‍दे़ पेगे़ॽ फाॽआङ् इङ्‌गाॽ इङ्‌जाङ् पिने़रो॥”