लुका 11:13 - लिम्‍बु

¹³ खिनिॽ फे़न्‍निङ्‌वाॽ के़गत्तुम्‍साङ् आबाङे साःहाॽ नुबा चिगक्‌वाहाॽ पिमासि के़ले़स्‍सुम्‍मिल्‍ले़, खिनिॽ साङ्‌ग्राम्‍पेदाङ्‌ङोबा पाःल्‍ले़आङ् सेसेमाङ्‌ङिन् खिनिॽ के़नाःक्‍तुम्‍मिल्‍ले़ से़क्‍खासाङ् के़बिरिॽएरो॥”

लुका 11:13 Referans Kwoze

मत्ति 7:11

खिनिॽ निङ्‌वाॽ के़भे़ॽबा के़जोगिसाङ् खिनिॽ साहाॽरे़ मे़नाःक्‍तुल्‍ले़ नुबा पाःन्‍हाॽ पिमा के़ले़स्‍सुम्‍ने़ फाॽग्र, खे़न्‍नुःल्‍ले़आङ् यरिक् खिनिॽ साङ्‌ग्राम्‍पेदाङ्‌ङोबा पानुदिङ् पाःल्‍ले़ खुने़ॽ के़नाःक्‍पाहाॽ नुबा पाःन्‍हाॽ पिरुसिॽरो॥”

युहुन्‍ना 4:10

ये़सुरे़ खे़न् नोगप् पिरु, “खे़ने़ॽ निङ्‌वाॽफुमाङ्‌ङिल्‍ले़ कुमुॽइसाम्‍मिन् नु खे़ने़ॽ च्‍वाःत् के़नाःक्‍पे़न् हाःप्‍पे फाॽआङ् कुसिङ् के़निःत्तुआङ् के़वये़ल्‍ले़ग ने़त्तिगे़न् हिङ्‌मन् के़बिबा च्‍वाःत्तिन् याङ्‌ना के़नाःक्‍तुआङ् खे़न् हिङ्‌मन्‍ले़न् च्‍वाःत्तिन् के़बिरे़बामे़न्॥”

रोमि 8:32

निङ्‌वाॽफुमाङ्‌ङिल्‍ले़ आबाङे आबुगे़न् कुस्‍सान्‍ने मे़दाङ्‌घुन्, कर आनिॽ के़रे़क्‍ले़ लागि खुने़ॽ सिमा पाङ्‌घु॥ खुने़ॽ ख्रिस्‍ते़न्‍ने आबिरे़ल्‍ले़ काक् पाःन्‍हाॽआङ् आक्‍खेलॽरिक् आनिॽ पिमा आन्‍छुक्‍ने़न्‍बे?

खाहुन् 1:23

आङ्‌गाॽ खिनिॽ फे़ःक्‍निङ्‌बा पाःन्‍निन् के़घे़प्‍सुम्‍ने़भग्र, आङ्‌गाॽ आसिक्‍लुङ्‌मोबा पाःन्‍हाॽ खिनिॽ मे़त्‍निङ्‌लो, हे़क्‍क्‍याङ् आनिङ्‌वाॽ पाःन्‍हाॽ कुसिङ् के़निःत्तुम्‍ल याःन्‍निङ्‌लो॥

सेःक्‌युक्‍मिबाहाॽ 2:38

हे़क्‍क्‍याङ् पत्रुसरे़ मे़त्तुसि, “खिनिॽ के़रे़क् लायोलाम् हिन्‍दे़म्‍मे़ॽआङ् दाङ्‌बाओ नुःक्‍खे़म्‍मे़ॽ, हे़क्‍क्‍याङ् लायोलाम् ले़प्‍मि खोमा फाॽआङ् ये़सु ख्रिस्‍तरे़ कुमिङ्‌ङो बप्‍तिस्‍मा पोःक्‍खे़म्‍मे़ॽओ! हे़क्‍क्‍याङ् सेसेमाङ्‌ङिल्‍ले़न् पर्धाःम् के़घोसुम्‍लो॥

योएल 2:28

खे़न् एगाङ् आयाम्‍साम्‍मिन् के़रे़क् मनाहाॽ सम्‍धाङ् पाङ्‌घुङ्‌लो, खिनिॽ ये़म्‍बित्‍छा मे़न्‍छुमासाहाॽरे़ माङ्‌निङ्‌वाॽपान् मे़बाःत्तुरो॥ खिनिॽ खदाक्‍मि मनाहाॽरे़ ताॽदिगे़न् से़प्‍माङ् मे़माक्‍तुरो, हे़क्‍क्‍याङ् खिनिॽ नालिगे़न् थाङ्‌बे़न् मनाहाॽरे़ सुफो मे़निसुरो॥

इजकिएल 36:27

हे़क्‍क्‍याङ् आङ्‌गाॽ आइङ्‌जाङ्‌हाॽ खिनिॽ के़इःत्तुम् के़नाःम्‍तुम्‍ल हे़क्‍क्‍याङ् आङ्‌गाॽ आधिम्‍हाॽ तिम्‍मा नाःप्‍मारे़ लागि खिनिॽ सिङ्‌सिङ् ये़क्‌ये़क् के़लॽरिर फाॽआङ् आङ्‌गाॽ आयाम्‍साम्‍मिन् खिनिॽओ केःत्तुङ् पिनिङ्‌ॽ॥

यसैया 49:15

कल्‍ले़चोगुल्‍ले़ यहवे दाङ्‌बे़ल्‍ले़ अक्‍तङ्‌बा नुगप् पिरुसिरो, “थे आम्‍ब्रे़ःङ्‌वा अङे़ःक्‌वान् कुम्‍मारे़ निङ्‌वाॽफेःम्‍मा सुक्‍तुबि? खुने़ॽ कत्तुबा अङे़ःक्‌वान् खे़ल्‍ले़ थे लुङ्‌माॽ मे़दुक्‍तुन्‍बि? खे़ल्‍ले़ निङ्‌वाॽ मुःम्‍माआङ् सुक्‍तुरो, कर आङ्‌गाॽ खे़ने़ॽ आभे़ल्‍ले़आङ् निङ्‌वाॽफेःम्‍मा मे़सुक्‍ने़ल्‍लो॥

मत्ति 6:14

“थेआङ्‌भे़ल्‍ले़ खिनिॽ तक्‍ले़ङ्‌वाओ लायो के़जोःक्‍पाहाॽ ले़प्‍मि के़बिरुम्‍सिम्‍ने़ फाॽग्र साङ्‌ग्राम्‍पेदाङ्‌ङो के़वाॽबा खिनिॽ पानुदिङ् पा निङ्‌वाॽफुमाङ्‌ङिल्‍ले़आङ् ले़प्‍मि के़बिरिॽरो॥

मत्ति 6:32

थेआङ्‌भे़ल्‍ले़ थिम्‍मे़न्‍दङ् सुवाङ्‌हाॽरे़ खुनिॽ निङ्‌वाॽइन् बा खे़न् पाःन्‍हाॽओ पत्‍लो, कर साङ्‌ग्राम्‍पेदाङ्‌ङोबा खिनिॽ पानुदिङ् पाःल्‍ले़ कन् के़रे़क् पाःन्‍हाॽ चाहाबा के़जोगिॽ फाॽआङ् निसुरो॥

लुका 11:2

ये़सुरे़ खे़ङ्‌हाॽ मे़त्तुसि, “खिनिॽ तुवा के़जोगुम्‍मिल्‍ले़ अक्‍खे पाःत्ते़म्‍मे़ॽ, “आनिगे पाए, मनाहाॽरे़ के़मिङ्‌ङिन् सेसे मे़इःत्तुर मिङ्‌सो इङ्‌धाङ् के़म्‍बिररो॥ के़हाङ्‌जुम्‍मिन् ताररो॥

मत्ति 6:30

नसान् के़सुःम्‍बासे, आइन् के़लिङ्‌बाआङ् ताःन्‍दिक् मिओ लाप्‍फुमा के़बोङ्‌बा यान् फुङ्‌हाॽ निङ्‌वाॽफुमाङ्‌ङिल्‍ले़ खे़न् यारिक् नुबा चोगुसिल्‍ले़ खे़न्‍नुःल्‍ले़ नुःरिक्‍काङ् तेत् खिनिॽ के़न्‍जाःक्‍तिम्‍बि?

मत्ति 5:45

हे़क्‍केलॽरिक् साङ्‌ग्राम्‍पेदाङ्‌ङोबा खिनिॽ पानुदिङ् पा निङ्‌वाॽफुमाङ्‌ङिल्‍ले़ कुस्‍सा के़बोःक्‍खिॽरो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ग नुबा नु ताप्‍फे़ःम्‍बा सम्‍दाङ् नाम्‍से़ःक्‍मा पाङ्‌घुआङ् साम्‌योबाहाॽ नु लायोबाहाॽओ पाङ्‌गे़न्‍दिङ् वाहिःत् थामा पाङ्‌घुरो॥

मत्ति 5:16

हे़क्‍केलॽरिक् सेमिन् ओःप्‍पा हे़क्‍केए खिनिॽ के़जोगुम्‍बा सुयाःम्‍बक्‍हाॽ मनाहाॽ ओसेःन्‍धाक्‍ते़म्‍सिम्‍मे़ॽओ, हे़क्‍क्‍याङ् साङ्‌ग्राम्‍पेदाङ्‌बा खिनिॽ निङ्‌वाॽफुपाःल्‍ले़ कुनारा मे़भोसुॽरो॥

निङ्‌वाॽफु साम्‍लोसुम् 51:5

से़क्‍खाए, सावाःन्‍छिङ्‌ङाले़ए लायोबा वयाङ्‌लो, आम्‍मारे़ कुसाप्‍पोःक्‍को यागाङ्‌बा ये़न्‍नाङ्‌धोए आङ्‌गाॽ लायोबा चोःक्‍कारो॥

रोमि 7:18

थेआङ्‌भे़ल्‍ले़ लायोल्‍ले़ कुधिम् वाॽआबाल्‍ले़ इङ्‌गाॽ आसुत्‍नाओ थेआङ् नुबा पान् होप् फाॽआङ् कुसिङ् निःत्तुङ्‌लो॥ हे़क्‍केलॽरिक् इङ्‌गाॽ नुबा पाःन्‍हाॽ चोःक्‍मा निङ्‌वाॽ कत्तुङ्‌साङ् चोःक्‍मा मे़सुक्‍कान्‍लो॥

रोमि 5:17

थिक् मना आदम्‍मिल्‍ले़ चोगुबा लायोल्‍ले़ चोगुल्‍ले़ काक् मनाहाॽओ सिमे़ल्‍ले़ हाङ् चोगुने़ फाॽग्र आल्‍लसाङ् यरिक् लुङ्‌गुम् नु साम्‌योनिमारे़न् पर्धाःम्‍मिन् आम्‍भाए के़घोबाहाॽरे़ थिक् मना ये़सु ख्रिस्‍तलाम्‍बा के़दाबा हिङ्‌मन्‍नो हाङ् मे़जोगुॽरो॥

तितस 3:3

थेआङ्‌भे़ल्‍ले़ आनिॽआङ् थिक्‍ले़ङ् अदङ् नु इङ्‌जाङ् इःप्‍मा नाःप्‍मा मे़न्‍दे़म्‍मनाबा, इङ्‌ले़क्‍के, याम्‍निङ्‌वाॽ तादा नु याम् तादारे़ आयुक्‍ते़आङ् आवये़रो॥ हे़क्‍केलॽरिक् सिक्‍पोःक्‍मा नु नाहे़म्‍माओ आवये़, हे़क्‍क्‍याङ् मनाहाॽ आजिःत्तुम्‍सिम्‍माङ् आवये़रो॥

तोलिङ्‌सोमु 8:21

यहवे दाङ्‌बाल्‍ले़ खे़न् कुनाम्‍गे़नुॽबा सिदुङ्‌जभा मिःक्‍खुॽइन् नाम्‍सुआङ् कुनिङ्‌वाॽओ पाःत्तु, “मे़न्‍छाम् याप्‍मिःल्‍ले़ कुनिङ्‌वाॽओबा पाःन्‍हाॽ खुने़ॽ चुःक्‍काङ्‌धोसा ताप्‍फे़ःम्‍बा चोक्, हे़क्‍केसाङ् ताप्‍फे़ःम्‍बा मे़न्‍छाम् याप्‍मिःल्‍ले़ चोगुल्‍ले़ आङ्‌गाॽ याम्‍मो आभे़ल्‍ले़आङ् इक्‍सादिङ् खाम्‍बेःक्‍मान् साक्‍मुरा मे़मे़त्तान्॥ आल्‍लो चोगुङ्‌बा कुइसिक् के़रे़क् थक्‍सापुसाहाॽ याम्‍मो आभे़ल्‍ले़आङ् मे़मे़ङ्‌ङासिङिन्॥

लुका 11:12

हे़क्‍क्‍याङ् वाधिःन् नाःक्‍किल्‍ले़ ताङ्‌साक्‍खे़बक्‍पे़न् पिरुबे?

लुका 18:7

निङ्‌वाॽफुमाङ्‌ङिल्‍ले़ सेगुसिबा कुमनाहाॽ से़न्‍दिक् ले़न्‍दिक् मे़हाःप्‍ल तुवा चोःक्‍कि पेलि मे़भाक्‍किल्‍ले़, खुने़ॽ से़क्‍खासाङ् कुमनाहाॽ खासे़न् मे़लोःन्‍दुन् मे़बिरुन्‍सिन्‍नाङ् खुने़ॽ खे़ङ्‌हाॽ खे़म्‍घे़म्‍लक् लाप्‍तुसिॽबि?