लुका 10:21 - लिम्‍बु

²¹ खे़न् ये़म्‍मो ये़सुन् सेसेमाङ्‌ङिल्‍ले़ कुधिम् पोःक्‍खे़आङ् सःत्ते़र पारे़, “आम्‍बे, साङ्‌ग्राम्‍पेदाङ् नु इक्‍सादिङ् खाम्‍बेःक्‍माल्‍ले़ कुन्‍दाङ्‌बाए, इङ्‌गाॽ नोगे़न् पिने़, थेआङ्‌भे़ल्‍ले़ खे़ने़ॽग सिक्‍कुम्‍साबाहाॽ हे़क्‍क्‍याङ् चाःप्‍पाहाॽनु के़माॽरुबा पाःन्‍निन् हिन्‍जाॽ हे़क्‍तङ्‌बाहाॽ ओसेःन्‍गे़धाक्‍तुसिरो॥ आम्‍बे, बा अक्‍खे चोःक्‍माए खे़ने़ॽ के़सिराॽ थाङे़रो॥”

लुका 10:21 Referans Kwoze

२ कोरन्‍थि 4:3

आनिगे से़सुम्‍बे़बा सुनाइङ्‌ङिन् नादे़प्‍माल्‍ले़ ते़प्‍तुआङ् पत्‍ने़ फाॽग्र खे़ङ्‌ग के़मे़क्‍पार के़बेःक्‍पाहाॽरे़ लागिरक् ते़प्‍तुॽरो॥

एफिसि 1:11

ख्रिस्‍ते़न्‍नु थिक्‍हुप् आवाॽबाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ आनिॽआङ् खुने़ॽलाम् लक् खोसे़ आसेगे़आङ् आवाॽ, थेआङ्‌भे़ल्‍ले़ कङ्‌ग तगिनुसा खुने़ॽ चोःक्‍मा निङ्‌वाॽ इःत्तुबा हे़क्‍के के़रे़क् पाःन्‍हाॽ पोङ्‌लो॥

एफिसि 1:5

खुने़ॽ कुनिङ्‌वाॽ कुइसिक् कुसिराॽ थाङे़र ये़सु ख्रिस्‍तलाम् कुस्‍सा पोङ्‌से़ तगिनुए आनिॽ आसेगे़आङ् वये़रो॥

मर्कुस 10:15

इङ्‌गाॽ से़क्‍खाए मे़त्‍निङ्, हाःत्‍ले़ हिन्‍जाॽ हे़क्‍के कुदोःप्‍मा निङ्‌वाॽइल्‍ले़ निङ्‌वाॽफु हाङ्‌जुम्‍मिन् मे़दाःक्‍तुन्, खे़न् खे़प्‍मो लाःप्‍मा मे़घोने़न्‍लो॥”

मत्ति 21:16

खे़ङ्‌हाॽरे़ खुने़ॽ मे़मे़त्तु, “कन्‍हाॽरे़ थे मे़बाःत्तुर मे़बत् के़ङ्‌घे़प्‍सुन्‍बि?” ये़सुरे़ खे़ङ्‌हाॽ मे़त्तुसि, “खे़प्‍सुङ्‌बे, कर साम्‌योसाप्‍लाओ अक्‍खेलॽरिक् साप्‍ते़आङ् के़बप्‍पे़न् खिनिॽ मे़न्‍निःत्ते के़वयिॽबि? “‘हिन्‍जाॽबित्‍छाहाॽ नु नुगे़धुङ्‌बाहाॽलाम् खुने़ॽ के़नारा फोमा पाङ्‌घुसि॥’”

मत्ति 16:17

ये़सुरे़ खे़न् मे़त्तु, “योनारे़ कुस्‍सा सिमोने, खे़ने़ॽग मुॽइसाबाने़रो थेआङ्‌भे़ल्‍ले़ कङ्‌ग मे़न्‍छाम् याप्‍मिहाॽरे़ ओसेःन्‍दाङ् के़म्‍जोगे़बा मेःन्, कर साङ्‌ग्राम्‍पेदाङ्‌ङोबा पानुदिङ् आम्‍बारे़ खे़ने़ॽ ओसेःन्‍दाङ् के़जोगे़बारो॥

निङ्‌वाॽफु साम्‍लोसुम् 8:2

हिन्‍जाॽबित्‍छाहाॽ नु नुगे़धुङ्‌बा अङे़ःक्‌वाहाॽरे़आङ् खे़ने़ॽ के़नारा मे़भोसुरो, खे़ल्‍ले़चोगुल्‍ले़ के़रे़क् के़निङ्‌मिहाॽ नु के़दक्‍ले़ङ्‌वाओ के़बोःक्‍पाहाॽरे़ थेआङ् मे़प्‍मा के़मे़न्‍छुक्‍ने़ल्‍लो॥

लुका 15:9

हे़क्‍क्‍याङ् खे़ल्‍ले़ खोसुआङ् कुन्‍देङ् कुन्‍जुम्‍हाॽ, कुबाङ्‌भेॽसाबाहाॽ उःत्तुसिआङ् अक्‍खे मे़त्तुसि, ‘आल्‍ल आनिॽ सःत्तिरो, थेआङ्‌भे़ल्‍ले़ इङ्‌गाॽ मासुङ्‌बा आयाङ्‌इत्‍छिन् इङ्‌गाॽ खोसुङ्‌ङाङ् वाॽआरो॥’

लुका 15:5

खुने़ॽ खे़न् के़माबा मे़ल्‍लुक्‍किन् खोसुआङ् कुभक्‍ताङ्‌ङो पक्‍खुर सःत्‍ल नुःङ् तारो॥ हे़क्‍क्‍याङ् कुन्‍देङ् कुन्‍जुम्‍हाॽ नु कुबाङ्‌भेॽसाबाहाॽ अक्‍खे मे़त्तुसिरो, ‘हौ! आल्‍ल आनिॽ सःत्तिरो, थेआङ्‌भे़ल्‍ले़ के़माबा आमे़ल्‍लुक्‍किन् याम्‍मो खोसुङ्‌ङाङ् वाॽआरो॥’

सपन्‍याह 3:17

यहवे दाङ्‌बा के़निङ्‌वाॽफुमाङ्‌ङिन् खे़ने़ॽनु वाॽरो, खुने़ॽ खे़ने़ॽ से़ःप्‍मारे़ लागि मुक्‍साम् कत्तुरो॥ खुने़ॽ खे़ने़ॽनु साॽरिक् कुनिङ्‌वाॽ तारो, खुने़ॽ लुङ्‌माॽ के़दुक्‍काङ् चिजि ये़म्‌ये़म् के़जोःक्‍लो, खे़ने़ॽ के़याःम्‍बेओ सःत्ताङ् खे़ने़ॽ साम्‍गे़मे़त्‍लो॥

यसैया 66:1

यहवे दाङ्‌बे़ल्‍ले़ अक्‍खे पाःत्तुरो— “साङ्‌ग्राम्‍पेदाङ्‌ङिन् आङ्‌गाॽ आहाङ्‌युक्‍नारो हे़क्‍क्‍याङ् इक्‍सादिङ् खाम्‍बेःक्‍मे़न् आङ्‌गाॽ आलाङ् तोॽभेःत्‍लो, आल्‍ल आङ्‌गाॽ आलागि खे़निॽ आक्‍तङ्‌बा हिम् नु आङ्‌गाॽ युङ्‌मारे़ लागि आक्‍तङ्‌बा परिक्‍पादे़न् चोःक्‍मा के़सुक्‍तुम्‍बे?

यसैया 53:11

के़साक्‍पा ये़त्तुक्‍खे तुमुआङ् एगाङ् खुने़ॽ कन् के़रे़क् निमा खोसुरो हे़क्‍क्‍याङ् कुनिङ्‌वाॽ तारो॥ साम्‌योबा आसे़वारोबे़ल्‍ले़ यरिक् मनाहाॽ साम्‌योबा चोगुसिरो हे़क्‍क्‍याङ् खुन्‍छिॽ के़रे़क् लायोहाॽ कुयुरो॥

यसैया 29:14

कल्‍ले़चोगुल्‍ले़ आङ्‌गाॽ याम्‍मो थिक्‍ले़ङ् कन् मनाहाॽरे़ खुन्‍छिॽ लुम्‍मो निङ्‌वाॽ के़माबा नु निङ्‌वाॽ के़ले़ङ्‌बा याःम्‍बक् चोगुङ्‌ङाङ् निङ्‌वाॽ ने़हि मार चोगुङ्‌लो॥ हे़क्‍क्‍याङ् सिक्‍कुम्‍साबाहाॽरे़ खुन्‍छिॽ सिक्‍कुम्‍निङ्‌वान् मे़क्‍लो, हे़क्‍क्‍याङ् खे़ङ्‌हाॽरे़ खुन्‍छिॽ के़रे़क्‍नुःल्‍ले़आङ् चाःत्‍चाःप्‍पा मनाःल्‍ले़ कुचाःत्‍चाःत् लॽमान् माबेःक्‍लो॥”

युहुन्‍ना 11:41

खे़ल्‍ले़चोगुल्‍ले़ खे़ङ्‌हाॽरे़ इःप्‍पुङ्‌ङिल्‍ले़ कुमुराओबा लुङ्‌ङिन् थिक्‍ले़प्‍माङ् मे़इसु॥ हे़क्‍क्‍याङ् ये़सुरे़ थाःङ् ओमे़त्तुर पाःत्तु, “पानुदिङ् आम्‍बे, खे़ने़ॽ आबेलिन् के़घे़प्‍सुबाओ नोगे़न्‍लो॥

यसैया 62:5

नालिगे़न् थाङ्‌बे़न्‍निल्‍ले़ लत्‍छा सिसागे़न् मे़न्‍छुमान् ते़न्‍धाम् मेःक्‍खिम् मे़त्तुरो, हे़क्‍केलॽरिक्‍के खे़ने़ॽ के़स्‍साहाॽरे़ खे़ने़ॽ मेःक्‍खिम् के़म्‍मे़त्‍लो॥ मेःक्‍खिम्‍साबे़न् कुमेःक्‍खिम्‍सामे़ल्‍ले़ कुलागि पसःत्‍सःत्‍लो, खे़म्‍भलॽरिक्‍के खे़ने़ॽ के़निङ्‌वाॽफुमाङ्‌ङिन् के़लागि सःत्‍लो॥

यसैया 35:8

खे़ॽयो लत्‍छा माराम् पोङ्, खे़न् सेसेबा लाम् मे़मे़त्तुरो, आसुत्‍थो मना आत्तिन्‍नाङ्‌ खे़न् लाम्‍बा पोङ्‌ङाङ् मे़बेःक्‍ने़न्‍लो, कर खे़न् माराम्‍मो लाङ्‌गे़घेःक्‍पाहाॽरे़ लागिरक् पोङ्‌लो, कुइगे़भे़म्‍बा अदङ्‌हाॽ खे़न् लाम् पोङ्‌माआङ् पेःक्‍मा मे़ङ्‌घोने़न्‍लो॥

निङ्‌वाॽफु साम्‍लोसुम् 25:14

यहवे दाङ्‌बाङ्‌ग खुने़ॽ मिङ्‌सो इङ्‌धाङ् के़बिबाहाॽरे़ खुनिॽ चुम्‍लो, खुने़ॽ खे़ङ्‌हाॽ कुमाङ्‌हुप्‍पिन् हुॽरुसिरो॥

निङ्‌वाॽफु साम्‍लोसुम् 24:1

इक्‍सादिङ् खाम्‍बेःक्‍मान् नु कॽयो के़वाॽबा के़रे़क् पाःन्‍हाॽ यहवे दाङ्‌बे़ल्‍ले़न्‍लो हे़क्‍क्‍याङ् इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिहाॽ खुने़ॽ कुमनासिरो॥

मत्ति 3:7

कर यरिक् फरिसिहाॽ नु सदुकिहाॽ बप्‍तिस्‍मा पोङ्‌से़ खुने़ॽओ मे़द्‌ये़र मे़बत्‍छे़बा निसुसिआङ् अक्‍खे मे़त्तुसिर फे़ःक्‍तुसि, “असेःक्‍सासे, खिनिॽ कन् के़दाबार के़बप्‍पा निङ्‌वाॽफुमाङ्‌ङिल्‍ले़ कुघुम्‍दिङ्‌लाम् खे़त्‍छिङ्‌ङे़म्‍मे़ॽ फाॽआङ् हाःत्‍ले़ के़मे़त्तिबे?