लुका 10:10 - लिम्‍बु

¹⁰ कर आत्तिन् पाङ्‌जुम्‍मो खिनिॽ लाम्‍दाःक्‍मा के़मे़म्‍बिरिन्, खे़न् पाङ्‌जुम्‍हाॽओबा लाम् हे़ङ्‌घात्ति लःन्‍दे़म्‍मे़ॽआङ् खे़ङ्‌हाॽ अक्‍खे मे़त्ते़म्‍सिम्‍मे़ॽ,

लुका 10:10 Referans Kwoze

सेःक्‌युक्‍मिबाहाॽ 18:6

कर यहुदिहाॽरे़ खुने़ॽ मे़अत्तुर कुना मे़धासुल्‍ले़ निङ्‌वाॽफुमाङ्‌ङिन् खे़ङ्‌हाॽनु सित्‍छिङ्‌ङाङ् वाॽ लॽरिक् ओसेःन्‍धाक्‍मासि फाॽआङ् पावलरे़ खुनिॽ तक्‍ले़ङ्‌वाओ कुदेःत्तिन् साक्‍खुर अक्‍खे मे़त्तुसि, “खिनिॽ साम्‍दिङ् पिमा आयाःम्‍बक्‍किन् चुरे़रो॥ खिनिॽ के़स्‍ये़ॽइ के़मे़गिसाङ् इङ्‌गाॽ थेआङ् आप्‍तिक् मे़घोआन्‍लो॥ आल्‍लआङ्‌धोग इङ्‌गाॽ थिम्‍मे़न्‍दङ् सुवाङ्‌हाॽरो सुनाइङ् इङ्‌भोसे़ पेगाङ्‌लो॥”

सेःक्‌युक्‍मिबाहाॽ 13:51

हे़क्‍केःल्‍ले़ निङ्‌वाॽफुमाङ्‌ङिल्‍ले़ नाॽरुसिबान् ओसेःन्‍धाक्‍मासि फाॽआङ् सेःक्‌युक्‍मिबाहाॽरे़आङ् खुनिॽ लाङ्‌भोओबा खाम्‍हिःक्‍किन् खे़ङ्‌हाॽरे़ मे़धाप्‍सु मे़धआङ् आइकोनियम ये़क्‌यक् ले़प्‍माङ् मे़धासिङ्‌लो॥

मत्ति 10:14

आत्तिल्‍ले़ खिनिॽ लाम्‍दाःक्‍मा के़म्‍बिरिन्‍नाङ् खिनिॽ पाःन्‍नाङ् मे़घे़प्‍सुन्, खे़न् हिम् इग्र पाङ्‌जुम्‍मोलाम् खिनिॽ के़बेगिल्‍ले़ खिनिॽ लाङ्‌ङो के़घिप्‍पा खाम्‍हिःक्‍किन् बा खे़प्‍मोए थाप्‍से़म्‍ध्‍ये़म्‍मे़ॽओ॥

लुका 9:5

कर मनाहाॽरे़ खिनिॽ लाम्‍दाःक्‍मा के़मे़म्‍बिरिन्‍ने़ फाॽग्र खे़न् पाङ्‌जुम्‍मिन् के़ले़रुम्‍मिल्‍ले़ खिनिॽ लाङ्‌ङो के़घिप्‍पा खाम्‍हिःक्‍किन् थाप्‍से़म् थ्‍ये़म्‍मे़ॽ॥ कङ्‌ग खुनिॽ तक्‍ले़ङ्‌वाओ के़बोङ्‌बा मिक्‍सेःन्‍लो॥”

इजकिएल 2:5

हे़क्‍क्‍याङ् खे़ङ्‌हाॽरे़ मे़घे़प्‍सुसाङ् इग्र मे़ङ्‌घे़प्‍सुन्‍छाङ् खे़न् पिफ्‍युङ्‌बाहाॽरे़ खुन्‍छिॽ निङ्‌वाॽ सुम्‍लॽमारे़ लागि खे़ङ्‌हाॽरे़ खुन्‍छिॽ लुम्‍मो लत्‍छा माङ्‌निङ्‌वाॽपान् के़बाःप्‍पाधिक् त्‍ये़आङ् वये़ फाॽआङ् खे़ङ्‌हाॽरे़ निङ्‌वाॽ मे़घोसुॽ॥

लुका 10:9

के़दुक्‍पा के़यॽबाहाॽ वेःन्‍दे़म्‍सिम्‍मे़ॽआङ् अक्‍खे मे़त्ते़म्‍सिम्‍मे़ॽ, ‘निङ्‌वाॽफु हाङ्‌जुम्‍मिन् खिनिॽ निःत्ताङ् त्‍ये़आङ् वाॽरो॥’

लुका 10:11

‘आनिगे लाङ्‌ङो खिप्‍तुआङ् के़बप्‍पा खिनिॽ पाङ्‌जुम्‍मोबा खाम्‍हिःक्‍हाॽ खिनिॽ तक्‍ले़ङ्‌वाओ आनिगे थाप्‍सुम्‍बे़रो॥ हे़क्‍केसाङ् निङ्‌वाॽफु हाङ्‌जुम्‍मिन् खिनिॽ निःत्ताङ् त्‍ये़आङ् वाॽ के़लॽबा कुसिङ् निःत्ते़म्‍मे़ॽओ॥