लुका 1:9 - लिम्बु9 निङ्वाॽफुसाम्बा थिम् कुइसिक् यहवे दाङ्बाल्ले़ कुमाङ्हिम्मो पेःक्माआङ् साङ्सिङ् हाःम्मा लक्रे़ लागि निङ्वाॽफुसाम्बाहाॽरे़ तॽयाःन्सोन् मे़गे़ःसुल्ले़ खुने़ॽ खोसुआङ् वये़रो॥ Gade chapit la |
लुका 1:9
10 Referans Kwoze
अम्रामरे़ कुस्साहाॽ हारुन नु मोसा॥ हारुने़न् लाःत्लाःत् मे़से़न्दुआङ् वये़॥ खे़न् नु खुने़ॽ कुमुॽइदाङ्साहाॽ सदादिङ्ले़ लागि हे़क्क्याङ् के़रे़क्नुःल्ले़ सेसे पाःन्हाॽ तोःम्मारे़ लागि, यहवे दाङ्बे़ल्ले़ कुदगि सिदुङ्जभाहाॽ तोःम्मारे़ लागि नु खुने़ॽ कुदगि माङ्से़वा चोःक्मारे़ लागि हे़क्क्याङ् खुने़ॽ कुमिङ्ङो आभे़ल्ले़साङ् हाङ्वागे़न् मुॽइसाम् पिमासिरे़ लागि मे़वये़॥
आङ्गाॽ के़रे़क् इस्राइलि थाःक्हाॽओ खे़ने़ॽ के़सुधे़बा हारुने़न् आङ्गाॽओ माङ्से़वा चोःक्मारे़ लागि निङ्वाॽफुसाम्बा पोङ्से़, मनाहाॽरे़ आङ्गाॽओ सिदुङ्जभा मे़दोन्दुबा ले़त्ति तोःम्मादे़न्नो सिदुङ्जभा तोःन्छे़, सुक्पा-साङ्सिङ् हाःन्छे़ हे़क्क्याङ् आङ्गाॽ आबेसाङ् नाइनासुःत् एपोद चाङ्माआङ् से़वा चोःक्मारे़ लागि सेगुङ्॥ हे़क्क्याङ् के़रे़क् इस्राइलिहाॽरे़ ले़त्ति मे़दोःन्दुबाओलाम् कुभा लक्हाॽ खे़ने़ॽ के़सुधे़बा हिम्सयङ्हाॽरे़ खुनिॽ लागि कप्मा युक् पिरुङ्सिङ्॥
यहवे दाङ्बे़ल्ले़ मोसाःन्लाम् एलाजारे़न् मे़त्तुआङ् वये़बा हे़क्केए खे़ल्ले़ चोगु॥ हारुनरे़ कुमुॽइदाङ्साहाॽनुःल्ले़ वेॽ आत्तिन् मनाःन्नाङ् सुक्पा हाःन्छे़ निःत्ताङ् मे़दाने़न्ल फाॽआङ् सिङ्सिङ् ये़क्ये़क् लॽमारे़ लागि इस्राइलिहाॽरे़ खुन्छिॽ लागि कन् के़रे़क् पाःन्हाॽ पोःक्खे़आङ् वये़, मेःन्ने़भग्र खे़न्नाङ् कोरहःन् नु खुने़ॽ के़दिम्बा मनाहाॽ हे़क्के खाप्पुथ्यःङ् मे़बोङ्ॽ॥
कर हारुन नु खुने़ॽ कुमुॽइदाङ्साहाॽरे़ सुक्पा हाःम्मा ले़त्ति तोःम्मादे़न्नो सुक्पा नु मिधिङ्मनादेमनाबा ले़त्ति तोःम्मादे़न्नो मिधिङ्मनादेमनाबा सिदुङ्जभा मे़दोन्दु॥ खे़ङ्हाॽरे़ के़रे़क्नुःल्ले़ साॽरिक् सेसेबादे़न्नो चोःक्मा के़बोङ्बा याःम्बक् नु निङ्वाॽफुमाङ्लाम् ले़प्मि नाःक्मारे़ लागि चाहा के़जोःक्पा लायोलाम् ले़प्मि खोमा मिधिङ्मादेमनाबा सिदुङ्जभा तोःम्मा याःम्बक् चोःक्मा के़बोङ्बा वये़॥ निङ्वाॽफुमाङ्ङिल्ले़ कुसे़वारोबा मोसाःल्ले़ पिरुसिबा इङ्जाङ् कुइसिक् खे़ङ्हाॽरे़ के़रे़क् याःम्बक्हाॽ मे़जोगु॥
Piblisite