लुका 1:80 - लिम्‍बु

⁸⁰ हे़क्‍क्‍याङ् अङे़ःक्‌वा युहुन्‍नान् पोरे़र याम्‍साम्‍मो के़धुम्‍बा पोःक्‍खे़र पेआङ् सेसेमाङ्‌ङिल्‍ले़ कुधिम् पोःक्‍खे़आङ् खुने़ॽ इस्राइलिहाॽओ ओसेःन्‍मे़न्‍धाक्‍सिङ्‌ङे थारिक् एःक्‍सादे़न्‍नोए वये़॥

लुका 1:80 Referans Kwoze

लुका 2:40

खे़प्‍मो अङे़ःक्‌वान् पोरे़र पेआङ् के़धुम्‍बा पोःक्‍खे़रो॥ खुने़ॽ सिक्‍कुम्‍दिङ् निङ्‌वाॽरे़ कुधिम् वये़, हे़क्‍क्‍याङ् निङ्‌वाॽफुमाङ्‌ङिल्‍ले़ कुमुॽइसाम्‍मिन् खुने़ॽ सम्‍दाङ् वये़रो॥

लुका 2:52

अक्‍खेलॽरिक् ये़सुन् सिक्‍कुम्‍दिङ् निङ्‌वाॽ नु नासिङ्‌गे़न् थक्‍को पोरे़ हे़क्‍क्‍याङ् निङ्‌वाॽफुमाङ्‌ङिन् खुने़ॽनु सःत्ते़ हे़क्‍क्‍याङ् मे़न्‍छाम् याप्‍मिहाॽआङ् मे़सःत्ते़रो॥

मत्ति 3:1

खे़न् ये़म्‍मो बप्‍तिस्‍मा के़बिबा युहुन्‍ना मे़प्‍मनाबा मनान् यहुदिया थुम्‍मोबा एःक्‍सादे़न्‍नो अक्‍खेलॽरिक् इङ्‌भन्‌ चोगुर त्‍ये़,

युहुन्‍ना 1:31

तगिग इङ्‌गाॽ आबाङेआङ् खुने़ॽ कुसिङ् मे़न्‍निःत्ते वयाङ् कर खुने़ॽ इस्राइल लाजेॽओ ओसेःन्‍धाक्‍सिङ्‌ल फाॽआङ् च्‍वाःत्तो बप्‍तिस्‍मा पिरुङ्‌सिङ्‌ल त्‍याङ्‌बारो॥”

लुका 1:15

थेआङ्‌भे़ल्‍ले़ खुने़ॽ दाङ्‌बाल्‍ले़ कुनिमाओ यम्‍बा पोङ्‌लो॥ खुने़ॽ चे़ल्‍ले़क्‍सेॽ थिः नु वेॽ आममबा थुङ्‌मा मे़नुॽने़न्‍लो॥ हे़क्‍क्‍याङ् सावाःन्‍छिङ्‌ङाङ्‌धोए सेसेमाङ्‌ङिल्‍ले़ कुधिम् पोङ्‌लो॥

मत्ति 11:7

बप्‍तिस्‍मा के़बिबा युहुन्‍नाःल्‍ले़ कुहुॽसाम्‍बाहाॽ मे़बेर मे़बत्‍छे़ल्‍ले़ ये़सुरे़ खे़प्‍मो के़वाॽबा मनाहाॽ युहुन्‍नारे़ कुयाःम्‍बेओ अक्‍खे मे़त्तुसि, “ये़ःङ्‌घादे़न्‍नो थेःन् ओमत्‍छे़ के़बेगिबाबे? सुरित् केजङ्‌ङिल्‍ले़ वाःन्‍जो-वाःन्‍जो लॽरिक् वाःन्‍दुबा थिङ्‌ने़त् हे़क्‍तङ्‌बा मनाःन्‍बि?

१ सामुए़ल 2:21

हे़क्‍क्‍याङ् यहवे दाङ्‌बे़ल्‍ले़ हन्‍नाःन् लुङ्‌माॽ तुक्‍तुॽ, हे़क्‍क्‍याङ् खे़न् मे़न्‍छुक्‍मा पोःक्‍खे़आङ् ये़म्‍बित्‍छा सुम्‍सि नु मे़न्‍छुमा ने़त्‍छि साहाॽ कत्तुसि॥ ना अङे़ःक्‌वा सामुए़ले़न् यहवे दाङ्‌बे़ल्‍ले़ कुनिमो पोमाधाङ्‌मा हेःक्‍ते़॥

सेःक्‌युक्‍मिबाहाॽ 18:28

थेआङ्‌भे़ल्‍ले़ खुने़ॽग मनालुम्‍मोए खे़प्‍मोबा यहुदिहाॽनु साॽरिक् पाःन्‍थक्‍ते़आङ् खुनिॽ पाःन्‍निन् अत्तुर साम्‌योसाप्‍लालाम् ये़सुन् ने निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍तरो फाॽआङ् ओसेःन्‍धाक्‍तुसिर याःन्‍दुसिरो॥