लुका 1:79 - लिम्बु79 हे़क्क्याङ् खादाम्मा नु सिमे़ल्ले़न् साम्म्रिःप्पो के़वाॽबाहाॽओ खे़न् नाम्साङ्ङिन् ओःत्लो, हे़क्क्याङ् आनिॽ लाङ्भोन् सनारुङ् लाम्मो तोःन्छिङ्लो॥” Gade chapit la |
लुका 1:79
36 Referans Kwoze
मे़दे़म्सु मे़देॽरुसिबाहाॽ मे़त्ते़से़ॽ ‘लःन्दे़म्पेगे़म्मे़ॽओ’ हे़क्क्याङ् खामाक्माओ के़वाॽबाहाॽ ‘ओःत्तिओ लन्दे़म्मे़ॽओ॥’ खे़ङ्हाॽ लाम्मिल्ले़ कुबेसाङ् चागे़राम्बा मे़ल्लुक् हे़क्के मे़लॽरो, खे़ब्याङ् मुरे़क् खारे़क्पा के़रे़क् कोःक्मा फाङ्जङ् थे़गु माङ्वाहाॽओ खे़ङ्हाॽरे़ चाराम्मादे़न् मे़घोसुरो॥
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
यहवे दाङ्बे़ल्ले़ पाःत्तुॽ, “आसे़वारोबाए, आल्लसाङ् खे़ने़ॽ चोःक्मा के़बोङ्बा यम्बा याःम्बक् के़गत्तुरो॥ खे़ने़ॽ इस्राइलबा के़दाङ्बा के़याःक्पाहाॽ याम्मो आङ्गाॽओ के़नुःक्तु के़दारुसिरो, खे़म्म्याक्लक् मेःन्, मे़न्छाम् सुवाङ्लुम्मो यम्बा ओःत्ति चोःक्ने़रो॥ हे़क्क्याङ् इक्सादिङ् खाम्बेःक्किल्ले़ कुनुप्माधारिक् आङ्गाॽ आसे़न्लप्पिन् खे़ने़ॽ के़गे़त्तुरो॥”
आङ्गाॽ मिक्फःम्बाहाॽ खे़ङ्हाॽरे़ मे़न्निसुम्बा लाम्मो लाम्लोसुङ्सिङ्लो॥ खे़ङ्हाॽरे़ कुसिङ् मे़न्निःत्तुम्बा लाम्मिन् खे़ङ्हाॽ ओसेःन्धाक्तुङ्सिङ्लो॥ आङ्गाॽ खे़ङ्हाॽरे़ खुन्छिॽ तगि खागे़माक्पे़न् खागे़ओःप्पा चोगुङ्लो हे़क्क्याङ् पाक्लुम् उःक्चम् के़लॽबा ते़न्हाॽ ले़प्पे़प्पा तङ्सुङ्लो॥ आङ्गाॽ कन् याःम्बक्हाॽ चोगुङ्लो, आङ्गाॽ खे़निॽ मे़ले़त्ने़न्निङ्लो॥
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
Piblisite