लुका 1:14 - लिम्‍बु

¹⁴ खे़ने़ॽ के़सःत्ताङ् ये़ये़ के़लॽरो॥ हे़क्‍क्‍याङ् अङे़ःक्‌वा सागे़वाःन्‍छिङ्‌बा पोङ्‌बाल्‍ले़ चोगुल्‍ले़ यरिक् मनाहाॽआङ् मे़सःत्‍लो॥

लुका 1:14 Referans Kwoze

लुका 1:58

हे़क्‍क्‍याङ् खुने़ॽ कुहिम्‍बेसाङ्‌बाहाॽ नु कुगाॽइबाहाॽरे़ कन् दाङ्‌बाल्‍ले़ खुने़ॽ साॽरिक् लुङ्‌माॽ तुक्‍तुबा पाःन्‍निन् मे़घे़प्‍सुआङ् खे़ङ्‌हाॽ खुने़ॽनु मे़सःत्ते़रो॥

खाहुन् 23:24

साम्‌योबा मनाःल्‍ले़ कुम्‍बा साॽरिक् सःत्‍लो, सिक्‍कुम्‍साबा सा के़गप्‍पा पान् कुस्‍साःन्‍नु कुनिङ्‌वाॽ तारो॥

खाहुन् 15:20

सिक्‍कुम्‍साबा साःल्‍ले़ कुम्‍बा कुनिङ्‌वाॽ तासुरो, कर अदङ् साःल्‍ले़ कुम्‍मा तुक्‍खे चाःत्तुरो॥

तोलिङ्‌सोमु 21:6

साराःल्‍ले़ पाःत्तु, “यहवे दाङ्‌बाल्‍ले़ आङ्‌गाॽ लत्‍छा एःप्‍मा के़युबा पाःन्‍धिक् पिराङ्‌लो॥ कन् पाःन्‍निन् के़घे़म्‍बा के़रे़क् आङ्‌गाॽनु मे़एःत्‍लो॥”

खाहुन् 23:15

आस्‍साए, के़सिक्‍लुङ्‌मे़न् सिक्‍कुम्‍निबा चोःक्‍ने़भग्र, आङ्‌गाॽ आसिक्‍लुङ्‌मे़न् से़क्‍खाए सःत्‍लो॥

लुका 1:13

कर खे़न् माङ्‌लाइङ्‌बाल्‍ले़ खुने़ॽ मे़त्तु, “मे़गिसे़न्‍ने़ॽओ जकरियाए! आल्‍लो खे़ने़ॽ के़जोगुबा तुवान् निङ्‌वाॽफुमाङ्‌ङिल्‍ले़ खे़प्‍सुआङ् वाॽरो॥ आल्‍ल मे़ल्‍लिङ्‌गे़न् के़मेःत् इलिसिबारे़ ये़म्‍बित्‍छाॽसाधिक् के़गत् के़बिॽरो॥ खे़न् अङे़ःक्‌वान् युहुन्‍ना मिङ् वाःत्ते़ॽओ॥

लुका 1:15

थेआङ्‌भे़ल्‍ले़ खुने़ॽ दाङ्‌बाल्‍ले़ कुनिमाओ यम्‍बा पोङ्‌लो॥ खुने़ॽ चे़ल्‍ले़क्‍सेॽ थिः नु वेॽ आममबा थुङ्‌मा मे़नुॽने़न्‍लो॥ हे़क्‍क्‍याङ् सावाःन्‍छिङ्‌ङाङ्‌धोए सेसेमाङ्‌ङिल्‍ले़ कुधिम् पोङ्‌लो॥

यर्मिया 20:15

खे़न् मनान् साङ्‌ग्रारे़ ते़त्तुररो, खे़ल्‍ले़ आङ्‌गाॽ आम्‍बा अक्‍खे मे़त्तुरो “खे़ने़ॽ अङे़ःक्‌वा सा के़गत्तुरो! खे़ने़ॽ ये़म्‍बित्‍छा के़स्‍सा पोःक्‍खे़रछ!” अक्‍तङ्‌बा इङ्‌घङ् पिरुआङ् खुने़ॽ कुनिङ्‌वाॽ त्‍ये़र चोगुआङ् वये़रो॥