ले़बि 9:6 - लिम्‍बु

⁶ हे़क्‍क्‍याङ् मोसाःल्‍ले़ मे़त्तुसि, “यहवे दाङ्‌बे़ल्‍ले़ इङ्‌जाङ् चोगुबा खिनिॽ चोःक्‍मा के़बोङ्‌बा याःम्‍बक्‍किन् हाबा कन्‍लो, खे़ब्‍याङ् यहवे दाङ्‌बाल्‍ले़ कुमिमिदिङ्‌ङिन् खिनिॽओ ओसेःन्‍धाङ् पोङ्‌ॽ॥”

ले़बि 9:6 Referans Kwoze

ले़बि 9:23

खे़ब्‍याङ् मोसान् नु हारुने़न् तुम्‍मादे़न् साःङ्‌गाहिम् सिगाङ् लासे़त्‍छि, हे़क्‍क्‍याङ् लःन्‍दे़सिआङ् मनाहाॽ हाङ्‌वागे़न् मुॽइसाम् पिरे़त्‍छुसि॥ खम्‍भ्‍याङ् यहवे दाङ्‌बे़ल्‍ले़ कुमिमिदिङ्‌ङिन् के़रे़क् मनाहाॽओ ओसेःन्‍धाङ् पोःक्‍खे़॥

इजकिएल 43:2

हे़क्‍क्‍याङ् चघप् इस्राइलबा निङ्‌वाॽफुमाङ्‌ङिल्‍ले़ कुमिमिदिङ्‌ङिन् नाङ्‌गे़न् पिसाङ्‌लाम् फे़रे़र पत्‍छे़बा निसुङ्॥ खुने़ॽ कुसःक्‍मे़न् च्‍वाःत्‍हाॽ सःक्‍ते़बा कुइसिक् लॽरे़ हे़क्‍क्‍याङ् खुने़ॽ कुमिमिदिङ्‌ङिल्‍ले़ खाम्‍बाङ्‌ङिन् से़ल्‍ले़ङ् से़ल्‍ले़ङ् ओःत्ते़र थोॽरुआङ् ने़स्‍से़॥

लाम्‍दिक् 24:16

यहवे दाङ्‌बे़ल्‍ले़ कुमिमिदिङ्‌ङिन् सिनै कोःक्‍माओ पत्‍छे़, हे़क्‍क्‍याङ् खाॽमिःत्तिल्‍ले़ तुक्‍सि ये़न् थारिक् कोःक्‍मान् पन्‍छुआङ् पत्‍छे़॥ नुसि ये़न्‍नो याःन्‍दिक् खाॽमिःत्तिल्‍ले़ कुलुम्‍मोलाम् यहवे दाङ्‌बे़ल्‍ले़ मोसान् पाःन्‍छाःत्तु॥

लाम्‍दिक् 16:10

हारुने़न् के़रे़क् सङ्‌जुम्‍भोहाॽनु पारे़र पत्‍छे़ल्‍ले़ खे़ङ्‌हाॽरे़ खुन्‍छिॽ नारान् मुरे़क् खारे़क् थेआङ् के़होःप्‍पादे़न् ले़प्‍माङ् मे़हिसु हे़क्‍क्‍याङ् हक्‍चघत् यहवे दाङ्‌बे़ल्‍ले़ से़दिङ्‌दिङ् के़ओःप्‍पा कुमिमिदिङ्‌ङिन् खाॽमिःत्तो निधाबे़॥

ले़बि 9:5

मोसाःल्‍ले़ मे़त्तुसिबा कुइसिक् खे़ङ्‌हाॽरे़ के़रे़क् पाःन्‍हाॽ तुम्‍मादे़न् साःङ्‌हिम्‍मिल्‍ले़ कुदगि मे़दारु, हे़क्‍क्‍याङ् के़रे़क् सङ्‌जुम्‍भोहाॽ यहवे दाङ्‌बे़ल्‍ले़ कुदगि मे़द्‌ये़आङ् मे़ये़म्‍सिङ्॥

लाम्‍दिक् 29:43

इस्राइलिहाॽनु आङ्‌गाॽ हाबा खे़म्‍मोए तुम्‍मा याःम्‍बक् चोगुङ्‌ॽ, हे़क्‍क्‍याङ् खे़न् साःङ्‌गाहिम्‍मिन् आङ्‌गाॽ आमिमिदिङ्‌ङिल्‍ले़ सेसे पोङ्‌ॽ॥